???? រួមគ្នាដើម្បីបរិស្ថានស្អាត និងបៃតងនៅក្នុងមូលដ្ឋានយើង! ????
ខេត្តកំពង់ស្ពឺ ៖ នៅថ្ងៃទី ០៧ ខែកញ្ញា ឆ្នាំ ២០២៦ នេះ អង្គការចីរភាពបរិស្ថានកម្ពុជា សាខាខេត្តកំពង់ស្ពឺ ដឹកនាំដោយ លោក អ៊ូ សុខអាន ប្រធានអង្គការ បានសហការយ៉ាងជិតស្និទ្ធជាមួយ៖
លោក លី គឹមស៊ុន តំណាងដ៏ខ្ពង់ខ្ពស់ លោកអនុបណ្ឌិត ហោ គន្ធា, លោក ម៉ិញ សាវឿន ក្រុមប្រឹក្សាឃុំព្រៃវិហារ, លោក ជិន អេម មេភូមិឯកភាព, លោក យឹម រិន និពន្ធនាយករង តំណាង លោកបណ្ឌិត ឃឹម រដ្ឋា ប្រធានអង្គភាពរដ្ឋារស្មីស្ទឹងត្រង់, ថ្នាក់ដឹកនាំ និងតំណាងអាជ្ញាធរទាំងអស់ បានដឹកនាំបងប្អូនប្រជាពលរដ្ឋ រួមជាមួយក្មួយៗសិស្សានុសិស្ស ចុះយុទ្ធនាការរួមគ្នាសម្អាត និងរៀបចំបរិស្ថាន នៅចំណុចភូមិឯកភាព ឃុំព្រៃវិហារ ស្រុកគងពិសី ខេត្តកំពង់ស្ពឺ ដោយស្មារតីសាមគ្គីភាព និងការទទួលខុសត្រូវខ្ពស់។
សកម្មភាពនេះ មិនត្រឹមតែជួយឱ្យភូមិឋានយើងមានសោភ័ណភាពស្អាត និងខ្យល់អាកាសបរិសុទ្ធប៉ុណ្ណោះទេ ប៉ុន្តែថែមទាំងបានបណ្តុះស្មារតីស្រឡាញ់ និងថែរក្សាបរិស្ថានដល់យុវជនជាន់ក្រោយទៀតផង។
????️ «បរិស្ថានស្អាត ចាប់ផ្តើមពីយើងទាំងអស់គ្នា! រក្សាអនាម័យក្នុងផ្ទះ និងសហគមន៍ ដើម្បីសុខភាព និងភាពស្រស់បំព្រងនៃភូមិឃុំយើង» ????????✨
