ខេត្តកំពង់ឆ្នាំង៖ ថ្មីៗនេះ មន្ទីរបរិស្ថានខេត្តកំពង់ឆ្នាំង បានថ្លែងការណ៍នៅថ្ងៃទី ១២ខែ មេសាឆ្នាំ ២០២២ ត្រូវបានមហាជនយល់ ឃើញថាគឺជាការថ្លែង បែបមិនទទួលខុសត្រូវចំពោះភារកិច្ចរបស់ខ្លួន ហើយថែមទាំងជួយបិទ បាំងការពារជនល្មើស ឲ្យរួចផុតពីសំណាញ់ច្បាប់ថែមទៀតផង។
កន្លងមកគេសង្កេតឃើញថាលោក លែង សំអេត រូបនេះ និងបក្សពួក តែងតែសកម្មបំផុត ក្នុងការធ្វើរបាយការណ៍ និងកសាងសំណុំរឿងបញ្ជូនមកតុលាការ ជាក់ស្ដែងដូចជារបាយការណ៍កាលពីថ្ងៃទី ១១ ខែ មិថុនាឆ្នាំ២០២០ជាដើម។
ទោះបីជារឿងខ្លះ គ្មានភស្តុតាងពិតប្រាកដក៏ដោយ និងរឿងខ្លះប្រជាពលរដ្ឋបានប្រគល់ដីឲ្យរដ្ឋវិញដូចគ្នា តែលោកលែង សំអេត នៅតែកសាងសំណុំរឿង បញ្ជូនទៅតុលាការ រហូតដល់មានប្រជាពលរដ្ឋជាប់ ពន្ធនាគារ ដោយសារតែមន្ត្រីរូបនេះថែម ទៀតផង ចម្ងល់មហាជន ថាតើច្បាប់ បរិស្ថាននៅប្រទេសកម្ពុជា មានស្តង់ដារពីរមែនដែរឬទេ?
ចុះហេតុអី្វការឈូសឆាយ នៅចំណុចអូរចាប់ប្រាំង និងចំណុចថ្មបណ្តើត ទំហំរហូតដល់២០ទៅ៣០ ហិចតា និង ស្គាល់ជនសង្ស័យអស់ហើយ បែរជាលោក លែង សំអេត មិនកសាងសំណុំរឿងទៅវិញ។
ចំណុចមិនប្រក្រតីទាំងនេះ សូមឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង និង ឯកឧត្តមរដ្ឋមន្ត្រីក្រសួងបរិស្ថាន មេត្តាស៊ើបអង្កេតឲ្យបានច្បាស់លាស់ដើម្បី ឲ្យមន្ត្រីទាំងនោះទទួល ខុសត្រូវ ចំពោះតួនាទីរបស់ខ្លួនផង ព្រោះមានតែថ្នាក់ដឹកនាំទេ ទើបធ្វើបាន៕
