តាកែវ៖ សេចក្តីរាយការណ៍ពីរពលរដ្ឋរស់នៅក្នុងភូមិបាទី ឃុំក្រាំងធ្នង់ ស្រុកបាទី ខេត្តតាកែវ បានឲ្យសារព័ត៌មានដឹងថា នៅក្នុងភូមិរបស់គាត់មានទីតាំងល្បែងអនឡាញ មាន់ជល់ តាមកញ្ចក់ទូរទស្សន៍មួយកន្លែង កំពង់បើកទទួលក្រុមអ្នកញៀនល្បែងឲ្យចូលមកលេង យ៉ាងគគ្រឹកគគ្រេង ខណៈលោក ឆាយ កែវមុន្នី អធិការ នគរបាលស្រុកបាទី មិនហ៊ានចុះបង្ក្រាប សង្ស័យព្រោះខ្លាចបាត់ ប្រយោជន៍។
សូមរំលឹកថាកាលពីកន្លងទៅថ្មីៗនេះសម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានមានប្រសាសន៍និងដាក់ បទបញ្ជាទៅដល់អាជ្ញាធរមូលដ្ឋានគ្រប់បណ្តា.រាជធានី.ខេត្ត.ត្រូវបិទទីតាំងល្បែងស៊ីសងឲ្យអស់ ព្រោះ ល្បែងមិនបានផ្តល់ផលប្រយោជន៍ជូនប្រជាពលរដ្ឋនោះទេ ផ្ទុយ ទៅវិញល្បែងនាំឱ្យប្រជាពលរដ្ឋជួបបញ្ហាបែកបាក់គ្រួសារឬអំពើ ហិង្សានៅក្នុងគ្រួសារទៅវិញ។
ដោយឡែកទីតាំងល្បែងស៊ីសង មាន់ជល់ តាមកញ្ចក់ ទូរទស្សន៍ អនឡាញ ខុសច្បាប់ក្នុងភូមិសាស្ត្រខាងលើ នៅតែ ដំណើរការបើកលេងជារៀងរាល់ថ្ងៃ អាជ្ញាធរនិងសមត្ថកិច្ចពាក់ ព័ន្ឋក្នុងមូលដ្ឋាន មិនធ្វើការបង្ក្រាប! សង្ស័យត្រូវថ្នាំសណ្តំអ្វីមួយ បានស្រវាំងភ្នែកមើលមិនឃើញ ទើបនាំគ្នាដើរបញ្ច្រាសទិស ផ្ទុយពីគោលនយោបាយ ភូមិ/ឃុំ/សង្កាត់ មានសុវត្ថិភាព។
ក្ដីបារម្ភខ្លាំងបំផុតរបស់ប្រជាពលរដ្ឋ ដែលរស់នៅក្នុងមូលដ្ឋានខាងលើ គឺខ្លាចមានអំពើ លួច ឆក់ ប្លន់ ហិង្សាដោយ ចេតនា ពីព្រោះមូលដ្ឋានណាដែលមានល្បែងស៊ីសងហើយ មូលដ្ឋាននោះគឺគ្មានសុវត្ថិភាពនោះទេ ល្បែងតែងវិនាស ល្បែងនាំមកនៅចោរកម្ម ល្បែងនាំមកនៅខាតទ្រព្យសម្បត្តិ បាត់បង់ការងារ វក់នឹងល្បែងលែងភ្លេចការងារអ្វីៗទាំងអស់។
ទាក់ទិនទៅនឹងបញ្ហាល្បែងស៊ីសងខាងលើនេះពលរដ្ឋស្នើសុំដល់ លោក វ៉ី សំណាង អភិបាលនៃគណៈអភិបាលខេត្តតាកែវ និង ឧត្តមសេនីយ៍ទោ ម៉ែន លី ស្នងការនគរបាលខេត្តតាកែវ សូម ចាត់មន្ត្រីជំនាញក្រោមឲ្យវ៉ាតឱ្យចុះបង្ក្រាបទីតាំងល្បែងស៊ីសង ខុសច្បាប់ខាងលើនេះផងទាន។
ជុំវិញការចុះផ្សាយខាងលើនេះ អង្គភាពសារព័ត៌មានយើងខ្ញុំរង់ចាំ ទទួលការស្រាយបំភ្លឺ គ្រប់ស្ថាប័នពាក់ព័ន្ធគ្រប់ពេលម៉ោងធ្វើការ តាមច្បាប់ស្តីពីរបបសារព័ត៌មាននៃកម្ពុជា.. សូមអរគុណ៕
