(ចេញផ្សាយនៅថ្ងៃទី១៩ ខែសីហា ឆ្នាំ២០២២)
ភ្នំពេញ៖ តើឯណាទៅគោលយោបាយភូមិ/ឃុំ/សង្កាត់ មានសុវត្ថិភាពទាំង៧ ចំណុចរបស់រាជរដ្ឋាភិបាលដែលបានដាក់ចេញអោយក្រសួងមហាផ្ទៃអនុវនោះ!! បើទីតាំងលេងល្បែងស៊ីសងអនឡាញ មាន់ជល់ តាមកញ្ចក់ទូរទស្សន៍ ជាច្រើនកន្លែង ស្ថិតនៅសង្កាត់វាលស្បូវ ខណ្ឌ័ច្បារអំពៅ រាជធានីភ្នំពេញ កំពុងបើកដំណើរ ការលេងយ៉ាងគគ្រឹកគគ្រេង!! តើលោក ធេង ច័ន្ទតារា នាយប៉ុស្តិ៍រដ្ឋាភិបាលវាលស្បូវ ហេតុអ្វីលោកមិនមានវិធាន ការទប់ស្កាត់នឹងបង្ក្រាប ឬមួយលោកអសមត្ថភាពក្នុងការទប់ស្កាត់នឹងបង្ក្រាបនៅល្បែងស៊ីសងខាងលើនេះ។
យើងដឹងហើយថា ទីណាមានល្បែងស៊ីសង ទីនោះនឹងមានបទល្មើសនានា កើតឡើងជាហូរហែ ធ្វើឲ្យភូមិឃុំគ្មានសុវត្ថិភាព ប្រជាពលរដ្ឋរស់នៅដោយក្ដីព្រួយបារម្ភ ដូចជា ៖ ចោរ លួច ឆក់ ប្លន់ អំពើហិង្សាក្នុងគ្រួសារសិតសឹងតែកើតចេញ អំពីបទល្មើសល្បែងស៊ីសង ខុសច្បាប់នេះឯង ។ ល។ល។ សេចក្តីរាយការណ៍បានបន្តថា ទីតាំងជល់មាន់ ខាងលើបើកលេងជារៀងរាល់ថ្ងៃ មានក្រុមអ្នកញៀនល្បែងចូលទៅប្រមូលម្ដុំគ្នាលេងយ៉ាងច្រើន កុះករ លែងចាញ់ឈ្នះមួយគួរ ៗ រាប់លាន រៀល អ្នកខ្លះអស់លុយ អ្នកខ្លះអស់ម៉ូតូ ដល់ផ្ទះ នឹងបង្កកើតមានបញ្ហាក្នុងគ្រួសារ។
ករណីខាងលើនេះប្រជាពលរដ្ឋស្នើសុំដល់លោក ម៉ៅ សឿត អធិការខណ្ឌច្បារអំពៅ មេត្តាចាត់កំលាំងជំនាញឱ្យចុះមកទប់ស្កាត់ និង បង្ក្រាបល្បែងស៊ីសង ខុសច្បាប់ខាងលើនេះផង និង ជួយពិនិត្យមើលមន្ត្រីក្រោមឱវាទដែលរក្សាការពារនៅក្នុងទឹកដី ភូមិ/ឃុំ/សង្កាត់ ខាងលើនេះផង ពិសេសលោក ធេង ច័ន្ទដារា នាយប៉ុស្តិ៍រដ្ឋបាលព្រែកថ្មី តើរាល់ថ្ងៃនេះគាត់រវល់ធ្វើអ្វីដែរ? បានជាបណ្ដែតបណ្ដោយ អោយមានល្បែងស៊ីសង បង្កើតឡើងនៅក្នុងមូលដ្ឋានរបស់ខ្លួន ដោយសេរីបែបនេះ? ។
