ខេត្តកំពង់ស្ពឺ៖ រថយន្តមួយគ្រឿងដឹកសាច់បង្កកចេញពីខេត្តព្រះសីហនុឆ្លងកាត់ខេត្តកំពង់ស្ពឺយកទៅរាជធានីភ្នំពេញជិត៧តោនមកដល់ត្រង់ចំណុចស្នាក់ការគយខេត្តកំពង់ស្ពឺទើបបង្ក្រាបសង្ស័យចរចារលុយមិនត្រូវគ្នានៅលើផ្លូវល្បឿនលឿនកាលពីរសៀលថ្ងៃទី១៣ ខែកញ្ញា ឆ្នាំ២០២៥។
បើតាមប្រភពពីរប្រជាពលរដ្ឋបានឱ្យដឹងថារថយន្តមួយគ្រឿងម៉ាកFAWពណ៌ស ពាក់ផ្លាកលេខ ភ្នំពេញ 3G-7738 អ្នកបើកបរមិនស្គាល់អត្តសញ្ញាណបើកបរតាមផ្លូវល្បឿនលឿនពីភ្នំពេញទៅខេត្តព្រះសីហនុហើយនៅក្នុងរថយន្តនេះបានដឹកសាច់បង្កកចំនួន៦មុខ។
រួមមាន:១. ស្លាបមាន់ ២.ជើងមាន់ ៣.ត្រីប្រឡាក់ ៤.ត្រជៀកជ្រូក ៥.ក្រពះជូក ៦.ពពុះសណ្តែក
សរុបមានទំងន់ជិត៧តោនយកមកដុតកម្ទេចចោលនៅត្រង់ចំណុចភ្នំប្រាក់សំបូរ ឃុំតាំងស្យា ស្រុកភ្នំស្រួច ខេត្តកំពង់ស្ពឺ កាលពីព្រឹកថ្ងៃទី១៤ខែកញ្ញា ឆ្នាំ២០២៥ ដោយមានការចូលរួមពីមន្ត្រីតុលាកា សាខាគយ រដ្ឋករ ព្រមទាំងអាជ្ញារធក្នុងមូលដ្ឋាន។
ប្រភពបានបង្ហើបទៀតថាសង្ស័យរឿងចរចាលុយមិនត្រូវគ្នាទើបសាខាគយ នឹងរដ្ឋករខេត្តកំពង់ស្ពឺសម្រេចដុតកម្ទេចចោលតែម្តងទៅ ។
សូមរំលឹកផងដែរថា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ធ្លាប់បានធ្វើពហិការបញ្ឈប់ការប្រើប្រាស់របស់របរ និងទំនិញរបស់ថៃ និងគ្រឿងឧបភោគ បរិភោគ ដែលនាំចូលពីប្រទេសថៃ។ ប៉ុន្តែរថយន្តដឹកសាច់បង្កកខាងលើនេះ គេមិនដឹងថានាំចូលមកប្រទេសកម្ពុជាយើងតាមច្រកណាមួយនោះទេ ទើបបានជាធ្វើចរចរាណ៍ពេញផ្ទៃប្រទេសបែបនេះ។
ក្រោមការចោទប្រកាន់ពីប្រជាពលរដ្ឋ ក្រុមអ្នកសារព័ត៌មានយើង មិនទាន់បានសុំការបំភ្លឺលោក ឈុន ហៃ ប្រធានសាខាគយខេត្តកំពង់ស្ពឺ នោះទេនៅព្រឹកថ្ងៃទី១៤ ខែកញ្ញានេះ ដោយពុំមានលេខទូរស័ព្ទ។
អង្គភាពសារព័ត៌មានយើង និងរង់ចាំទទួលធ្វើការបកស្រាយពីអាជ្ញាធរមានសមត្ថកិច្ចឬមន្ត្រីជំនាញពាក់ព័ន្ឋពិសេសលោក ឈុន ហៃ ប្រធានសាខាគយខេត្តកំពង់ស្ពឺ គ្រប់ពេលវេលា ជុំវិញការចុះផ្សាយខាងលើនេះបើមានប្រតិកម្មណាមួយនោះ នៅរៀងរាល់ម៉ោងធ្វើការ ស្តីពីច្បាប់របបនៃសារព័ត៌មានកម្ពុជា សូមអរគុណ៕
