ខេត្តកណ្តាល ៖ នៅថ្ងៃទី ០៣ខែ តុលា ឆ្នាំ២០២១ វេលាម៉ោង ១៩:០០នាទី ជនរងគ្រោះឈ្មោះ ផ ស.ក ភេទស្រី អាយុ១២ឆ្នាំមុខរបរ សិស្សមានទីលំនៅភូមិជ្រោយអំពិល សង្កាត់ក្បាលកោះ ខ័ណ្ឌច្បារអំពៅ រាជធានី ភ្នំពេញ កំពុងនៅផ្ទះរបស់ខ្លួន ស្រាប់តែជនសង្ស័យឈ្មោះតេង វាសនា ភេទប្រុស អាយុ២០ឆ្នាំមុខរបរកម្មកររោងចក្រមានទីលំនៅ ភូមិអង្គរជ័យ ឃុំបន្ទាយដែក ស្រុកកៀនស្វាយ ខេត្តកណ្ដាល បានខលទូរសព្ទ័ដៃមកជនរងគ្រោះដោយបបួលថាទៅខួបកំណើតរបស់ខ្លួន តែជនរងគ្រោះបានឆ្លើយថាមិនទៅទេ ព្រោះខ្លាចឪពុកម្តាយរករឿង ណាមួយយប់ទៀតផង រួចបិតទូរស័ព្ទ បានមួយសន្ទុះក្រោយមក ជនសង្ស័យ នៅតែខលដៃមកនិយាយបបួលជនរងគ្រោះដដែលៗជាច្រើនដង ដល់ម៉ោង ០០:៣០ នាទី ចូលថ្ងៃទី០៤.១០.២០២១ ជនស្ស័យបានខលមកជនរងគ្រោះម្តងទៀត ហើយនិយាយ គំរាមថា បើអូនឯងមិនមកជាមួយបងទេ អូនឯងនិងមានរឿងជាមួយបងហើយ ដោយភ័យខ្លាច ជនរងគ្រោះបានយល់ព្រម ហើយចេញពីផ្ទះមក ជួបជនសង្ស័យនៅផ្លូវចូលផ្ទះរបស់ខ្លួន ភ្លាមនោះជនសង្ស័យបានទាញដៃជនរងគ្រោះឡើងជិះម៉ូតូជាមួយ តែជនរងគ្រោះប្រកែកថាមិនទៅទេ ពេលនោះជនសង្ស័យបានចាប់អូសជនរងគ្រោះ អោយឡើងជិះម៉ូតូជាមួយ ហើយជនរងគ្រោះឡើងជិះពីក្រោយ ពេលជិះម៉ូតូទៅដល់មុខផ្ទះសំណាក់យីហោ(ស្នាមញញឹមថ្មី)ជនសង្ស័យបានកាន់ដៃជនរងគ្រោះចូលក្នុងផ្ទះសំណាក់ ។
បន្ទាប់មកជនសង្ស័យបានទាញដៃជនរងគ្រោះដើរចូលទៅក្នុងផ្ទះសំណាក់បន្ទប់លេខ១០(ដប់) ជាន់ទី២(ពីរ) ភ្លាមនោះជនសង្ស័យរុញជនរងគ្រោះផ្ដួលទៅលើគ្រែពូក ហើយក៍ដោះសំលៀកបំពាក់របស់ខ្លួនចេញអស់ បន្ទាប់មកក៍ធ្វើសកម្មភាពអោបថើប ជនរងគ្រោះ ពេលនោះជនរងគ្រោះបានខំរើបំរ៉ាស់ដែល ក៍ត្រូវជនសង្ស័យទះកំភ្លៀងចំនួន៣(បី)កំភ្លៀង រួចក៍ធ្វើសកម្មភាពបន្តទៀត ដោយដោះសំលៀកបំពាក់ជនរងគ្រោះចេញអស់។ ក្រោយពីធ្វើសកម្មភាពចាប់រំលោភបានសម្រេចរួចជនសង្ស័យបានគំរាមអោយជនរងគ្រោះដេកនៅក្នុងបន្ទប់ផ្ទះសំណាក់ជាមួយខ្លួនរហូតដល់ភ្លឺ។
លុះដល់ម៉ោង ០៥:៤៥ នាទី ថ្ងៃទី៤ ខែតុលា ឆ្នាំ២០២១ ទើបជនរងគ្រោះបានខលទូរសព្ទ័ ទៅម្តាយមីងរបស់ខ្លួនឈ្មោះ មិច ភេទស្រីអាយុ២៥ឆ្នាំ ជនជាតិខ្មែរ មានទីលំនៅភូមិ សង្កាត់ ជាមួយគ្នាយកទៅផ្ទះវិញ ។ ពេលត្រឡប់ដល់ផ្ទះ ជនរងគ្រោះ បាននិយាយរៀបរាប់ប្រាប់ម្ដាយឈ្មោះ អ៊ុយ សុីណាត ភេទស្រី អាយុ៣៨ឆ្នាំពីដំណើររឿងទាំងអស់។
នៅថ្ងៃទី០៥ ខែតុលា ឆ្នាំ២០២១ វេលាម៉ោង ០៧និង៣០នាទី ជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលគគីរ ហើយកំលាំងប៉ុស្តិ៍បានសហការណ៍មួយផ្នែកជំនាញនគរបាលយុត្តិធម៌ស្រុក កៀនស្វាយ ចុះទៅឃាត់ខ្លួនជនសង្ស័យ បញ្ជូន មកកាន់អធិការដ្ឋាននគរបាលស្រុកកៀនស្វាយ ដើម្បីសួនាំនៅចំពោះមុខសមត្ថកិច្ចជនសង្ស័យឈ្មោះតេង វាសនា ភេទប្រុស បានឆ្លើយសារភាពថា÷ខ្លួនពិតជាបានប្រព្រឹត្តអំពើ ចាប់រំលោភពិតមែន។
បច្ចុប្បន្ន ជនសង្ស័យរួមទាំងវត្ថុតាំកំពុងឃាត់ខ្លួនបណ្ដោះអាសន្នដើម្បីកសាងសំណុំរឿងចាត់ការតាមនីតិវិធី ៕
