ខេត្តកំពង់ធំ៖ ថ្ងៃទី២៣ ខែមីនា ឆ្នាំ២០២៣ លោក តុង យី ប្រធានសមាគមរាជសីហ៍សាខាខេត្តកំពង់ធំ និងសហការី បានចុះសួរសុខទុក្ខ និងនាំយកអំណោយជូនដល់ប្រជាពលរដ្ឋដែលមានជីវភាពខ្វះខាតចំនួន០២គ្រួសារ នៅក្នុងឃុំកកោះ ស្រុកសន្ទុក ខេត្តកំពង់ធំ។
ក្នុងឱកាសនោះ លោក តុង យី ក៏បានពាំនាំពាក្យសួរសុខទុក្ខពី ឯកឧត្តម ស៊ូម សារឿន ប្រធានសមាគមរាជសីហ៍ និងជាពិសេស ឯកឧត្តមបណ្ឌិត ហ៊ុន ម៉ាណែត ជូនចំពោះ បងប្អូនប្រជាពលរដ្ឋទាំង០២គ្រួសារ ព្រមទាំងបានជំរាបបន្ថែមថា សកម្មភាពការងាររបស់សមាគមរាជសីហ៍ គាំទ្រពេញទំហឹងចំពោះ ឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ត្រីនៅថ្ងៃអនាគត់ ដែលលោកតែងតែគិតគូពីសុខទុក្ខ និង ជួយឧបត្ថម្ភគាំទ្រ សំរាលការលំបាករបស់បងប្អូនប្រជាពលរដ្ឋគ្រប់ទីកនែ្លង ជាពិសេសប្រជាពលរដ្ឋរងគ្រោះ និង ងាយរងគ្រោះផ្សេងៗ។
អំណោយក្នុង០១គ្រួសារទទួលបាន៖
-អង្ករចំនួន២៥គីឡូ
-ទឹកស៊ីអ៊ីវចំនួន០១យួរ
-ទឹកត្រីចំនួន០១យួរ
-ត្រីខកំប៉ុងចំនួន០១យួរ
-មីចំនួន០១កេស
-អំបិលចំនួន០១គីឡូ
-ស្ករសចំនួន០១គីឡូ
-ថវិកាចំនួន១០ ០០០រៀល (មួយរយពាន់រៀលគត់)។
ជាមួយគ្នានេះ អាជ្ញាធរមូលដ្ឋានភូមិ ឃុំ ក៏បានចូលរួមជួយឧបត្ថម្ភក្នង០១គ្រួសារទទួលបានថវិកាចំនួន៥០ ០០០រៀល បន្ថែមទៀត។
បងប្អូនប្រជាពលរដ្ឋទាំង០២គ្រួសារ បានសម្តែងនូវក្តីរំភើបរីករាយជាអនេក សូមថ្លែងអំណរគុណយ៉ាងជ្រាលជ្រៅចំពោះសមាគមរាជសីហ៍ និងអាជ្ញាធរមូលដ្ឋាន ដែលបានគិតគូរពីសុខទុក្ខ និងជួយសម្រួលការលំបាករបស់ប្រជាពលរដ្ឋ។
ពួកគាត់ សូមជូនពរថ្នាក់ដឹកនាំ និងសមាជិកសមាគមរាជសីហ៍ទាំងអស់ ព្រមទាំងអាជ្ញាធរគ្រប់លំដាប់ថ្នាក់ មានសុខភាពល្អ ទទួលបានជោគជ័យគ្រប់ភារកិច្ច ដើម្បីបន្តសកម្មភាពសប្បុរសធម៌ និងមនុស្សធម៌ក្នុងសង្គម ៕
