ខេត្តកំពង់ស្ពឺ÷ នារសៀលថ្ងៃចន្ទ ទី២១ ខែសីហា ឆ្នាំ២០២៣ ក្រោមអធិបតីភាពឯកឧត្តម ហន ភក្តី អភិបាលរងនៃគណៈអភិបាលខេត្តកំពង់ស្ពឺ លោកជំទាវ ម៉ែន សុីនួន ប្រធានមន្ទីរព័ត៌មាន បានអញ្ជើញចូលរួមប្រកាសតែងតាំងមន្ត្រីរាជការ នៃមន្ទីរព័ត៌មានខេត្តកំពង់ស្ពឺ និងមានលោក លោកស្រី អនុប្រធានមន្ទីរ ប្រធានការិយាល័យ ព្រមទាំងមន្ត្រីរាជការជាច្រើនរូបទៀត។
ឯកឧត្តម ហន ភក្តី អភិបាលរង នៃគណៈអភិបាលខេត្តកំពង់ស្ពឺមានប្រសាសន៍ផ្ដាំផ្ញើក្នុងពិធីប្រកាសតែងតាំងមន្ត្រីរាជការថា÷ គជអប និងកាត់មន្ទីរ អង្គភាពមួយចំនួន ឲ្យចូលក្របខ័ណ្ឌរដ្ឋបាលខេត្តនាពេលអនាគត។ ហើយមន្ទីរ អង្គភាពទាំងនោះ និងច្បាច់បញ្ចូលគ្នា ដូចរដ្ឋបាលក្រុង ស្រុកអនុវត្តកន្លងមក។ រាជ រដ្ឋាភិបាល ធ្វើដូច្នេះ គឺដូចបណ្ដាប្រទេសនានានៅលើពិភពលោកដែរ រដ្ឋបាលថ្នាក់ជាតិ ធ្វើតែគោលនយោបាយទេ ឯរដ្ឋបាលថ្នាក់ក្រោមជាតិ គឺអនុវត្តគោលនយោបាយ ហើយនេះគឺជារឿងថ្មី។ ជាក់ស្ដែងខេត្តកំពង់ស្ពឺយើង គឺមានមន្ទីរសុខាភិបាលមួយហើយដែលនៅក្រោមការគ្រប់គ្រងរបស់រដ្ឋបាលខេត្ត ហើយរាល់ការតែងតាំងប្រធាន អនុប្រធាន និងមន្ត្រីរបស់មន្ទីរសុខាភិបាល ត្រូវបានតែងតាំង ផ្លាស់ប្ដូរតួនាទី មុខតំណែង ដោយដីការរបស់រដ្ឋបាលខេត្តកំពង់ស្ពឺ។
ថ្លែងនៅក្នុងពិធីប្រកាសតែងតាំង មន្ត្រីរាជការនៃមន្ទីរព័ត៌មាន ឯកឧត្តម ហន ភក្តី ដោយឯកឧត្តមជឿយ៉ាងមុតមាំថា មន្ត្រីទើបតែងតាំងមុខងារថ្មី និងខិតខំបំពេញការងារតាមតួនាទីភារកិច្ច។ ហើយមន្ត្រីដែលពុំទាន់បានប្រកាសតែងតាំង សូមបន្តខិតខំធ្វើកិច្ចការ និងអនុវត្តតាមបទបញ្ជាផ្ទៃក្នុង របស់មន្ទីរអង្គភាពរបស់ខ្លួនឲ្យបានខ្ជាប់ខ្ជួន មុខតំណែង និងតួនាទី នឹងរង់ចាំប្រកាសតែងតាំងឲ្យមន្ត្រី ជាបន្តបន្ទាប់ទៀតផងដែរ។
គួរបញ្ជាក់ផងដែរថា÷ សម្រេចតែងតាំងមន្ត្រីរាជការចំនួន ០៨រូប ឱ្យកាន់មុខតំណែងជាអនុប្រធានមន្ទីរព័ត៌មានខេត្តកំពង់ស្ពឺ ១រូប មុខតំណែងជាប្រធានការិយាល័យ ២រូប មុខតំណែងអនុប្រធានការិយាល័យ ៣រូប និងផ្ទេរភារកិច្ចអនុប្រធានការិយាល័យ ១រូប៕
