ភ្នំពេញ៖ នាព្រឹកថ្ងៃទី០៧ ខែសីហា ឆ្នាំ២០២៥-លោក ឃឹម រដ្ឋា ចាងហ្វាងគេហទំព័រ រស្មី ស្ទឹងត្រង់ បានដឹងនាំក្រុមការងារនាំយកអំណោយសម្តារៈ ស្បៀង គ្រឿងឧបភោគ បរិភោគ និងថវិកា ដែលអំណោយទាំងអស់នេះគឺជាទឹកចិត្តរបស់ក្រុមការងារក្នុងអង្គភាព និងសម្បុរសជននានា ដើម្បីយកទៅផ្តល់ជូនដល់វិរៈកងទ័ពជួរមុខ ដែលកំពុងការពារទឹកដីដែលសៀមកំពុងឈ្លានពាន និងបន្តយកទៅផ្តល់ជួយដល់បងប្អូនដែលកំពុងភៀសសឹកនៅកន្លែងទីទួលមានសុវត្ថិភាពនៅក្នុងវត្តពោធិ៍៥ពាន់ដើម ស្ថិតនៅភូមិគូលែនខាងត្បូង ឃុំគូលែនខាងត្បូង ស្រុកគូលែន ខេត្តព្រះវិហារ ។
ឆ្លៀតក្នុងឱកាសនោះដែរ លោក ឃីម រដ្ឋា ប្រធានអង្គភាព បានសំណេះសំណាលនិងសួរសុខទុក្ខបងប្អូនដែលជាកងកម្លាំងការពារទឹកដីសមរភូមិជួរមុខដែលកំពុងតែប្រយុទ្ធជាមួយកងទ័ពឈ្លានពានទឹកដីកម្ពុជា ព្រមទាំងលើកទឹកចិត្តដល់កងកម្លាំងទាំងអស់ត្រូវខិតខំការពារទឹកដីកម្ពុជា មិនអោយជនណាមកឈ្លានពានទឹកដីកម្ពុជាសូម្បីតែ ១មីលីម៉ែត្រ។
នាឱកាសនោះ លោក ឃីម រដ្ឋា បានថ្លែងអំណរអរគុណដល់ទឹកចិត្តក្រុមការងារអង្គភាពគេហទំព័រ រស្មី ស្ទឹងត្រង់ ព្រមទាំងសម្បុរសជននានា ដែលបានផ្ដល់ជាសម្ភារៈ គ្រឿងឧបភោគ បរិភោគ និងថវិកា សម្រាប់ប្រគល់ជូនតាមរយៈលោកដែលជាប្រធានអង្គភាពដើម្បីយកទៅចែកជូនដល់កងទ័ពដែលកំពុងបំពេញភារកិច្ចការពារទឹកដីរបស់យើងមិនឱ្យជនណាម្នាក់មកឈ្លានពានបានឡើយ និងបងប្អូនភៀសសឹកដែលកំពុងស្នាក់នៅទីទួលមានសុវត្ថិភាព។
សូមបញ្ជាក់ផងដែរថា សម្ភារៈដែលក្រុមការងាររបស់អង្គភាពគេហទំព័រ រស្មី ស្ទឹងត្រង់ ដឹកនាំដោយលោក ឃីម រដ្ឋា បាននាំយកទៅផ្តល់ជូនរួមមាន ៖
-ខាងក្រោមនេះ សម្ភារៈមកពី ៖
– ស្រុកស្អាង ខេត្តកណ្ដាល ៖ ១-អង្ករ ៧០០គីឡូ ២-មី ១០ កកេ ៣-ទឹកសុទ្ធ ៦០ យយួរ ៤-សាច់គោងៀត ៥ គីឡូក្រាម ៥-ឆៃប៉ូវ ២០ គីឡូក្រាម ៦-ស្ករ ៤ គីឡូក្រាម ៧-ប៊ីចេង ៤ គីឡូក្រាម ៨-ទឹកត្រី ៣ ដប ៩-ម៉ុង ៩ និងភួយ ១០ ព្រមទាំងកន្ទេល ២ ផងដែរ កម្មករកម្មការិនី រោងចក្រ ទឹកសុទ្ធ 100 យួរ មីខ្លាឃ្មុំ 10 កេស ម៉ាសប្រាំដុំ ទឹកត្រីបីយួរ ទឹកស៊ីអ៊ីវមួយយួរ មីឆ្អិនស្រាបរសជាតិខគោមួយកេស ។
– ស្រុកកងពិសី ៖ ត្រីខ 8 កំប៉ុង ទឹកត្រី 13 យួរ ទឹកស៊ីអ៊ីវ 11 យួរ ប្រេងឆា 12 ដប មីខ្លាឃ្មុំ២០កេស មីសួរ ២ កេស ទឹកសុទ្ធ 62 យួរ ពេលត្រជាក់ 5 កេស មីខោគោ 32 កេស ទឹកសុទ្ធកម្ពុជា 16 កេស ដំឡូងកូនក្មេង2ប្រអប់ ទឹកត្រចៀកកាំ 1 កេស ទឹកដោះគោ 3 កេស អង្ករ 200 គីឡូក្រាម ។
– ស្រុកកំពង់សៀម ខេត្តកំពង់ចាម ៖ ត្រីប្រាប្រឡាក់ 100 គីឡូផងបង ក្រុមការងារអង្គភាពរស្មីស្ទឹងត្រង់ ៕
