ខេត្តព្រះវិហារ ៖ ក្រុមប្រជាពលរដ្ឋបានឲ្យដឹងថា ក្រុមហ៊ុន (PNTco.,ltd) របស់ឧកញ៉ា ឡេង ប្ញទ្ធី ដែលមានទីតាំងនៅឃុំរៀបរយស្រុករវៀងខេត្តព្រះវិហារកំពុងតែសម្រុកបើកយុទ្ធនាការកាប់បំផ្លាញព្រៃឈើក្នុងតំបន់ស្នូលព្រៃឡង់យ៉ាងខ្លាំងក្លា។ជាក់ស្តែងផ្នែកខ្លះនៅចំណុចព្រៃឡង់ បាននឹងកំពុងដឹកជញ្ជូនឈើតាមរយៈគោរយន្តកន្ត្រៃចូលទៅក្រុមហ៊ុនPNTយ៉ាងគំហុក។
លោកស្រីទីនសមាជិកបណ្តាញសហគមន៍ព្រៃឡង់បានប្រាប់ថា ក្នុងរយៈពេលថ្មីៗនេះនៃសកម្មភាពចុះល្បាតព្រៃឡង់ក្រុមការងាររបស់លោកបានរកឃើញក្រុមអ្នកកាប់បំផ្លាញព្រៃឈើជាច្រើនក្រុមបោះជំរំលួចកាប់ឈើនិងអាច្រៀកឈើជាច្រើនទីតាំង។លោកថាលោកបានសាកសួរក្រុមអ្នកកាប់ឈើទាំងនោះដោយពួកគេអះអាងថាដឹកយកទៅលក់ឲ្យក្រុមហ៊ុនPNTរបស់ឧកញ៉ាឡេងប្ញទ្ធីដែលមានទំនាក់ទំនងជាមួយក្រុមហ៊ុនវៀតណាម។
លើបញ្ហានេះលោករ៉នថ្មីៗនេះដែលអះអាងថា ជាអ្នកគ្រប់គ្រងផ្នែកប្រមូលកាកសំណល់របស់ក្រុមហ៊ុនបានបញ្ជាក់ថាអ្នកដែលចោទក្រុមហ៊ុនទាំងនោះគឺជាពួកក្រៅច្បាប់។លោកថាជាញយដងពួកគេតែងតែនិយាយបង្ខូចក្រុមហ៊ុន។
ចំណែកលោកតូនីដែលអះអាងថា ជាអ្នកគ្រប់គ្រងទូទៅរបស់ក្រុមហ៊ុន(ម៉ាយឃលឡូជីស្ទីកខេមបូឌា)ដែលដឹកនាំដោយលោកសយសុផលក៏បានឲ្យដឹងដែរថាបច្ចុប្បន្នពុំមានក្រុមហ៊ុនPNTទៀតទេគឺមានតែក្រុមហ៊ុនដែលគ្រប់គ្រងដោយលោកសយសុផលតែប៉ុណ្ណោះ។លោកថាបច្ចុប្បន្នក្រុមហ៊ុនប្រមូលឈើបានត្រឹមតែ៤០ទៅ៤៥ឡានប៉ុណ្ណោះដែលប្រឈមមុខនឹងការខាតជាប្រចាំ។
សូមបញ្ជាក់ថាក្រុមហ៊ុនPNTco.,ltdជាក្រុមហ៊ុនសម្ព័នឧស្សាកម្មកៅស៊ូវៀតណាមនៅកម្ពុជារបស់លោកឧកញ៉ាឡេងឫទ្ធីបានទទួលសិទ្ធិវិនិយោគពីរដ្ឋាភិបាលកម្ពុជាលើផ្ទដីទំហំ៧២០០ហិកតានៅក្នុងឃុំរៀបរយស្រុករវៀងខេត្តព្រះវិហារហើយក្រុមហ៊ុនមួយនេះបានផ្តល់សិទ្ធិឲ្យក្រុមហ៊ុន(ម៉ាយឃលឡូជីស្ទីកខេមបូឌា)ដែលមានលោកសយសុផលជានាយកក្រុមហ៊ុនសហការប្រមូលផលអនុផលព្រៃឈើក្នុងបរិវេណគំរោងដីសម្បទានសេដ្ឋកិច្ចក្រុមហ៊ុនPNTដើម្បីយកមកបង់សួយសារនិងបុព្វលាភជូនរដ្ឋតាមលិខិតប្រគល់សិទិ្ធចុះថ្ងៃទី០១ខែធ្នូឆ្នាំ២០១៧និងកិច្ចសន្យាចុះថ្ងៃទី២៧ខែឧសភាឆ្នាំ២០១៩របស់ក្រុមហ៊ុន។
បើយោងតាមរបាយការណ៍របស់សហគមន៍ព្រៃឡង់ថារយៈ៤ថ្ងៃចាប់ពីថ្ងៃទី១២ដល់ថ្ងៃទី១៦ខែមីនាឆ្នាំ២០២២នេះក្រុមសកម្មជនព្រៃឈើនិងបណ្តាញសហគមន៍ព្រៃឡង់បានឆ្មក់ធ្វើសកម្មភាពចុះល្បាតព្រៃប្រទះឃើញហ្វូងកម្មករជាច្រើនក្រុមកំពុងសម្រុកកាប់និងអារច្រៀកឈើជាប្រភេទឈើឡាំងនិងប្រភេទឈើគ្រឿងផ្ទះជាច្រើនទីតាំងរួមមានៈចំណុចបុស្សរាំងជ្រាប់ក្បាលដំរីស្រែកណ្ដាលអូរអាចម៍ដែកភូមិចាស់ភ្នំចោទប្រាសាទគោល,ព្រៃស្រឡៅនិងចំណុចស្រែតាង៉ុត។ឈើទាំងនោះត្រូវបានគេដឹកចូលទៅលក់ឲ្យក្រុមហ៊ុន(PNTco.,ltd)ហើយបំលែងជាឈើស្របច្បាប់ដឹកតាមរថយន្តយីឌុបទៅលក់នៅទីក្រុងភ្នំពេញនិងមួយចំនួនទៀតចែកចាយតាមដេប៉ូឈើនានាក្នុងប្រទេសកម្ពុជា៕
