(ខេត្តកណ្តាល) ៖ កាលពីថ្ងៃច័ន្ទ ០៣ ខែមីនា ឆ្នាំ២០២៥ វេលាម៉ោង២០”០០នាទី គេបានប្រទះឃើញសាកសពអណ្ដែតទឹក (នៅក្នុងវ៉ាលី) នៅចំណុចភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្ដាល ។
ជនរងគ្រោះ ត្រូវបានគេដឹងថា ភេទប្រុស មិនស្គាល់អត្តសញ្ញាណ ។
បើតាមសមត្ថកិច្ចបានឱ្យដឹងថា នៅថ្ងៃខែឆ្នាំវេលាម៉ោងកើតខាងលើ មានប្រជាពលរដ្ឋគាត់ដើរដាក់បង្កៃនៅតាមប្រលាយយវរៈ០៥ ភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្តាល ហើយក៏បានប្រទះឃើញវ៉ាលីមួយអណ្ដែតទឹក ។ ភ្លាមនោះ គាត់ក៏បានរូតមើលក៏ប្រទះឃើញសាកសពនៅក្នុងវ៉ាលី ។ ភ្លាមនោះ គាត់ក៏បានរាយការណ៍ប្រាប់សមត្ថកិច្ចប៉ុស្តិ៍នគរបាលរដ្ឋបាលកំពង់ស្វាយ ។
ក្រោយទទួលបានព័ត៌មានភ្លាម សមត្ថកិច្ចប៉ុស្តិ៍នគរបាលរដ្ឋបាលកំពង់ស្វាយសហការជាមួយផ្នែកកោសល្យវិច័យស្រុកកៀនស្វាយ ចុះទៅដល់កន្លែងកើតហេតុធ្វើការពិនិត្យទៅលើវ៉ាលីនោះឃើញថា នៅក្នុងវ៉ាលីនោះពិតជាមានសាកសពមនុស្សប្រុសប្រាកដមែន តែមិនស្គាល់អត្តសញ្ញាណទេ។
សូមបញ្ជាក់ថា នៅក្នុងវ៉ាលីមានដំដែកពីរដុំ (សម្រាប់ហាត់ប្រាណ) នៅជាប់ជាមួយ ៕
