បច្ចុប្បន្នប្រជាពលរដ្ឋទូទាំងប្រទេសកម្ពុជា តែងតែប្រកបរបរអាជីវកម្មផ្សេងៗ ជាពិសេសភាគច្រើនមុខរបរខ្លះត្រូវបានប្រម៉ូតតាមបណ្ដាញសង្គម ជាពិសេបណ្ដាញសង្គមហ្វេសប៊ុក គឺពេញនិយមជាងគេនៅកម្ពុជាយើង ដូច្នេះការប្រើហ្វេសប៊ុកមានសារៈសំខាន់ក្នុងការធ្វើទីផ្សារ ក្នុងនោះក៏មានហានិភ័យផងដែរ ដោយមានជនឆ្លៀតឪកាសបានប្រព្រឹត្ដនូវការឆបោក តាមរយៈការទិញលក់ផេក ឬការជួសជុលផេកតែម្ដង។
បញ្ហាខាងលើនេះផងដែរ បុគ្គលដែលសកម្មក្នុងការឆបោកជាងគេតាមបណ្ដាញសង្គម ត្រូវបានគេស្គាល់ឈ្មោះថា ថន ប៊ុនហេង ហៅ ហេង ដែលបានឆបោកនូវផេករបស់អ្នកដ៏ទៃ និងឆបោកទឹកប្រាក់របស់ប្រជាពលរដ្ឋខ្មែរអស់ជាច្រើនផងដែរ ប៉ុន្ដែកម្លាំងសមត្ថកិច្ចហាក់មិនទាន់មានចំណាត់ការលើបុគ្គលនេះទាល់តែសោះ។ តាមការបង្ហើបរបស់ប្រជាពលរដ្ឋ និងអ្នករកស៊ីមួយចំនួនបានបង្ហើបថា បុគ្គលឈ្មោះ ថន ប៊ុនហេង រហ័សនាម ហេង បច្ចុប្បន្នត្រូវបានគេស្គាល់ថា ជាអ្នកភ្លេងផង អ្នកចម្រៀងផង និងជាអ្នកបោកប្រាស់ផង ដោយ គេបានឆាតទំនាក់ទំនងជាមួយបុគ្គលដែលមានបញ្ហាផ្សព្វផ្សាយតាមប្រព័ន្ធបណ្ដាញសង្គមហ្វេសប៊ុក។
ថន ប៊ុនហេង ហៅ ហេង ត្រូវបានគេបង្ហើបថា មានអាសយដ្ឋានអត្ដសញ្ញាណប័ណ្ណស្ថិតនៅភូមិ៣ សង្កាត់១ ក្រុងព្រះសីហនុ ខេត្តព្រះសីហនុ បច្ចុប្បន្នស្នាក់នៅរាជធានីភ្នំពេញ ប៉ុន្ដែមិនដឹងស្ថិតនៅខណ្ឌមួយណានោះទេ។ កាលពីដើមខែសីហា ឆ្នាំ២០២៣ ជនឆបោក ថន ប៊ុនហេង បានលួចយកផេក របស់អង្គភាពសារព័ត៌មាន អអេហ្វអិន ត្រូវនាយកប្រតិបត្តិអង្គភាពសារព័ត៌មានមួយនេះ ប្ដឹងទៅអគ្គស្នងការដ្ឋាននគរបាលជាតិ ដើម្បីចាត់ការតាមនីតិវិធីច្បាប់ ដែលបច្ចុប្បន្ននេះបុគ្គលនេះ កំពុងគេចខ្លួននៅឡើយទេ។
សូមជម្រាបជូនថា ប្រសិនបើបងប្អូនបានឃើញបុគ្គល ដែលមានភិនភាគដូចខាងលើនេះ សូមទំនាក់ទំនងមកកាន់លេខទូរស័ព្ទ 077675510 ជាបន្ទាន់ នោះក្រុមការងារអង្គភាពសារព័ត៌មាន អអេហ្វអិន នឹងជូនសារគុណជាទីគាប់ចិត្តផងដែរ៕
