ខេត្តកោះកុង ៖ នៅថ្ងៃទី១៨ មករា ឆ្នាំ ២០២៣ លោក វ៉ែន យ៉ុន ប្រធានសមាគមរាជសីហ៍សាខាខេត្តកោះកុង បានរៀបចំពិធីប្រគល់អាវកីឡា ជូនដល់យុវជនក្រុមកីឡាសាខាខេត្តកោះកុង ដែលទើបបង្កើតថ្មីចំនួន 27 នាក់ ។ លើសពីនោះទៀត លោកក៏បានដឹកនាំ ធ្វើសកម្មភាពបរិស្ថានអនាម័យ តាមទីសាធារណៈមួយចំនួន ក្នុងស្រុកស្រែអំបិលខេត្តកោះកុង ។
ចូលរួមក្នុងពិធីនេះរួមមាន ថ្នាក់ដឹកនាំ សមាជិកសមាគមរាជសីហ៍ ក្រុមយុវជនកីឡាសមាគមរាជសីសាខាខេត្តកោះកុង និងលោកគ្រូអ្នកគ្រូ ព្រមទាំងសិស្សានុសិស្ស សរុបរួមមានចំនួន = 72 នាក់ និងរយន្តចំនួន = 2 គ្រឿង ។
ពីនោះទៀត ក៏មានការចាក់ដីចំនួន 3 ឡាន ដើម្បីពង្រាបសំអាតបរិស្ថានអនាម័យក្នុងសាលា និងផ្តល់ធុងសំរាមចំនួន 2 គ្រឿងដល់សាលាបឋមសិក្សាអង្គរភ្នំខ្លុង ក្នុងឃុំស្រែអំបិល ស្រុកស្រែអំបិល ខេត្តកោះកុង ។
សកម្មភាពនេះមានពីការចូលរួមឧបត្តម្ភរបស់មូលនិធិបរិស្ថាន និងសង្គមរបស់ក្រសួងបរិស្ថាន ៕
