ខេត្តត្បូងឃ្មុំ ៖ នារសៀលថ្ងៃទី១៦ ខែមេសា ឆ្នាំ ២០២៦នេះ អ្នកស្រី មាស ច័ន្ទធីតា ប្រធានក្រុមការងារចុះមូលដ្ឋានឃុំមៀន រួមឹងលោក រី ភារយុទ្ធ សមាជិក និងលោក រឹម ឆាយហួត បានចុះមូលដ្ឋានឃុំមៀន ចុះសួរសុខទុក្ខបងប្អូនប្រជាពលរដ្ឋដែលរងគ្រោះដោយខ្យល់កន្ត្រាក់ នៅភូមិថ្មប្រជុំ ភូមិកន្លែងចក និងភូមិថ្មសំលៀង ឃុំមៀន ស្រុកអូររាំងឪ ។
ប្រជាពលរដ្ឋដែលរងគ្រោះដោយខ្យល់កន្ត្រាក់ នៅភូមិថ្មប្រជុំ ភូមិកន្លែងចក និងភូមិថ្មសំលៀង ឃុំមៀន ស្រុកអូររាំងឪ សរុបមានការខូចខាតផ្ទះ ១៩ខ្មង ក្នុងនោះកំរិតធ្ងន់ ៣ខ្មង មធ្យម ២ខ្មង ស្រាល ១៤ខ្មង និងតូបលក់ដូរចំនួន ២ ។
ស្របគ្នានេះដែរ ក្រុមការងារក៏បានចូលរួមជាមួយអនុសាខាកាកបាទក្រហមស្រុក ក្រុមការងារចុះមូលដ្ឋានស្រុកដឹកនាំដោយ ឯកឧត្តម ង៉ូវ បូរីណា អនុប្រធានក្រុមការងារចុះមូលដ្ឋានស្រុកអូររាំងឪ តំណាងដ៏ខ្ពង់ខ្ពស់ ឯកឧត្តមបណ្ឌិត អ៊ាង សុផល្លែត ប្រធានក្រុមការងារចុះមូលដ្ឋានស្រុកអូររាំងឪ ពាំនាំថវិកាឧបត្ថម្ភ ៖
– គ្រួសាររងគ្រោះធ្ងន់ធ្ងរ ៣គ្រួសារ ក្នុងមួយគ្រួសារ ៦០ម៉ឺនរៀល សរុប ១.៨លានរៀល
– គ្រួសាររងគ្រោះមធ្យម ២គ្រួសារ ក្នុងមួយគ្រួសារ ៣០ម៉ឺនរៀល សរុប ៦០ម៉ឺនរៀល
– គ្រួសាររងគ្រោះស្រាល ១គ្រួសារដែលមានបណ្ណហានិភ័យ ចំនួន ២០ម៉ឺនរៀល
ដោយឡែក ក្រុមការងារចុះមូលដ្ឋានឃុំមៀន បានឧបត្ថម្ភអង្ករចំនួន ១០០គីឡូក្រាម សម្រាប់ក្រុមគ្រួសាររងគ្រោះទាំងអស់ ៕
