ទាន់ហេតុការណ៍
ឯកឧត្តម ឧត្តមសេនីយ៍ឯក រ័ត្ន ស្រ៊ាង ផ្ញើ​សារ​អបអរសាទរ និង​ជូនពរ លោកជំទាវ​បណ្ឌិត ពេ​ជ ចន្ទ​មុន្នី ហ៊ុន​ម៉ា​ណែ​ត ក្នុង​ឱកាស​ទទួលបាន​នូវ​ពានរង្វាន់ «Smile Asia Philanthropic Visionary Award» លើក​ទី​២ - ឯកឧត្តម ឧត្តមសេនីយ៍ឯក រ័ត្ន ស្រ៊ាង ផ្ញើ​សារ​ជូនពរ សម្ដេច​កិត្តិ​សង្គហ​បណ្ឌិត ម៉ែន សំអន ក្នុងឱកាស​ចម្រើន​ជន្មាយុ​ - ឯកឧត្ដម តែម ម៉ឺន អញ្ជើញ​ជា​អធិបតី​បិទ​កិច្ចប្រជុំ​ស្ដីពី កីឡា​លើក​ទម្ងន់​រយៈពេល ៣​ថ្ងៃ​ - ប្រជាពលរដ្ឋ ខេត្ត​ត្បូងឃ្មុំ សម្រុក​ទៅ​ទទួល​ដើមឈើ​ក្រោយពី​ទទួលបាន​សេចក្ដីប្រកាស​ព័ត៌មាន របស់​ក្រសួង​បរិស្ថាន​ - លោកជំទាវ​បណ្ឌិត ពេ​ជ ចន្ទ​មុន្នី ហ៊ុន​ម៉ា​ណែ​ត បាន​អញ្ជើញ​ដឹកនាំ​ក្រុម​ការងារ ចូលរួម​គោរព​វិញ្ញាណក្ខន្ធ យុទ្ធជន​ពលី​ក្នុង​សមរភូមិ​មុខ ក្នុង​ខេត្ត​កំពង់ស្ពឺ ខេត្ត​កំពត និង​ខេត្ត​កែប​ - ​ឯកឧត្តម​បណ្ឌិត សុខ ពិ​សិទ្ធ ជួប​សំណេះសំណាល ជាមួយ​កសិករ អាជីវករ ជំរុញ​លើកទឹកចិត្ត​ក្នុងការ​ធ្វើ​កសិកម្ម ផ្ដើម​ការងារ​និង​មុខរបរ បំផុស​ការគាំទ្រ​ផលិតផល​ខ្មែរ នៅវេលស៍​ស៊ប​(Wealth Shop)​ក្រុង​សួង ខេត្ត​ត្បូងឃ្មុំ​ - ក្រុមការងារ​គេហទំព័រ រស្មី ស្ទឹងត្រង់ បាន​នាំយក​អំណោយ​សម្បុរ​ជន ជូន​កងទ័ព​ជួរមុខ និង​ជនភៀសសឹក ក្នុង​ខេត្ត​ព្រះវិហារ​ - ​តើ​ពិត​ទេ​លោក ចាន់ ឃុង មេបញ្ជាការរង​ខេត្តសៀមរាប ថា​បាន​ប្រើ​ហិង្សា​លើ​ស្ត្រី​ម្នាក់​ជា​មេការ ខារ៉ាអូខេ បណ្ដាលឲ្យ​រងរបួស​ផ្ទៃ​មុខ និង​ភ្នែក ខណៈ​ពេល​នេះ​ស្ដ្រី​រងគ្រោះ​រៀបចំ​បណ្ដឹង​តាម​ផ្លូវច្បាប់​ - លោក ឧត្តមសេនីយ៍ត្រី សៀ ទីន ផ្ញើ​សារលិខិត​គោរព​ជូន​ពរ សម្ដេច​តេជោ ហ៊ុន សែន ក្នុងឱកាស​ចម្រើន​ជន្មាយុ​ - ឯកឧត្តម ឧត្តមសេនីយ៍ឯក រ័ត្ន ស្រ៊ាង ផ្ញើ​សារលិខិត​គោរព​ជូន​ពរ សម្ដេច​តេជោ ហ៊ុន សែន ក្នុងឱកាស​ចម្រើន​ជន្មាយុ​
0

សម្ដេច​តេជោ ហ៊ុន សែន អញ្ជើញ​ទទួល​ជួបពិភាក្សា​ការងារ​ជាមួយ​ប្រធាន​អគ្គសេនាធិការ​កងទ័ព​ប្រជាជន​វៀតណាម​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង097 72 88 071 | 076 44 44 373

http://www.rasmeistoengtrang.com

នៅ​វិមាន​សន្តិភាព នា​ព្រឹក​ថ្ងៃទី​១៩ ខែ​មីនា ឆ្នាំ​២០២២​នេះ សម្ដេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​ទទួល​ជួប​ពិភាក្សា​ការងារ​ជាមួយ​ឯកឧត្តម ឧត្តមសេនីយ៍ឯក​បម្រុ​ង ង្វៀន តឹន​គឿង (Nguyen Tan Cuong ) ប្រធាន​អគ្គសេនាធិការ​កងទ័ព​ប្រជាជន​វៀតណាម និង​ជា​អនុ​រដ្ឋមន្ត្រី​ការពារ​ប្រទេស ។

​នៅក្នុង​ជំនួប​នោះ ឯកឧត្តម ង្វៀន តឹន​គឿង បាន​គោរព​ពាំនាំ​នូវ​ការ​ផ្តាំផ្ញើ​សួរសុខទុក្ខ​ពី​សំណាក់​នាយករដ្ឋមន្ត្រី​វៀតណាម​ជូន​ចំពោះ​សម្តេច​តេជោ​នាយករដ្ឋមន្ត្រី ហើយ​បាន​គោរព​សម្ដែង​នូវ​ការអបអរសាទរ​ចំពោះ​សម្តេច​តេជោ​និង​រាជរដ្ឋាភិបាល​កម្ពុជា ដែល​បាន​ប្រយុទ្ធ​ប្រឆាំង​កូវី​ដ​-១៩​បាន​ជោគជ័យ ដោយ​បាន​ចាក់​ស្រោច​វ៉ាក់សាំង​ជូន​ដល់​ប្រជាពលរដ្ឋ​បាន​ជាង​៩០% ដែល​នេះ​ជា​ចំនួន​ច្រើន​បំផុត​នៅក្នុង​ពិភពលោក និង​នៅក្នុង​តំបន់​។

​ឯកឧត្តម​ក៏​សូម​សម្តែង​នូវ​ការអបអរសាទរ​ផង​ដែរ​ពោះ​កម្ពុជា​ក្នុងនាម​ជា​ប្រធាន​អាស៊ាន ជាពិសេស​ទទួលបាន​ជោគជ័យ​ក្នុង​ការរៀបចំ​កិច្ចប្រជុំ​អគ្គបញ្ជាការ​ដែល​ធ្វើ​ដោយផ្ទាល់ បន្ទាប់​ពី​ការអាក់ខាន​ការប្រជុំ​ដោយផ្ទាល់​២​ឆ្នាំកន្លងមក​។

​ឯកឧត្តម​ក៏បាន​គោរព​រាយការណ៍​ជូន​សម្ដេច​តេ​ជោថា កងទ័ព​ទាំង​២​នឹង​រៀបចំ​ឲ្យមាន​កិច្ចប្រជុំ​នៅ​ព្រំដែន ដើម្បី​ពង្រឹង​មិត្តភាព ពង្រីក​កិច្ចសហប្រតិបត្តិការ​លើ​កិច្ច​ការពារ​ជាតិ ការបង្កើត Hot line ដើម្បី​រួមគ្នា​ដោះស្រាយ​រាល់​បញ្ហា​ដែល​អាច​កើតមានឡើង​ឲ្យទាន់​ពេលវេលា ហ្វឹកហាត់​ការស្រាវជ្រាវ និង​សង្គ្រោះ​បន្ទាន់ រួម​ទាំង​ចែករំលែក​ព័ត៌មាន រក្សា​សន្តិសុខ និង​សុវត្ថិភាព​តាម​ព្រំដែន​។​

​ជា​ការឆ្លើយតប សម្តេច​តេជោ ហ៊ុន សែន បាន​ស្វាគមន៍​ចំពោះ​របាយការណ៍​របស់​ឯកឧត្តម ង្វៀន តឹន​គឿង និង​លើកទឹកចិត្ត​ឲ្យ​កងទ័ព​ទាំង​២ បន្ត​កិច្ច​សហប្រតិបត្តិការ​ខាងលើ និង​ស្វែងរក​កិច្ចសហប្រតិបត្តិកា​រដ​ទៃ​ទៀត​ដែល​អាច​ធ្វើបាន ដើម្បី​ធ្វើ​យ៉ាងណា​រក្សា​សុវត្ថិភាព និង​សន្តិសុខ​ជូន​ដល់​ប្រជាជន​រស់នៅ​តាម​ព្រំដែន ដើម្បី​ឲ្យ​ពួកគាត់​ប្រកប​អាជីវកម្ម​ដោយ​គ្មាន​ការភ័យខ្លាច ប្រែក្លាយ​ព្រំដែន​ដែល​ធ្លាប់​ជា​ទីតាំង​សមរភូមិ​ឲ្យទៅ​ជា​តំប​ន់​គ្របដណ្តប់​ដោយ​ការអភិវឌ្ឍ សន្តិភាព និង​មិត្តភាព​។

​នៅក្នុង​ឱកាស​នោះ​ដែរ សម្តេច​តេជោ​នាយករដ្ឋមន្ត្រី ក៏​បាន​ជម្រាបជូន ឯកឧត្តម ង្វៀន តឹន​គឿង អំពី​យុទ្ធសាស្ត្រ​ចាក់​ស្រោច​វ៉ាក់សាំង​នៅ​កម្ពុជា ដែល​នាំ​ដល់​ការទទួលបាន​ជោគជ័យ និង​បើក​ប្រទេស​ឡើងវិញ​តាមរយៈ ទី​១) អ្នកដំណើរ​មក​កម្ពុជា​ពុំ​ចាំបាច់​មាន​វិញ្ញាបនបត្រ​បញ្ជាក់​ការ​ធ្វើ​តេស្ត PCR 72 ម៉ោង មុន​ធ្វើដំណើរ​មក​កម្ពុជា​ទេ ទី​២)​មិន​តម្រូវឲ្យ​ធ្វើ​តេ​ស្តរហ័ស​នៅ​ពេល​មកដល់​កម្ពុជា​ទេ​និង​ទី​៣) អនុញ្ញាត​ទិដ្ឋាការ​នៅ​ពេល​មកដល់​កម្ពុជា​។ ជាមួយគ្នា​នោះ​ដែរ​សម្តេច​តេជោ​ក៏បានកោតសរសើរ​ដល់​ការចូលរួមចំណែ​ក​របស់​កងទ័ព​ទាំង​២ ក្នុង​ការកសាង​ការពារ ចំណងមិត្តភាព កិច្ចសហប្រតិបត្តិការ រវាង​កម្ពុជា និង វៀតណាម​៕

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 097 72 88 071 / 076 44 44 373 ឬ តាម Whatsapp | Telegram : 097 72 88 071 / 076 44 44 373 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 097 72 88 071 / 076 44 44 373 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល