ខេត្តកំពង់ស្ពឺ ៖ នាព្រឹកថ្ងៃទី26 ខែមេសា ឆ្នាំ២០២៦ លោកបណ្ឌិត ឃីម រដ្ឋា ប្រធានអង្គភាពរដ្ឋារស្មីស្ទឹងត្រង់ និងលោកអនុបណ្ឌិត លី គឹមស៊ុន ទីប្រឹក្សាអង្គការចីរភាពបរិស្ថានកម្ពុជា បានសហការជាមួយលោក អ៊ូច សុខអាន ជាប្រធានលោក យឹម រិន អនុប្រធាន អង្គការចីរភាពបរិស្ថានកម្ពុជា ប្រចាំខេត្តកំពង់ស្ពឺ ព្រមទាំងព្រះតេជគុណបញ្ញោសុភារៈ បានចុះសួរសុខទុក្ខ និងនាំយកសំភារៈជាស្បៀងអាហារឧបត្ថម្ភ ជួយឧបត្ថម្ភដល់ប្រជាពលរដ្ឋ ចំនួន ០៤ គ្រួសារ ដែលជួបការលំបាក នៅស្រុកគងពិសី ខេត្តកំពង់ស្ពឺ ។
បន្ទាប់ពីបានទទួលនូវព័ត៌មានអំពីតម្រូវការ និង ភាពខ្វះខាតរបស់បងប្អូនប្រជាពលរដ្ឋ លោកបណ្ឌិត ឃីម រដ្ឋា ចាងហ្វាង រស្មីស្ទឹងត្រង់ នឹងលោកអនុបណ្ឌិត លី គីម ស៊ុន ទីព្រឹក្សាអង្គការចីរភាពបរិស្ថាន បានសហការជាមួយលោក អ៊ូច សុខអាន ព្រមទាំងព្រះតេជគុណបញ្ញោ ព្រះតេជគុណ សុខ សាវិន សម្ភារៈវត្តអង្គក្តី បានអញ្ជើញដឹកនាំក្រុមការងារ ចុះសួរសុខទុក្ខប្រជាពលរដ្ឋដល់ខ្នងផ្ទះ ដែលកំពុងជួបភាពខ្វះខាត ជួបការលំបាក ក្នុងជីវភាពរស់នៅ ដោយក្នុងនោះ គ្រួសារនីមួយៗទទួលបានអង្ករមួយបាវ សម្ភារៈប្រើប្រាស់ និងថវិកាមួយចំនួន ។
ប្រជាពលរដ្ឋ ដែលទទួលបានការឧបត្ថម្ភ រួមមាន ៖
1-លោកតាអ៊ំ ជីម ភេទប្រុស អាយុ54ឆ្នាំ នៅភូមិត្រពាំងជ្រៃឃុំព្រៃវិហារ ស្រុកគងពិសី ខេត្តកំពង់ស្ពឺ ។
2-លោកយាយ សរ បូ ភេទស្រី អាយុ84ឆ្នាំ នៅភូមិព្រៃដំណាក់ ឃុំព្រៃវិហារ ស្រុកគងពិសី ខេត្តកំពង់ស្ពឺ ។
3-លោកយាយ យ៉ង អ៊ុន ភេទស្រី អាយុ 86 ឆ្នាំ នៅភូមិព្រៃដំណាក់ ឃុំព្រៃវិហារ ស្រុកគងពិសី ខេត្តកំពង់ស្ពឺ ។
4-ប្អូនអាង ស្រីនិច អាយុ 30 ឆ្នាំ នៅភូមិឯកភាពឃុំព្រៃវិហារ ស្រុកគងពិសី ខេត្តកំពង់ស្ពឺ។
លោកបណ្ឌិត ឃីម រដ្ឋា ក្នុងស្មារតីមនុស្សធម៌ បេះដូងខ្មែរតែមួយ ក្នុងទិដ្ឋភាពពិតជាក់ស្តែង និងដោយក្តីអាណិតអាសូរពន់ពេក ជាទឹកចិត្ត លោកបានបរិច្ចាគជាថវិកា ក្នុងការឧបត្ថម្ភ និងសម្ភារៈស្បៀងហារ ដោយក្នុងនោះ មានទាំងថវិការបស់លោកផ្ទាល់ ព្រមទាំង សម្ភារៈ គ្រឿងឧបភោគបរិភោគមួយចំនួន អំពីសប្បុរសជនផងដែរ ។
ដោយឡែក លោកជំទាវ ឆាយ សុខន ក៏បានឧបត្ថម្ភ សារុងចំនួន ១០ ថវិកា និងថវិកា ចំនួន ម៉ឺនរៀលផងដែរ ៕
