ខេត្តកំពង់ស្ពឺ៖ នៅថ្ងៃទី ១៤ ខែសីហា ឆ្នាំ ២០២៦ លោក អ៊ូច សុខអាន តំណាងអង្គភាពរដ្ឋារស្មីស្ទឹងត្រង់ និងលោក យ៉ឹម រិន តំណាងអង្គការចីរភាពបរិស្ថានកម្ពុជា ព្រមទាំង ព្រះតេជគុណ ឆាយ សុភារៈ (គ្រូសូត្រឆ្វេង) និង ព្រះតេជគុណ សុខ សាវិន (គ្រូសូត្រស្តាំ) ដែលជាតំណាង ព្រះគ្រូ ហែម អ៊ឺន ព្រះចៅអធិការវត្តអង្គក្តី និង ព្រះគ្រូសាធុសីលវឌ្ឍន៍ ឈៀង គន ព្រះចៅអធិការវត្តដំណាក់ពង្រ បានដឹកនាំនាំយកបច្ច័យ និងទេយ្យទានមួយចំនួនធំ ដើម្បីចូលរួមរំលែកទុក្ខយ៉ាងក្រៀមក្រំបំផុត ជាមួយគ្រួសារសព លោកយាយ ទែន ផា ត្រូវជាម្ដាយរបស់ លោកអាចារ្យ សាត់សុខ
សូមបញ្ជាក់ថា លោកយាយ ទែន ផា បានទទួលមរណភាពកាលពីវេលាម៉ោង ៨:៣០ នាទីយប់ ថ្ងៃទី ១៣ ខែសីហា ឆ្នាំ ២០២៦ ក្នុងជន្មាយុ ៩៦ ឆ្នាំ ដោយរោគជរាពាធ។
បច្ចុប្បន្ន ពិធីបុណ្យសពត្រូវបានរៀបចំធ្វើឡើងតាមប្រពៃណីព្រះពុទ្ធសាសនា ស្ថិតនៅភូមិត្រពាំងធ្នង់ ឃុំព្រៃវិហារ ស្រុកគងពិសី ខេត្តកំពង់ស្ពឺ។
សកម្មភាពមនុស្សធម៌ និងការចូលរួមរំលែកទុក្ខនាពេលនេះ គឺជាការបង្ហាញនូវកាយវិការសប្បុរសធម៌ ទឹកចិត្តអាណិតស្រឡាញ់ និងការចែករំលែកការឈឺចាប់យ៉ាងជ្រាលជ្រៅជាមួយគ្រួសារនៃសព ក្នុងគ្រាដែលជួបទុក្ខលំបាក និងការបាត់បង់សមាជិកគ្រួសារជាទីស្រឡាញ់ ៕
