នាថ្ងៃទី ២៦ ខែមិថុនា ឆ្នាំ២០២៦ ឯកឧត្តមបណ្ឌិត ស៊ាង ប៊ុនលាង រដ្ឋលេខាធិការ ក្រសួងមហាផ្ទៃ និងជាទីប្រឹក្សាផ្ទាល់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា មានឋានៈស្មើរដ្ឋមន្ត្រី និងជាប្រធានលេខាធិការដ្ឋានគ្រប់គ្រងគ្រោះមហន្តរាយ នៃក្រសួងមហាផ្ទៃ និងលោកជំទាវ អគ្គមហាឧបាសិកា មហាសទ្ធាភិសិរីចរិយា ហ៊ុន ប៊ុនធឿន ទីប្រឹក្សាក្រសួងការបរទេស និងសហប្រតិបត្តិការអន្តរជាតិ និងជាទីប្រឹក្សាគណៈសង្ឃនាយក គណៈមហានិកាយ នៃព្រះរាជាណាចក្រកម្ពុជា ព្រមទាំងបុត្រា បុត្រី ចៅៗ សាច់ញាតិ និងសហការីក្រុមការងាររាជធានីភ្នំពេញ បានអញ្ជើញជាអធិបតីក្នុង ពិធីបុណ្យផ្កាប្រាក់សាមគ្គី ដង្ហែយកទៅប្រគេនព្រះសង្ឃ ដើម្បីកសាងកុដ្ឋមួយខ្នង កំពស់ ពីរជាន់ មាន ១០ បន្ទប់ នៅវត្តព្រះពុទ្ធអណ្ដែត (ហៅវត្តក្ដីល្វា) ស្ថិតនៅភូមិធ្លក ឃុំត្រពាំងគង ស្រុកសំរោងទង ខេត្តកំពង់ស្ពឺ ។
ពិធីបុណ្យនេះបានប្រព្រឹត្តទៅក្នុងបរិយាកាសដ៏អធិកអធម ប្រកបដោយសទ្ធាជ្រះថ្លារបស់ពុទ្ធបរិស័ទ ដើម្បីរួមចំណែកកសាង និងទ្រទ្រង់វិស័យព្រះពុទ្ធសាសនា ព្រមទាំងឧទ្ទិសកុសលផលបុណ្យជូនដល់បុព្វការីជន និងញាតិការទាំងឡាយ សូមទទួលបានសេចក្ដីសុខ សេចក្ដីចម្រើន និងសិរីសួស្ដីគ្រប់ប្រការ។
សម្រាប់ព័ត៌មានបន្ថែម សូមទំនាក់ទំនង៖
069 254 747 / 097 686 4747 / 076 444 4373
