កំពង់ស្ពឺ៖ នៅថ្ងៃទី ២០ ខែ កក្កដា ឆ្នាំ ២០២៦ ស្មារតីសាមគ្គីភាព និងការចែករំលែក បានស្ដែងឡើងយ៉ាងច្បាស់ តាមរយៈសកម្មភាពចុះជួយសង្គមផ្ទាល់ដល់លំនៅដ្ឋាន ដោយ លោក បណ្ឌិត ឃឹម រដ្ឋា ប្រធានអង្គភាព «រដ្ឋា រស្មីស្ទឹងត្រង់»ដឹកនាំក្រុមការងារ រួមជាមួយ លោក អ៊ិន យឿន តំណាង លោក បណ្ឌិត ហោ គន្ធា ប្រធានអង្គការចីរភាពបរិស្ថានកម្ពុជា បានដឹកនាំក្រុមការងារ ចុះសហការយ៉ាងជិតស្និទ្ធជាមួយ លោក អ៊ូច សុខអាន ប្រធានសាខាអង្គការចីរភាពបរិស្ថានកម្ពុជា ប្រចាំខេត្តកំពង់ស្ពឺ, លោក យ៉ឹម រិន អនុប្រធាន និងលោក ម៉ិញ សាវឿន សមាជិកក្រុមប្រឹក្សា ដើម្បីនាំយកអំណោយមនុស្សធម៌ទៅប្រគល់ជូនគ្រួសារខ្វះខាត។
អំណោយទាំងនេះ ត្រូវបាននាំយកទៅជូន លោកស្រី ធុន ច្រឹប អាយុ ៤៣ ឆ្នាំ ដែលជាជនពិការជើង និងកំពុងប្រឈមមុខនឹងជំងឺប្រចាំកាយ រស់នៅក្នុងភូមិត្រពាំងធ្នង ឃុំព្រៃវិហារ ស្រុកគងពិសី ខេត្តកំពង់ស្ពឺ ដើម្បីជួយសម្រាលបន្ទុកជីវភាព និងលើកកម្ពស់គុណភាពរស់នៅរបស់គាត់ឱ្យប្រសើរឡើង។
សម្ភារ និងថវិការួមមាន៖
រទេះរុញសម្រាប់ជនពិការ៖ ១ គ្រឿង
???? អង្ករ៖ ១០០ គីឡូក្រាម
????️ គ្រែ៖ ២ ព្រមទាំង មុង កន្ទេល និងភួយ
????️ សម្ភារប្រើប្រាស់ក្នុងផ្ទះបាយ៖ ចានបាយ, ចានសម្ល, វែក, ស្លាបព្រា, ជ្រុញ, កាំបិត និងគ្រឿងប្រើប្រាស់ផ្សេងៗទៀត
???? ថវិកាឧបត្ថម្ភបន្ថែម៖ ២០ ម៉ឺនរៀល
សកម្មភាពមនុស្សធម៌ដ៏មានន័យនេះ អាចសម្រេចទៅបានដោយសារការចូលរួមចំណែកយ៉ាងសកម្ម និងទឹកចិត្តសប្បុរសធម៌ពី៖
១. ព្រះតេជគុណ បញ្ញោសុភារៈ គង់នៅវត្តអង្គក្តី
២. ម្ចាស់ហាងកាហ្វេ «ដាលីកាហ្វេ» (ផ្លូវ ១៤៥ ទល់មុខសាលាទ័ពមានជ័យ ភ្នំក្អែកទុំ)ជាអ្នកឧបត្ថម្ភប្រទេសរុញ
៣. លោកយាយ ហាក់ ពៅ (ភូមិអង្គក្តី)
៤. ព្រមទាំងសប្បុរសជនជិតឆ្ងាយជាច្រើនរូបទៀត ដែលបានរួមគ្នាលះបង់ទ្រព្យធន និងកម្លាំងកាយចិត្ត ដើម្បីជួយសម្រួលទុក្ខលំបាករបស់បងប្អូនជនរួមជាតិ។
ក្រុមការងារទាំងអស់ សូមថ្លែងអំណរគុណយ៉ាងជ្រាលជ្រៅចំពោះគ្រប់ភាគី និងសប្បុរសជនទាំងអស់ ដែលបានលះបង់ និងរួមចំណែកក្នុងសកម្មភាពដ៏ថ្លៃថ្លានេះ ហើយសង្ឃឹមថាសកម្មភាពល្អៗបែបនេះ នឹងបន្តរីកសាយភាយនៅក្នុងសង្គមយើងជានិច្ច៕
