ខេត្តកំពង់ស្ពឺ÷មួយរយៈពេលកន្លងមកគេសង្កេតឃើញមានអ្នកសារព័ត៌មានជាច្រើនអង្គភាពបានធ្វើការផ្សព្វផ្សាយរិះគន់ដើម្បីស្ថាបនាទៅលើអាជ្ញាធរមានសមត្ថកិច្ច និងមន្ត្រីជំនាញដែលពាក់ព័ន្ធក្នុងការជំរុញឲ្យមានការបង្ក្រាបបទល្មើសព្រៃឈើក៌ដូចជាបទល្មើសផ្សេងៗដូចជារថយន្តដឹកបទល្មើសព្រៃឈើក្នុងខេត្តកំពង់ស្ពឺផងដែរ ក៌ប៉ុន្តែការផ្សព្វផ្សាយឬសេចក្តីជូនដំណឹងទាំងអស់នេះបែជាសមត្ថកិច្ចឬមន្ត្រីជំនាញពាក់ពាន់ទាំងនោះហាក់បីដូចជាធ្វើមិនដឹងមិនលឺទោះខិតខំផ្សព្វផ្សាយជូនដំណឹងភាពដ៌ដែលៗយ៉ាងណាក៌ដោយក៌សមត្ថកិច្ចឬមន្ត្រីជំនាញប្រចាំគោលដៅនៅតែបន្តបើកភ្លើងខៀវឲ្យក្រុមឈ្មួញធ្វើសកម្មភាពដឹកជញ្ជូនបទល្មើសព្រៃឈើរៀងរាល់យប់ថ្ងៃទៅវិញកក្តាត្រង់នេះសរបញ្ជាក់ឲ្យឃើញច្បាស់ថាដោយសារតែបានទទួលផលប្រយោជន៍ពីរក្រុមឈ្មួញភ្លេចតួនាទីក្នុងការទប់ស្កាត់ឬបង្ក្រាបអស់រលីងទៅហើយ។
បើយោងតាមប្រភពព័ត៌មានបានឲ្យដឹងថាមានមេឈ្មួញឈើម្នាក់ឈ្មោះ តាំង សម្បត្តិ កំពង់ធ្វើសកម្មភាពដឹកជញ្ជូនបទល្មើសព្រៃឈើជាប្រភេទឈើក្បាំង ជាយូរខែមកហើយដោយមេឈ្មួញនោះបានប្រើប្រាស់រថយន្តសាំងយ៉ុងពណ៌ស ដែលមានផ្លាកលេខ 62.85 ដឹកជញ្ជូនទាំងយប់ទាំងថ្ងៃ ចេញពីភូមិស្រែកិន ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ក្នុងនោះមានរថយន្តបាឡែនពណ៌ទឹកប្រាក់មួយគ្រឿងមើលស្លាកលេខមិនច្បាស់ ជាអ្នកចាំមើលផ្លូវ។
ប្រភពបានបន្តទៀតថាក្រោយពីមានឱកាសរថយន្តសាំយ៉ុងដឹកឈើប្រភេទឈើក្បាំង បានបើកចេញមកក្រៅឆ្ពោះមកផ្លូវជាតិលេខ៤៤ រត់កាត់មុខស្នាក់ការរដ្ឋបាលព្រៃឈើផ្លោច ឆ្ពោះមកស្រុកថ្ពង ឆ្លងកាត់ស្នាក់ការជាច្រើនក្នុងនោះមានស្នាក់ការរដ្ឋបាលព្រៃឈើអូររទេះផ្លូក ឆ្លងកាត់មុខសាលាស្រុកថ្ពង បញ្ជាការដ្ឋានកងរាជអាវុធហត្ថស្រុកថ្ពង និងអធិការដ្ឋាននគរបាលស្រុកថ្ពង នឹងបន្តឆ្ពោះមកស្រុកឧដុង្គ បានយ៉ាងរលូនមិនដែលឃើញសមត្ថកិច្ចឈរជើងតាមគោលដៅតាមដងផ្លូវជាតិលេខ៤៤ ចាត់វិធានការ ទប់ស្កាត់ ឬបង្ក្រាបបានម្តងណាឡើយ ។
ប្រភពព័ត៌មានបានបន្ថែមឲ្យដឹងទៀតថាមកដល់ពេលនេះមេឈ្មួញឈ្មោះ តាំង សម្បត្តិ នៅតែបន្តសកម្មភាពដឹកជញ្ជូនឈើចេញពីតំបន់ខាងលើ យ៉ាងពេញបន្ទុក។ មន្ត្រីបរិស្ថាន មន្ត្រីរដ្ឋបាលព្រៃឈើ សមត្ថកិច្ចអាវុធហត្ថ និងសមត្ថកិច្ចនគរបាលក្នុងស្រុកឱរ៉ាល់ និងស្រុកថ្ពង មិនចាត់វិធានការបង្ក្រាបមេឈ្មួញដែលធ្វើសកម្មភាពដឹកជញ្ជូនឈើខុសច្បាប់យ៉ាងគឃ្លើននោះទេ។ផ្ទុយទៅវិញគឺមានការឃុបឃិតពីសំណាក់មន្ត្រីជំនាញ និងសមត្ថកិច្ចពាក់ព័ន្ធ ទើបមេឈ្មួញឈ្មោះ តាំង សម្បត្តិ អាចដឹកជញ្ជូនឈើចេញពីភូមិស្រែកិន ក្នុងស្រុកឱរ៉ាល់ ទៅដល់គោលដៅយ៉ាងសុខស្រួលជារៀងរហូត។
ប្រភពពីប្រជាពលរដ្ឋដែលស្និទ្ធនឹងមេឈ្មួញឈ្មោះ តាំង សម្បត្តិ បានឲ្យដឹងថា ដោយសារមេឈ្មួញនេះ មានខ្នងបង្អែករឹងមាំ ទើបអាចបន្តសកម្មភាពដឹកជញ្ជូនឈើចេញពីភូមិស្រែកិន ស្រុកឱរ៉ាល់ ខេត្តកំពង់ស្ពឺ ដោយគ្មានសមត្ថកិច្ចណាបង្ក្រាប។ លោក ច័ន្ទថេត ថានរ: ប្រធានមន្ទីរបរិស្ថានខេត្តកំពង់ស្ពឺ ក៏ដូចជាលោក យឹម ណន ប្រធានមន្ទីរកសិកម្មខេត្តកំពង់ស្ពឺ សុទ្ធតែរក្សាភាពស្ងៀមស្ងាត់ ទុកឲ្យឈ្មួញឈ្មោះ តាំង សម្បត្តិ ដឹកជញ្ជូនឈើខុសច្បាប់យ៉ាងពេញបន្ទុក។
ក្រោយពីរកាផ្សព្វផ្សាយឬជាការជូនដំណឹងនេះរួចមក សង្ឃឹមថា ថ្នាក់ដឹកនាំក្នុងខេត្តកំពង់ស្ពឺ ឬសមត្ថកិច្ចនឹងមន្ត្រីជំនាញពាក់ព័ន្ធទាំងអស់ នៅតាមគោលដៅតាមដងផ្លូវ ជាពិសេស អង្គភាពសារព័ត៌មានយើងសូមសំណូមពរដល់ ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ និងលោក ឧត្តមសេនីយ៍ ម៉ែង ស្រ៊ុន មេបញ្ជាការកងរាជអាវុធហត្ថខេត្ត លោកនឹងចាត់ឲ្យមន្ត្រីក្រោមឱវ៉ាតប្រចាំតាមគោលដៅបង្កើតស្នាដៃចុះបង្ក្រាបបទល្មើសព្រៃឈើនឹងមិនបណ្ដែតបណ្ដោយឲ្យមេឈ្មួញឈ្មោះ តាំង សម្បត្តិ ធ្វើអ្វីៗតាមអំពើចិត្ត។
អោយស្របទៅតាមបទបញ្ជារបស់ សម្តេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជា បានដាក់ចេញនៅបទបញ្ជាយ៉ាងម៉ឺងម៉ាត់មួយ ឱ្យក្រសួងស្ថាប័នពាក់ព័ន្ធ និងអភិបាលខេត្តត្រូវធ្វើការទប់ស្កាត់ និងបង្ក្រាបឱ្យខានតែបានចំពោះការកាប់បំផ្លាញព្រៃឈើ ។
អង្គភាពសារព័ត៌មានយើងរងចាំធ្វើការបកស្រាយ បំភ្លឺពីសាម៉ីខ្លួនពាក់ព័ន្ធ គ្រប់ពេលវេលា នៅរៀងរាល់ម៉ោងធ្វើការជុំវិញបញ្ហាចុះផ្សាយខាងលើនេះ ស្តីពីច្បាប់របបនៃសារព័ត៌មានកម្ពុជាគឺឲ្យមានភាពសុក្រឹត្យ-និងយុត្តិធម៌តែប៉ុណ្ណោះសូមអរគុណ ៕
