ខេត្តឧត្តរមានជ័យ៖ ខ្មែរជួយខ្មែរ ខ្មែរស្រឡាញ់ខ្មែរ ខ្មែរសាមគ្គីខ្មែរឈ្នះ ! ខ្មែរសាមគ្គីខ្មែរខ្លាំង !
នៅព្រឹកថ្ងៃពុធ ១២រោច ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៧ ខែធ្នូ ឆ្នាំ២០២៥ លោកបណ្ឌិត ឃីម រដ្ឋា ចាងហ្វាងគេហទំព័រ រស្មីស្ទឹងត្រង់ បានចូលរួមនាំយកអំណោយជាគ្រឿងឧបភោគបរិភោគ និងថវិកាមួយចំនួនធំ ដើម្បីចែកជូនដល់បងប្អូនវីរៈកងទ័ពជួរមុខ និងជនភៀសសឹក នៅខេត្តឧត្តរមានជ័យ ។ កម្មវិធីនេះដឹកនាំដោយលោកម្ចាស់ សុទ្ធ សី លោក សុខ សាវិន ព្រះគ្រូសូធ្យស្ដាំ លោកម្ចាស់ សុតបញ្ញោ ឆាយ សុភារៈ ព្រះគ្រូសូធ្យឆ្វេង តំណាងដ៏ខ្ពង់ខ្ពស់ព្រះធម្មបាលោ ហែម អ៊ឺន ព្រះគ្រូចៅអធិការ វត្តអង្គក្តី ព្រមទាំងព្រះសង្ឃ លោកជំទាវ ឆាយ សុខន លោក ទូច សារិន និង លោកស្រី មុំ ម៉ានី លោកសួនភារិទ្ធ និង លោក ស្រី លឹមសុផាត លោកស្រី ទ្រីបុប្ផា ព្រមទាំងបុត្រនិងចៅៗ លោកជំទាវ លឹម វណ្ណា លោកយាយលោកតា ឧបាសកឧបាសិកា រូមនឹងក្រុមការងាររបស់ គេហទំព័រ រស្មី ស្ទឹងត្រង់ និងសប្បុរសជនផងដែរ ។
លោកបណ្ឌិត ឃឹម រដ្ឋា បានថ្លែងថាអំណោយជាសម្ភារៈ និងគ្រឿងឧបភោគ បរិភោគ ដែលអំណោយទាំងអស់នេះគឺជាទឹកចិត្តរបស់ក្រុមការងារក្នុងអង្គភាព និងសម្បុរសជននានា ដើម្បីយកទៅផ្តល់ជូនដល់វិរៈកងទ័ពជួរមុខ ដែលកំពុងការពារទឹកដីដែលសៀមកំពុងបានឈ្លានពាន និងបន្តយកទៅផ្តល់ជួយដល់បងប្អូនប្រជាពលរដ្ឋដែលកំពុងភៀសសឹកចេញពីផ្ទះនៅតាមបន្ទាត់ព្រំដែនកម្ពុជា-ថៃ.មករកកន្លែងទីទួលមានសុវត្ថិភាពនៅក្នុងស្រុកពួក ខេត្តឧត្តរមានជ័យ។
សូមបញ្ជាក់ផងដែរថា អំណោយដែលជាសម្ភារៈគ្រឿងឧបភោគបរិភោគ ដែលនាំយកទៅចែកជូននោះ រួមមាន÷.អង្ករពី២.៥០០គីឡូក្រាម .ត្រីងៀត ១០០គីឡូ . ប្រហុកខ្ទិះ ៥០គីឡូ .ត្រពាំងប្រៃ ២៥កំប៉ុង .សាច់ជ្រូក ១០គីឡូ .មី ២៥កេស .ត្រីខ ៥កេស .បន្លែ ១៧០គីឡូ .ប្រហុក ១០គីឡូ .នំកញ្ចប់មួយចំនួនធំ .នំបុ័ង ៣០០ដើម .ខោអាវក្មេង ៧០ឈុត .រ៉ូបមនុស្សចាស់ ១០០រ៉ូប .អំបុក ១០០គីឡូ .បាយក្ដាំ៥៥០កញ្ចប់តូច .មុងចំនួន ១០ .កន្ទេលចំនួន ១០ តង់៤ .អង្រឹង៣ .ទឹកសុទ្ធ ៥៥០យួរ និងថវិកាមួយចំនួនធំ ។
នាឱកាសនោះ លោក ឃីម រដ្ឋា បានថ្លែងអំណរអរគុណដល់ទឹកចិត្តក្រុមការងារអង្គភាពគេហទំព័រ រស្មី ស្ទឹងត្រង់ ព្រមទាំងសម្បុរសជននានា ដែលបានផ្ដល់ជាសម្ភារៈ គ្រឿងឧបភោគ បរិភោគ និងថវិកា សម្រាប់ប្រគល់ជូនតាមរយៈលោក ដែលជាប្រធានអង្គភាព ដើម្បីយកទៅចែកជូនដល់កងទ័ពដែលកំពុងបំពេញភារកិច្ចការពារទឹកដីរបស់យើងមិនឱ្យជនណាម្នាក់មកឈ្លានពានបានឡើយ និងបងប្អូនភៀសសឹក ដែលកំពុងស្នាក់នៅទីទួលមានសុវត្តិភាព ។
លោកបានថ្លែងអំណរអរគុណដល់ លោក អាន វណ្ណា ប្រធានអង្ការ ចីរភាព បរិស្ថាន កម្ពុជា សាខាខេត្ថ កំពង់ចាម ដែលបានដឹកនាំ អំណោយជា សំលៀកបំពាក់ចាស់ក្មេងស្រីប្រុសមួយចំនួន ដែលបានមកពីក្រុមការងារមន្ទីរសុរិយោលដីខេត្តកំពង់ចាម ដោយក្រោមការដឹកនាំពីលោកបណ្ឌិត ឃឹម រដ្ឋា ប្រធានអង្គភាពគេហទំព័ររស្មីស្ទឹងត្រង់ យកចែកជួនជនភាសសឹក ដែលជាក្រុមគ្រួសាវរៈកងទ័ពជួរមុខ ។
លោកបានថ្លែងអំណរអរគុណដល់សប្បុរសជននានា ដែលបានជួយឧបត្ថម្ភ ដើម្បីចូលរួមចំណែកចលនាមនុស្សធម៌ តាមរយៈអង្គភាពគេហទំព័រ រស្មី ត្រង់ ដើម្បីយកជួយទៅដល់ បងប្អូនប្រជាពលរដ្ឋភៀសសឹក និង បងប្អូនវីរៈកងទ័ពសមរភូមិជួរមុខ ដែលកំពុងប្រឈមមុខជាមួយសត្រូវឈ្លានពានទឹកដីកម្ពុជា -ថៃ។
ក្នុងនោះ លោកក៏បានថ្លែងអំណរគុណជាពិសេស ដល់បងប្រុស Chikan Eap និងបងស្រី Fong Yin និងកូន ដែលបានបរិច្ចាកថវិកាចំនួន ២០០ ដុល្លារ សហរដ្ឋអាមេរិក ដើម្បីយកជួយទៅដល់ បងប្អូនប្រជាពលរដ្ឋភៀសសឹក និង បងប្អូនវីរៈកងទ័ពសមរភូមិជួរមុខ ដែលកំពុងប្រឈមមុខជាមួយសត្រូវឈ្លានពានទឹកដីកម្ពុជា -ថៃ ផងដែរ ។
ពេលនេះអំណោយលោកបាននាំយកមកដល់ហើយ និងសូមប្រសិទ្ធពរជ័យ សិរីសួស្តី ជ័យមង្គល វិបុលសុខ ជូនដល់បងប្អូនវីរៈកងទ័ពជួរមុខ និងបងប្អូនភៀសសឹកទាំងអស់ ជាពិសេសសប្បុរសជននានា ដែលបានចូលរួមឧបត្ថម្ភទាំងអស់សូមឲ្យជួបតែសេចក្តីសុខ សេចក្តីចម្រើនជានិរន្តរ៍ ៕
អ្នកស្រី ចាន់ វណ្ណី និងលោក ងួន នីម៉ា
បងប្រុស Chikan Eap និងបងស្រី Fong Yin
