កំពង់ស្ពឺ÷ កម្លាំងនគរបាលស្រុកសំរោងទង.សហការជាមួយកម្លាំងនគបាលស្រុកភ្នំស្រួចបានអន្តរាគមន៍ស្រាវជ្រាវនិងឃាត់ខ្លួនមុខសញ្ញាជនសង្ស័យគំរាម(កាប់ប្លន់ម៉ូតូ)ចំនួន ៥នាក់បានភ្លាមៗ និងបន្តទៅឃាត់ខ្លួនបក្សពួកបានម្នាក់ទៀស្ថិតនៅឃុំមហាសាំង ស្រុកភ្នំស្រួច ខេត្តកំពង់ស្ពឺ។
នេះបើតាមការឲ្យដឹងពីរលោក វរសេនីយ៍ឯក ឃុត សុផល អធិការនគរបាលស្រុកសំរោងទងថាដោយអនុវត្តតាមបទបញ្ជាលោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ នឹងដឹកនាំបញ្ជាផ្ទាល់ពីលោក ឧត្តមសេនីយ៌ត្រី សម សាក់ ស្នងការរងទទួលផែនព្រហ្មទណ្ឌ ក្រោយពីរទទួលបានព័ត៌មានថានៅថ្ងៃទី០៧ ខែកញ្ញា ឆ្នាំ២០២៥ វេលាម៉ោង ២០និង ១៥នាទី មានឈ្មោះ សាត រស់ ភេទប្រុស អាយុ ២៣ឆ្នាំ រស់នៅភូមិពង្រ ឃុំតាំងក្រូចស្រុកសំរោងទង ខេត្តកំពង់ស្ពឺ បានជិះម៉ូតូ ១គ្រឿង ម៉ាកហុងដា សេ១២៥ ពណ៍ខ្មៅ សេរីឆ្នាំ២០១៩ ពាក់ផ្លាកកណ្ដាល 1AE.7272 តាមផ្លូវជាតិលេខ៤ ពីលិចទៅកើត ដល់ចន្លោះគីឡូម៉ែត្រ.៥៦-៥៧ មានជនសង្ស័សចំនួន៥នាក់ជិះម៉ូតូ២គ្រឿងបានស្ទាក់ប្លន់យកម៉ូតូរបស់ខ្លួននៅចំណុចភូមិពង្រធំ ឃុំកាហែង ស្រុកសំរោងទង ខេត្តកំពង់ស្ពឺ។
នៅវេលាម៉ោង ២១ និង ១០នាទីលោក វរសេនីយ៍ឯក ឃុត សុផល បានបញ្ជាឲ្យកម្លាំងនគរបាលស្រុកសំរោងទងចុះសហការជាមួយនគរបាលស្រុកភ្នំស្រួចបានអន្តរាគមស្រាវជ្រាវនឹងឃាត់ខ្លួនមុខសញ្ញាជនសង្ស័យបាន ៥នាក់ភ្លាមៗនៅចំណុចភូមិប្រាសាទ ឃុំមហាសាំង ស្រុកភ្នំស្រួច ខេត្តកំពង់ស្ពឺ។
លោក វរសេនីយ៍ឯក ឃុត សុផល បានបន្ថែមទៀតថាមុខសញ្ញាជនសង្ស័យទាំង ៥នាក់ ដែរសមត្ថកិច្ចឃាត់ខ្លួននោះរួមមាន÷
១-ឈ្មោះ យ៊ាំង សុភ័ស ភេទប្រុស អាយុ ២០ឆ្នាំ
២-ឈ្មោះ យ៊ាំង ភា ភេទប្រុស អាយុ ១៨ឆ្នាំ
៣-ឈ្មោះ ឆិល មករា ភេទប្រុស អាយុ១៥ឆ្នាំ ទាំង ៣នាក់ រស់នៅភូមិទឹកថ្លា ឃុំដំបូករ៉ូង ស្រុកភ្នំស្រួច ខេត្តកំពង់ស្ពឺ ។
៤- ឈ្មោះ អ៊ុំ ចាន់ដេត ភេទប្រុស អាយុ ១៤ឆ្នាំ
៥- ឈ្មោះ ទឿង វាសនា ភេទប្រុស អាយុ ១៤ឆ្នាំ ទាំង ២នាក់ រស់នៅភូមិត្រាច ឃុំកាហែង ស្រុកសំរោងទង ខេត្តកំពង់ស្ពឺ ។
លោកអធិការបានឲ្យដឹងទៀតថានៅថ្ងៃទី៨ ខែកញ្ញា ឆ្នាំ២០២៥ សមត្ថកិច្ចបានបន្តឃាត់ខ្លួនជនសង្ស័យម្នាក់ទៀតឈ្មោះ ឈន សុខរាជ ភេទប្រុស អាយុ ១៦ឆ្នាំ រស់នៅភូមិត្រាច ឃុំកាហែង ស្រុកសំរោងទង ខេត្តកំពង់ស្ពឺ ជាបក្សពួក ។
ក្រោយពីសមត្ថកិច្ចធ្វើការសាកសួរជនសង្ស័យបានឆ្លើយសារភាពថាពិតជាបាន ប្លន់យកម៉ូតូខាងលើពិតប្រាកដមែននឹងធ្លាប់ធ្វើសកម្មភាពលួច-ប្លន់ ៣លើកមានគ្នា៦នាក់ ។
១- កាប់ប្លន់យកម៉ូតូ ថ្ងៃទី៣១ ខែសីហា ឆ្នាំ២០២៥ តាមបណ្ដោយផ្លូវជាតិលេខ៤ ចន្លោះគីឡូម៉ែត.៦៧-៦៨ ចំណុចភូមិត្រពាំងអត់ទឹក ឃុំគីរីវន្ត
២- លួចម៉ូតូថ្ងៃទី២២ ខែសីហា ឆ្នាំ២០២៥ នៅភូមិត្រពាំងកែស ឃុំសែនដី ស្រុកសំរោងទង ខេត្តកំពង់ស្ពឺ ។
៣-លួចទូរស័ព្ទនៅថ្ងៃទី៣០ ខែសីហា ឆ្នាំ២០២៥ បន្ទប់ជួលភូមិអូរវែង ឃុំកាហែង ស្រុកសំរោងទង ខេត្តកំពង់ស្ពឺ ។
សរុបសមត្ថកិច្ចបានឃាត់ខ្លួនមុខសញ្ញាជនសង្ស័យ ៦នាក់ប្រុស និងដកហូតបានម៉ូតូ ៣គ្រឿង ជាម៉ូតូ របស់ជនរងគ្រោះទាំង ៣គ្រឿង កាំបិតខ្វេវដងដែក១ នឹងទូរស័ព្ទ ២គ្រឿង។
បច្ចុប្បន្នជនសង្ស័យខាងលើសមត្ថកិច្ចបានកសាងសំណុំរឿងចាត់ការតាមនីតិវិធី ៕
