នាថ្ងៃទី០៦ ខែសីហា ឆ្នាំ២០២៥ ក្រុមការងារគណបក្សចុះមូលដ្ឋានឃុំចក ដឹកនាំដោយ លោក ហេង ចាន់ធឿន អនុប្រធានអចិន្ត្រៃយ៍ក្រុមការងារចុះមូលដ្ឋានឃុំចក និងសប្បុរសជន បានចូលរួមជួបសំណេះសំណាល និងពិភាក្សាជាមួយសមាជិកក្រុមប្រឹក្សាឃុំចក ដើម្បីធ្វើបច្ចុប្បន្នភាពជនភៀសសឹក ដែលភៀសខ្លួនតាមព្រំដែន និងពលករចំណាកស្រុក ដែលបានវិលត្រឡប់មកស្នាក់នៅក្នុងភូមិឃុំវិញ និងពិភាក្សាជាមួយក្រុមប្រឹក្សាឃុំ និងនាយប៉ុស្តិ៍នគរបាលរដ្ឋបាលឃុំក្នុងការរៀបចំឯកសារស្នាក់នៅមូលដ្ឋាន ឱ្យឃុំជួយសម្របសម្រួលឯកសារផ្សេងៗជូនពលករដែលវិលត្រឡប់ចូលភូមិឃុំវិញមានដូចជា សំបុត្រកំណើត សៀវភៅស្នាក់នៅដល់ដល់ប្រជាពលរដ្ឋ ដែលបានកើតនៅក្នុងប្រទេសកម្ពុជា និងអ្នកដែលត្រឡប់មកពីប្រទេសថៃ។
ជាមួយគ្នានេះដែរ ក្រុមការងារក៏បានជួបសំណេះសំណាលជាមួយពលករ និងជនភៀសសឹក និងបានឧបត្ថម្ភដល់ជនភៀសសឹក និងពលករដែលវិលត្រឡប់ចូលភូមិឃុំវិញចំនួន៨គ្រួសារ ក្នុងនោះ រួមមានភូមិចកចំនួន ២ គ្រួសារ ភូមិជ្រួលចំនួន២គ្រួសារ ភូមិព្រីងចំនួន២គ្រួសារ និងភូមិចំឡាក់ចំនួន២គ្រួសារ។ ក្នុង១គ្រួសារទទួលបានអង្ករចំនួន២៥គីឡូ ទឹកសុទ្ធចំនួន១កេស ទឹកស៊ីអ៊ីវចំនួន១យួរ ទឹកត្រីចំនួន១យួរ ត្រីខចំនួន១យួរ និងថវិការចំនួន ៥០,០០០៛ សរុប (១,៥០០,០០០៛)។ ក្នុងនោះដែរ ខ្ញុំបាទបានឧបត្ថម្ភក្រុមប្រឹក្សាឃុំចំនួន ២៥០,០០០៛ និងចំណាយផ្សេងៗលើយុវជនចំនួន ១៦០,០០០៛ និងចំណាយផ្សេងៗចំនួន ២៩០,០០០៛។ សរុបការចំណាយរួមមានចំនួន ២,២០០,០០០៛ ៕
