(ខេត្តកំពត)៖ នៅព្រឹក ថ្ងៃអង្គារ៍ ៧កើត ខែពិសាខ ឆ្នាំជូត ទោស័ក ព.ស២៥៦៣ ត្រូវនឹងថ្ងៃទី២៨ ខែមេសា ឆ្នាំ២០២០ លោក ជាវ តាយ អភិបាលនៃគណៈអភិបាលខេត្តកំពត បានទទួលជួបជាមួយក្រុមការងារ អគ្គនាយកដ្ឋានផ្លូវដែក នៃក្រសួងសាធារណ:ការ និងដឹកជញ្ជូន ដើម្បីពិភាក្សាអំពី ការទប់ស្កាត់ការរំលោភដីចំណីផ្លូវរថភ្លើង នៅភូមិត្រពាំងជ្រៃ ឃុំត្រពាំងធំ ស្រុកទឹកឈូ ខេត្តកំពត។
ក្នុងកិច្ចពិភាក្សា លោក ជាវ តាយ អភិបាលខេត្ត បានមានប្រសាសន៍ដោយលើកយកគោលការណ៍សំខាន់ៗសម្រាប់រកដំណោះស្រាយដោយសន្តិវិធី រួមមាន៖ ១.ស្នើក្រុមការងាររៀបចំកិច្ចប្រជុំចង្អៀតដោយឡែកមួយ ទៀត ដោយពិភាក្សាលើផ្លូវច្បាប់ ជាមូលដ្ឋាន។
២. ក្រុមការងារត្រូវតែ សហការគ្នា ដើម្បីស្វែងរកប្រយោជន៏រួម និងត្រូវធ្វើរបាយការណ៍រួមមួយដើម្បីដាក់ឆ្លងការសម្រេចពីឯកឧត្តមទេសរដ្ឋមន្ត្រី រដ្ឋមន្ត្រីក្រសួងសាធារណៈការនិងដឹកជញ្ជូន៕
