ថ្ងៃទី ១៤ ខែវិច្ឆិកា ឆ្នាំ២០២៦
ខេត្តកណ្ដាល ៖ ពលរដ្ឋមានក្តីព្រួយបារម្ភនិងមិនសប្បាយចិត្ត ចំពោះទីតាំងកែច្នៃ សំបករថយន្តចាស់ៗ ដែលគរគំនរ សំបករថយន្ត ចាស់ៗយ៉ាងអាណាធិបតេយ្យយ៉ាងច្រើនសន្ធឹកសន្ធាប់លយមកចូលចំណីផ្លូវសាធារណៈ ជាពិសេសនៅពេលយប់ ដោយគ្មានដាក់ស្លាកសញ្ញា សំគាល់គ្រោះថ្នាក់ អាចបង្កគ្រោះថ្នាក់ចរាចរណ៍ដល់អ្នកធ្វើដំណើរ ម៉ូតូ រថយន្ត ក៏ដូចជាមធ្យោបាយធ្វើដំណើរផ្សេងៗបង្កគ្រោះថ្នាក់ដោយយថាហេតុ។
ប្រជាពលរដ្ឋក្នុងមូលដ្ឋាន ក៏ដូចជាអ្នកធ្វើដំណើរ សូមសំណូមពរដល់អាជ្ញាធរពាក់ព័ន្ធ ជាពិសេសរដ្ឋបាលឃុំទួលព្រិច រដ្ឋបាលស្រុកអង្គស្នួល និងមន្ទីរបរិស្ថានខេត្តកណ្តាល មេត្តាចុះពិនិត្យទីតាំងសិប្បកម្មខាងលើ និងណែនាំឱ្យម្ចាស់ទីតាំងរៀបចំទុកដាក់សំបកកង់ទាំងនោះឱ្យមានសណ្តាប់ធ្នាប់នៅក្នុងបរិវេណរបស់ខ្លួន ដើម្បីធានាបាននូវសុវត្ថិភាពចរាចរណ៍ សោភ័ណភាព និងសុខុមាលភាពនិងសណ្ដាប់ធ្នាប់សាធារណៈ ៕








