ខេត្តត្បូងឃ្មុំ ៖ កាលពីថ្ងៃទី១ ខែមីនា ឆ្នាំ២០២៦ ប្រធានគណៈអចិន្ត្រៃយ៍ក្រុមការងារគណបក្សប្រជាជនកម្ពុជាស្រុកអូររាំងឳ នាំយកអំណោយ ឯកឧត្តមបណ្ឌិតរដ្ឋមន្ត្រីក្រសួងបរិស្ថាន ប្រគល់ជូនក្រុមគ្រួសារជនភៀសសឹកចំនួន ៨ គ្រួសារ នៅសាលាឃុំចក ស្រុកអូររាំងឳ និងបាននាំបច្ច័យចូលរួមបុណ្យសពម្តាយ របស់ឯកឧត្តម ឧត្តមសេនីយ៍ អ៊ាត ប៊ុនធឿន គម្រប់ ៧ ថ្ងៃផងដែរ ។
ឯកឧត្តម ស៊ុំ ធី ប្រធានគណៈអចិន្ត្រៃយ៍ក្រុមការងារគណបក្ស លោកស្រី ឃ្លោក វិចិត្ររដ្ឋា ប្រធានក្រុមការងារគណបក្សចុះមូលដ្ឋានឃុំចក អមដោយលោក ស៊ុំ ជាតិ អនុប្រធានក្រុមការងារគណបក្សឃុំ លោក ឆាយ ខុម ប្រធានលេខាធិការដ្ឋាន លោក ស៊ីម ទូច អនុប្រធានលេខាធិការដ្ឋាន និងលោកនាង ប៉ុណ្ណា មេឃុំ ព្រមទាំងមានលោក លោកស្រីក្រុមប្រឹក្សាឃុំចក យុវជនស្រុក និងយុវជនឃុំ បាននាំយកអង្ករ និងគ្រឿងឧបភោគ បរិភោគរបស់ឯកឧត្តមបណ្ឌិតរដ្ឋមន្ត្រីក្រសួងបរិស្ថាន ជូនដល់ក្រុមគ្រួសារជនភៀសសឹកចំនួន ៨ គ្រួសារ នៅសាលាឃុំចក ស្រុកអូររាំងឳ នៅសាលាឃុំចក ស្រុកអូររាំងឳ ។
អំណោយ ដែលក្នុងមួយគ្រួសារទទួលបាន រួមមាន៖ ១/ អង្ករ២៥គីឡូ ២/មីខ្លាឃ្មុំ១កេស ៣/ទឹកត្រី១យួរ ៤/ ទឹកស៊ីអ៊ីវ១យួរ ៥/ត្រីខ១យួរ ៦/ថវិកាមួយចំនួន។ សរុបថវិកា ៧៦០ ០០០រៀល និងអង្ករ២០០គីឡូ ។
ទន្ទឹមគ្នានោះដែរ ក្រុមការងារក៏បាន នាំបច្ច័យចូលរួមបុណ្យគម្រប់ ៧ ថ្ងៃ ម្តាយ របស់ឯកឧត្តម ឧត្តមសេនីយ៍ អ៊ាត ប៊ុនធឿន ជាអនុប្រធានគណៈអចិន្ត្រៃយ៍ និងជាអនុប្រធាន ក្រុមការងារគណបក្សចុះមូលដ្ឋាន ឃុំចក នូវទឹកប្រាក់ ចំនួន ៣០០០០០ រៀល ផងដែរ ដែលក្នុងនោះ ថវិកា ឯកឧត្តម ស៊ុំ ធី ២០០០០០រៀល លោកស្រី ឃ្លោក វិចិត្ររដ្ឋា ១០០ ០០០រៀល ៕
