កំពង់ស្ពឺ៖ មន្ទីរបរិស្ថានខេត្តកំពង់ស្ពឺ និងអង្គការចីរភាពបរិស្ថានកម្ពុជា បាននិងកំពុងចាប់ដៃគ្នាយ៉ាងស្អិតរមួត ក្នុងការជំរុញឱ្យខេត្តកំពង់ស្ពឺ ក្លាយជាខេត្តគំរូមួយក្នុងកិច្ចគាំពារបរិស្ថាន និងការអភិវឌ្ឍបៃតងប្រកបដោយចីរភាព។
ជាក់ស្តែង នៅថ្ងៃទី០៦ ខែកក្កដា ឆ្នាំ២០២៦ នេះ លោក អ៊ូច សុខអាន ប្រធានសាខាអង្គការចីរភាពបរិស្ថានកម្ពុជាប្រចាំខេត្តកំពង់ស្ពឺ បានដឹកនាំក្រុមការងា ចូលជួបជាមួយ លោក ច័ន្នថេត ថានរៈ ប្រធានមន្ទីរបរិស្ថានខេត្តកំពង់ស្ពឺ ដើម្បីស្នើសុំកិច្ចសហការ និងទទួលយកការណែនាំតម្រង់ទិសលើការងារអនាម័យបរិស្ថាន ព្រមទាំងការងារស្តារគម្របព្រៃឈើនៅក្នុងមូលដ្ឋាន។
នៅក្នុងជំនួបដ៏មានអត្ថន័យនេះ លោកប្រធានមន្ទីរបរិស្ថានខេត្ត បានចែករំលែកនូវទស្សនទានអប់រំ និងកិច្ចការងារបច្ចេកទេសសំខាន់ៗជាច្រើន ដែលជាចំណេះដឹងដ៏មានតម្លៃសម្រាប់សាធារណជន៖
១. មគ្គុទ្ទេសក៍ «ភាពស្អាត» ចាប់ផ្តើមពីយើងទាំងអស់គ្នា
ការលើកកម្ពស់អនាម័យជុំវិញបរិស្ថានរស់នៅ គឺជាកាតព្វកិច្ចរបស់ពលរដ្ឋគ្រប់រូប៖
ការញែក និងទុកដាក់សំរាម៖ ត្រូវបែងចែកកាកសំណល់តាមប្រភេទ (សំណល់សរីរាង្គ សំណល់ប្លាស្ទិក និងសំណល់គ្រោះថ្នាក់) និងដាក់ក្នុងធុងសំរាមឱ្យបានត្រឹមត្រូវ។
ការកាត់បន្ថយប្លាស្ទិក៖ ចូលរួមរស់នៅប្រកបដោយមេត្រីភាពបរិស្ថាន ដោយកាត់បន្ថយការប្រើប្រាស់ថង់ប្លាស្ទិក និងការដុតកាកសំណល់ដែលបង្កជាផ្សែងពុលដល់បរិយាកាស។
២. ការបណ្តុះកូនឈើ និងត្រៀមចែកជូន៖ ឆ្ពោះទៅរក «ភាពបៃតង»
ដើម្បីឆ្លើយតបទៅនឹងតម្រូវការដាំដុះ និងការស្តារគម្របបៃតង មន្ទីរបរិស្ថានខេត្តកំពង់ស្ពឺ បាននិងកំពុងយកចិត្តទុកដាក់ខ្ពស់លើការបណ្តុះ និងថែរក្សាកូនឈើមានតម្លៃជាច្រើនប្រភេទ ដើម្បីរៀបចំចែកជូនដល់តាមបណ្តាស្ថាប័នរដ្ឋ សាលារៀន វត្តអារាម ក៏ដូចជាបងប្អូនប្រជាពលរដ្ឋយកទៅដាំដុះដោយឥតគិតថ្លៃ។ ប្រភេទកូនឈើដែលត្រូវបានបណ្តុះ និងថែរក្សា រួមមាន៖
-ប្រភេទឈើប្រណីត និងឈើព្រៃ៖ ដូចជា ដើមគ្រញូង ធ្នង់ បេង នាងនួន ច្រេស និងក្ងោក (ដែលផ្តល់ទាំងតម្លៃសេដ្ឋកិច្ច ប្រព័ន្ធអេកូឡូស៊ី និងសោភ័ណភាពផ្ការីកស្អាត)។
-ប្រភេទដើមឈើផ្តល់ស្រមោល និងឈើហូបផ្លែ៖ ដើម្បីជួយបង្កើតភាពត្រជាក់ត្រជុំ និងផ្តល់ផលប្រយោជន៍ដល់ជីវភាពរស់នៅ។
ការចូលរួមថែរក្សាអនាម័យ ធ្វើឱ្យសហគមន៍យើងមានសោភ័ណភាព និងសុខភាពល្អ។ ការដាំដើមឈើ ១ដើមនៅថ្ងៃនេះ គឺដើម្បីបង្កើតជាមរតកបៃតង ផ្តល់ស្រមោល និងខ្យល់អាកាសបរិសុទ្ធសម្រាប់កូនចៅយើងនៅថ្ងៃអនាគត។»
សូមបងប្អូនប្រជាពលរដ្ឋ និងគ្រប់ស្ថាប័នទាំងអស់ ចូលរួមសហការគ្នាទៅដាំកូនឈើ និងថែរក្សាភាពស្អាតទាំងអស់គ្នា ដើម្បីខេត្តកំពង់ស្ពឺដ៏ស្រស់បំព្រង! ????????ដាំដើមឈើ១ដើម រក្សាភពផែនដីពណ៌ខៀវ!។
មន្ទីរបរិស្ថានខេត្តកំពង់ស្ពឺ
អង្គការចីរភាពបរិស្ថានកម្ពុជា – CESO
មរតក សោភ័ណ
