កណ្ដាល ៖ ដោយមានការយកចិត្តទុកដាក់ពីលោក ឡូវ សុខសាន្ត អភិបាល នៃគណៈអភិបាលស្រុកកៀនស្វាយ ក៏ដូចជា លោក ទេព សុផាត មេឃុំបន្ទាយដែក ដែលតែងតែយកចិត្តទុកដាក់ អំពីសុខទុក្ខ បងប្អូនប្រជាពលរដ្ឋ ក្នុងមូលដ្ឋានស្រុកកៀនស្វាយ និងដោយមានការស្នើសុំ ពីក្រុមហ៊ុនកំពង់ផែស្វយ័តភ្នំពេញ សំណើសុំដាក់លូចំនួន១០០០ម៉ែត្រ អាជ្ញាធរឃុំបន្ទាយមានដែក បានដឹកនាំក្រុមការងារចុះពិនិត្យការដាក់កាយដាក់លូលើផ្លូវពីរខ្សែ ប្រវែង ១០០០ម៉ែត្រ និង ចាក់បេតុងពីលើលូ ដើម្បីធ្វើជាប្រព័ន្ធរំដោះទឹក ជូនបងប្អូនប្រជាពលរដ្ឋ នៅក្នុងមូលដ្ឋានភូមិ កណ្ដាលលើ ឃុំបន្ទាយដែក ស្រុកកៀនស្វាយ ដែលលិចលង់នៅជំនន់ទឹកភ្លៀង ដើម្បីបញ្ជៀស ការលំបាកក្នុងការធ្វើដំណើរ និងការរស់នៅរបស់បងប្អូនប្រជាពលរដ្ឋក្នុងមូលដ្ឋានភូមិកណ្ដាលលើ ក្នុង ឃុំ បន្ទាយដែក ។
ខ្សែទីមួយមានប្រវែង ៦៧២ ម៉ែត្រ និងខ្សែទី ២មានប្រវែង៣២៨ ម៉ែត្រ ដែលសរុបទាំងពីរខ្សែ គឺ ១០០០ ម៉ែត្រ ។
ជាចុងក្រោយ លោកមេឃុំបន្ទាយដែក ក៏សូមពរ ទៅដល់បងប្អូនប្រជាពលរដ្ឋ ដែលរស់នៅ នៅ ភូមិកណ្ដាលលើ ដែលរស់នៅអមសងខាងផ្លូវ ដែលបានចាក់បេតុង ក៏ដូចជាដាក់ប្រព័ន្ធលូរំដោះទឹក សូមឲ្យជួយថែរក្សាការពារដែលជាសម្បត្តិរួម ដែលជាសមិទ្ធផលថ្មី សម្រាប់បងប្អូនប្រជាពលរដ្ឋ ក្នុងភូមិកណ្ដាលលើ ក៏ដូចជាបងប្អូន ប្រជាពលរដ្ឋ ឃុំមន្ទាយដែក ទាំងអស់គ្នា ៕
