នាថ្ងៃទី ២៦ ខែ សីហា ឆ្នាំ ២០២២ សមត្ថកិច្ចបានឃាត់ខ្លួនជនសង្ស័យចំនួន ០៥ នាក់ ពាក់ព័ន្ធនឹងករណីជួញដូរ និងប្រើប្រាស់នូវសារធាតុញៀន នៅមាត់ស្ទឹងក្រាំងពន្លៃ ភូមិប្រក់ក្តារ. ឃុំវិហារលួង ស្រុក ពញាឮ ខេត្ត កណ្តាល បន្ទាប់ពីទទួលបាននូវការរាយការណ៍ពីប្រជាពលរដ្ឋ ។
សមត្ថកិច្ចអោយដឹងថា នាថ្ងៃទី ២៦ ខែ សីហា ឆ្នាំ ២០២២ វេលាម៉ោង ២១ និង ៤០ នាទី ប្រជាពលរដ្ឋ បានរាយការណ៏មកប៉ុស្តិ៏រដ្ឋបាលវិហារលួងថា មានជនសង្ស័យ មួយក្រុម កំពង់ប្រមូលផ្តុំគ្នា ជួញដូរ និងប្រើប្រាស់ថ្នាំញៀន នៅចំណុចកើតហេតុ។
ក្រោយពីបានទទួលព័ត៌មានរួចមក. កម្លាំងប៉ុស្តិ៏រដ្ឋបាល សហការជាមួយកម្លាំងផ្នែកជំនាញ ចេញល្បាតត្រួតពិត្យដល់ចំណុចកើតហេតុ ឃើញជនសង្ស័យមួយក្រុមខាងលើ. ក៏បានបង្ក្រាប ចាប់ឃាត់ខ្លួន និងចាប់យកវត្ថុតាង បញ្ជូនជនសង្ស័យមកអធិការដ្ឋានដើម្បីសាកសួរ ។
ក្នុងប្រតិបត្តិការនេះ សមត្ថកិច្ចបានឃាត់ខ្លួនជនសង្ស័យចំនួន ០៥ នាក់ ៖
១-ឈ្មោះ យឿន ឧត្តម.( ហៅមនី ) ភេទ ប្រុស អាយុ ២១ ឆ្នាំ ជនជាតិ ខ្មែរ មុខរបរ កម្មករសំណង់ មានទីលំនៅភូមិប្រក់ក្តារ ឃុំវិហារលួង ស្រុកពញាឮ ខេត្តកណ្តាល ។ ជនសង្ស័យមានសារធាតុញៀនក្នុងទឹកនោម។
២- ឈ្មោះ អុន. តុលា ភេទប្រុស អាយុ ៣០ឆ្នាំ ជនជាតិខ្មែរ មុខរបរ កម្មកររោងចក្រ មានទីលំនៅ ភូមិប្រក់ក្តារ ឃុំវិហារលួង ស្រុកពញាឮ ខេត្តកណ្តាល ។ ជនសង្ស័យមានសារធាតុញៀនក្នុងទឹកនោម ។
៣- ឈ្មោះ ឃី លីឆៀន ភេទប្រុស អាយុ ២៤ ឆ្នាំ ជនជាតិខ្មែរ មុខរបរ កម្មករចិញ្ចឹមត្រី មានទីលំនៅ ភូមិថ្នល់បត់ ឃុំកោះចិន ស្រុកពញាឮ ខេត្តកណ្តាល. ធ្លាប់ជាប់ពន្ធនាគារ ខេត្តកំពង់ចាម ០៦ខែ ( មិនរៀងចាល ) ។ ជនសង្ស័យមានសារធាតុញៀនក្នុងទឹកនោម ។
៤- ឈ្មោះ ឈឿន. ឈឺត ភេទប្រុស អាយុ ២៥ឆ្នាំ ជនជាតិខ្មែរ មុខរបរ នេសាទ មានទីលំនៅ ភូមិវត្តពោធី ឃុំវាំងចាស់ ស្រុកឧដុង្គ ខេត្តកំពង់ស្ពឺ ។ ជនសង្ស័យ មានសារធាតុញៀនក្នុងទឹកនោម ។
៥- ឈ្មោះ កែវ. សុខលាភ ( ហៅពែក ) ភេទប្រុស អាយុ ៣១ ឆ្នាំ ជនជាតិខ្មែរ មុខរបរ គ្មាន មានទីលំនៅ ភូមិឃ្លាំង៥ ឃុំវាំងចាស់ ស្រុកឧដុង្គ ខេត្តកំពង់ស្ពឺ ។ ជនសង្ស័យ មានសារធាតុញៀនក្នុងទឹកនោម ។
ក្នុងនោះ សមត្ថកិច្ចរឹបអូសបានវត្ថុតាង មានដូចជា ៖
១-សារធាតុញៀនមេតំហ្វេតាមីន(ice) ចំនួន ០៩ កញ្ចប់តូចទម្ងន់ ១ , ៤៥ ក្រាម ។
២-ទូរសព្ទ័ចំនួន ០៣ គ្រឿង ( ម៉ាកoppo ០២ គ្រឿង និង iPhone ស៊ិច ០១ គ្រឿង ) ។
៣- ម៉ូតូសណ្តោងរ៉ឺម៉ក ០១ គ្រឿង ( ធន់សង់កូរ៉េ ) ។
៤- ឧបករណ៏ប្រើប្រាស់សារធាតុញៀនមួយចំនួន ។
បច្ចុប្បន្ន ជនសង្ស័យ បានឃាត់ខ្លួន នៅអធិការដ្ឋាននគរបាលស្រុកពញាឮ ដើម្បីចាត់ការតាមនីតិវិធី ៕
