កណ្តាល ៖ នាថ្ងៃទី៣១ ខែសីហា ឆ្នាំ២០២៣ កម្លាំងនគរយុត្តិធម៌ស្រុកសហការណ៍ជាមួយកម្លាំងប៉ុស្ដិ៍នគរបាលរដ្ឋឈើទាល បានចុះទៅដល់ផ្ទះជនសង្ស័យ និងឃាត់ខ្លួនជនសង្ស័យពីរនាក់ និងម៉ូតូធ្វើសកម្មភាព យកមកសាកសួរ ពាក់ព័ន្ធនឹងករណី លួចមានស្ថានទម្ងន់ទោស (ឆក់ការបូប) ។
ហេតុការណ៍ឆក់កាបូបនេះ បានកើតឡើងនៅថ្ងៃទី២៩ ខែសីហា ឆ្នាំ២០២៣ វេលាម៉ោង ១៩:៤០នាទី ស្ថិតនៅលើផ្លូវលេខ១១០ ស្ថិតនៅភូមិព្រែកស្វាយ ឃុំឈើទាល ស្រុកកៀនស្វាយ ខេត្តកណ្តាល ។
ជនរងគ្រោះ ឈ្មោះ ត្រែ ស៊ីអេង ភេទស្រី អាយុ ៣៦ ឆ្នាំ ជនជាតិខ្មែរ មានទីលំនៅ ភូមិកំពង់ស្វាយ ឃុំកំពង់ស្វាយ ស្រុកកៀនស្វាយ ខេត្តកណ្តាល ។
ជនសង្ស័យ ០២នាក់ ត្រូវបានកំណត់សញ្ញាណ រួមមាន ៖
១/ ឈ្មោះពុធ ធារ៉ា ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិត មានទីលំនៅភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ (ឃាត់ខ្លួន) ។
២/ ឈ្មោះស៊ុន សីម៉ា ភេទប្រុស អាយុ៣៦ឆ្នាំ ជនជាតិខ្មែរ មុខរបរមិនពិត មានទីលំនៅភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ (ឃាត់ខ្លួន) ។
ជាក់ស្តែង សមត្ថកិច្ចបានចាប់បានវត្ថុតាង រួមមាន÷
១/ ម៉ូតូ០១គ្រឿងម៉ាកហុងដាសេ ១២៥ ពណ៍ខ្មៅ ផលិតឆ្នាំ២០១៤ ពាក់ផ្លាកលេខភ្នំពេញ1P-0549 (ជារបស់ជនរងគ្រោះឈ្មោះនាង ស៊ីណាត ភេទស្រី អាយុ៤១ឆ្នាំ មានទីលំនៅភូមិព្រែកថ្មី១ សង្កាត់ព្រែកថ្មី ខណ្ឌច្បារអំពៅដែលជនសង្ស័យលួចយកមកធ្វើសកម្មភាពឆក់កាបូប)។
២/ កាំបិយចិត្តបន្លែផ្លែដែកដងឈើ ប្រវែង២៨cm ចំនួន០១ ។
៣/ កាំបិតចិត្តបន្លែដងដែកផ្លែដែកប្រវែង២៩cm ចំនួន០១ ។
៤/ ទូលឡឺវីសផ្លែដែកដងជ័រ ប្រវែង២៥cm ចំនួន០១ ។
៥/ ស្លាកលេខម៉ូតូចំនួន២ (ភ្នំពេញ1AT4072)(ភ្នំពេញ1CL1347)
៦/ ស្បែកជើងស៊កជ័រពណ៍សខ្មៅចំនួន០១ គូរ លេខ៤២ ។
៧/ កន្ត្រកម៉ូតូ ពណ៌ខ្មៅ ចំនួន០១ ។
៨/ ប្រអប់ខ្សែរហ្វាំងបូម ពណ៍ខ្មៅ ចំនួន០១ ។
៩/ សម្ភារៈប្រើប្រាស់គ្រឿងញៀនមួយចំនួន
១០/ ខោខាវប៊ូយ ពណ៍ខ្មៅ ជើងវែងម៉ាកZAPA ចំនួន០១ ។
១១/ អាវសាច់ក្រណាត់ក្រឡាការ៉ូ ពណ៍ខ្មៅ លាយប្រផេះ ចំនួន០១ ។
សម្ភារៈបាត់បង់រួមមាន ៖
១/ ទូរស័ព្ទដៃម៉ាក iPhone x mix ០១គ្រឿង ។
២/ ប្រាក់ខ្មែរចំនួន១៥០០០០រៀល (ដប់ប្រាំម៉ឺនរៀល) ។
សេចក្តីរាយការណ៍អោយដឹងថា កាលពីនៅថ្ងៃខែឆ្នាំវេលាម៉ោងកន្លែងកើតហេតុខាងលើ ជនរងគ្រោះបានជិះម៉ូតូ១គ្រឿងម៉ាក Honda dream ១២៥cc ពណ៍ក្រហម ផ្លាកលេខ (ភ្នំពេញ 1C -3851) ចេញពីធ្វើការងារ នៅរោងចក្រយីដា និងឈប់ទិញផ្លែឈើនៅមុខរោងចក្រ រួចក៏ជិះម៉ូតូចេញទៅផ្ទះ នៅឃុំកំពង់ស្វាយ ទិសដៅ ពីភ្នំពេញ ទៅ ស្អាង លុះមកដល់ភូមិឃុំកើតហេតុខាងលើ ក៏មានម៉ូតូ ០១ គ្រឿងទៀតម៉ាកHonda C125cc ពណ៌ខ្មៅ ពាក់ផ្លាកលេខ ភ្នំពេញ1P-0549 ជិះគ្នា០២នាក់មកពីក្រោយ ដោយអ្នកបើកបរពាក់អាវក្រឡាដៃវែងពាក់មួកពណ៌ខ្មៅ ក៏បានធ្វើសកម្មភាពឆក់យកកាបូបជនរងគ្រោះស្ពាយជាប់នឹងខ្លួន បណ្តាលអោយជនរងគ្រោះដួលទៅថ្នល់រងរបួស ចំនែកជនសង្ស័យបានដួលផងដែរ ។ រួចជនសង្ស័យក្រោកឡើងបានយកកាបូបជនរងគ្រោះនឹងលើកម៉ូតូជិះគេចខ្លួនទៅទិសដៅ ខាងស្អាង ចំនែកជនរងគ្រោះត្រូវបានកម្លាំងនគរបាលប៉ុស្តិ៍ទាក់ទងទៅសាច់ញាត្តិអោយយកទៅព្យាបាលនៅមន្ទីពេទ្យ រីឯមុខសញ្ញាកម្លាំងនគរបាលប៉ុស្តិ៍ឈើទាលសហការណ៍ជាមួយកម្លាំងជំនាញស្រុក កំពង់តាមស្វែងរកនិងកំណត់មុខសញ្ញា ។
លុះដល់ថ្ងៃទី៣១ ខែសីហា ឆ្នាំ២០២៣ វេលាម៉ោង១៤នឹង២០នាទី កម្លាំងនគរយុត្តិធម៌ស្រុកសហការណ៍ជាមួយកម្លាំងប៉ុស្ដិ៍នគរបាលរដ្ឋឈើទាល បានបន្តនិតិវិធីចុះទៅដល់ផ្ទះជនសង្ស័យទាំងពីរនាក់នៅភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ ភ្នំពេញ បានឃាត់ខ្លួនជនសង្ស័យទាំងពីរនាក់និងម៉ូតូធ្វើសកម្មភាព យកមកសាកសួរ ។
នៅចំពោះមុខសមត្ថកិច្ចជនសង្ស័យឈ្មោះ ពុធ ធារ៉ា ភេទប្រុស បានសារភាពថា ខ្លួនបានជិះម៉ូតូ០១គ្រឿងម៉ាកហុងដាសេ១២៥ ពណ៌ខ្មៅ ផលិតឆ្នាំ២០១៤ ពាក់ផ្លាកលេខ ភ្នំពេញ 1CL- 1347 ដែលលួចយកមកពីភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ដោយឈ្មោះស៊ុន ស៊ីម៉ា ភេទប្រុស ជាអ្នកឌុប ចំនែកខ្លួនជិះពីក្រោយ មកធ្វើសកម្មភាពឆក់កាបូបលុយនឹងទូរស័ព្វដៃរបស់ជនរងគ្រោះបានសម្រេចបន្ទាប់ពីឆក់កាបូបបានហើយអ្នកទាំងពីរបានដួលម៉ូតូនៅកន្លែងកើតហេតុ បន្ទាប់មកឈ្មោះជិះម៉ូតូគេចតាមផ្លូវក្រវ៉ាត់ក្រុងទី៣ សំដៅទៅក្រុងតាខ្មៅ បន្ទាប់មកក៏នាំគ្នាមកផ្ទះវិញដើម្បីបើកកាបូបចែកគ្នា ដោយឈ្មោះពុធ ធារ៉ា ភេទប្រុស យកប្រាក់ចំនួន១៥ម៉ឺនរៀល ចំនែកឈ្មោះស៊ុន ស៊ីម៉ា ភេទប្រុស យកទូរស័ព្ទដៃ ពេលចែកគ្នាហើយ ខ្លួនក៏ជិះម៉ូតូដែលលួចបាននោះ ឡើងទៅក្រុងតាខ្មៅវិញ ទៅដេកផ្ទះសំណាក់នៅក្រុងតាខ្មៅ រួចក៏ទុកកាបូបចោលនៅក្នុងផ្ទះសំណាក់នោះទៅ ។
ឈ្មោះ ស៊ុន ស៊ីម៉ា ភេទប្រុស បានសារភាពថា ខ្លួនបានជិះម៉ូតូដែលលួចបាន ឌុបឈ្មោះពុធ ធារ៉ា ភេទប្រុស មកធ្វើសកម្មភាពឆក់ការបូបលុយរបស់ជនរងគ្រោះបានសម្រេច និងបានបែងចែករបស់ដែលឆក់បាន គឺខ្លួនយកទូរស័ព្ទដៃ ឈ្មោះពុធ ធារ៉ា ភេទប្រុស យកលិយ និងកាបូបជិះទៅក្រុងតាខ្មៅ ចំណែកខ្លួនចូលទៅផ្ទះដេករហូតទល់ភ្លឺ ។
ក្រោយពីសាកសួររួច កម្លាំងផ្នែកនគរបាលយុត្តិធម៌បាននាំជនសង្ស័យទាំងពីរនាក់រួមទាំងវត្ថុតាង ដើម្បីឃាត់ខ្លួនបណ្តោះអាសន្ននៅអធិការដ្ឋាននគរបាលស្រុកកៀនស្វាយដើម្បីចាត់ការតាមនិតិវិធី ៕
