ខេត្តកណ្តាល៖ ស្ត្រីម្នាក់បានស្លាប់ភ្លាមៗ គួរឱ្យរន្ធត់ណាស់ នៅកន្លែងកើតហេតុ ក្រោយត្រូវ រថយន្តធុនធំប្រភេទដឹកស៊ីម៉ងត៍ក្រឡាប់ ចាក់ស៊ីម៉ងត៍ទៅលើស្ត្រីដែលកំពុងអង្គុយលក់ អីវ៉ាន់ក្បែរនោះ ។
ហេតុការណ៍នេះបង្កឱ្យមានការភ្ញាក់ផ្អើលវេលាម៉ោង ០៨:០០ព្រឹក ថ្ងៃទី ២២ ខែ កញ្ញា ឆ្នាំ ២០២២ ស្ថិតនៅរង្វង់មូលព្រែកតាមាក់ ស្រុកខ្សាច់កណ្តាល ខេត្តកណ្តាល ខណៈពេលដែលរថយន្តដឹកស៊ីម៉ង់ត៍ បើកក្នុងល្បឿនលឿន មកដល់ចំណុចរង្វង់មូល បួងចង្កូតទាំងបង្ខំ ក៏បណ្តាលរថយន្តក្រឡាប់តែម្នាក់ឯង និងអូសមកជាច្រើនម៉ែត ទៅប៉ះនឹងស្រី្តម្នាក់លក់ដូរនៅក្បែរនោះ បណ្តាលអោយស្រី្តរងគ្រោះស្លាប់ភ្លាមៗ ៕
