ខេត្តកំពង់ចាម ៖ នាព្រឹកថ្ងៃទី២៥ខែឧសភា ឆ្នាំ២០២៦ លោក ជា បញ្ញា អភិបាល គណៈអភិបាលស្រុកព្រៃឈរ លោក ពេជ្រ ដេត មេឃុំក្រូច និងលោកមេភូមិសំរោង រួមជាមួយនឹងសប្បុរសជនជាច្រើនរូប បានចុះចែកអំណោយ ជូនដល់ប្រជាពលរដ្ឋខ្វះខាត ចំនួន ០៩ គ្រួសារ នៅស្រុកព្រៃឈរ និងស្រុកជើងព្រៃ ។
ក្រុមសប្បុរសជន រួមមាន លោកបណ្ឌិត ឃីម រដ្ឋា ចាងហ្វាងអង្គភាពព័ត៌មាន «រដ្ធា រស្មីស្ទឹងត្រង់» និង លោកចាងហ្វាង រដ្ឋាអភិវឌ្ឍន៍ញូស៍ រួមជាមួយនឹង តំណាង អង្គការចីរភាពបរិស្ថានកម្ពុជាដឹកនាំ ដោយលោកអនុបណ្ឌិត លី គឹមស៊ុន និងលោក អ៊ិនយឿន លោក ស៊ឹមសំអាន លោកជំទាវ ឆាយ សុខន ក្រុមការងារ អ្នកសារព័ត៌មាន ចូលរួមជាមួយនឹងលោកអភិបាលស្រុកព្រៃឈរ ជា បញ្ញា និងលោកមេឃុំក្រូច ពេជ្រដេត លោកមេភូមិ ឯកមូល ចុះសួរសុខទុក្ខ និងនាំយកអំណោយ សប្បុរសជន មក ជូនគ្រួសារដែលកំពុងជួបការខ្វះខាត នៅខេត្តកំពង់ចាម ។
លោកអភិបាលស្រុក និងក្រុមការងារសប្បុរសជន បានចុះសួរសុខទុក្ខ និងនាំយកអំណោយ ជាស្បៀងអាហារ ព្រមទាំងសម្ភារៈប្រើប្រាស់មួយចំនួន ជូនដល់ប្រជាពលរដ្ឋ ដែលមានជីវភាពខ្វះខាត ដែលកំពុងជួបការលំបាក នៅភូមិសំរោង ឃុំក្រូច ស្រុកព្រៃឈរ មានចំនួន ០៦ គ្រួសារ និងប្រជាពលរដ្ឋ នៅ ភូមិវាល ឃុំខ្នុរដំបង ស្រុកជើងព្រៃ មានចំនួន ៣គ្រួសារ នៃខេត្តកំពង់ចាម ។
ក្នុងនោះ គ្រួសានីមួយទទួលបានអំណោយរួមមាន អង្ករ 30 គីឡូ ទឹកសុទ្ធ ១ កេស ទឹកត្រី ២ យួរ ទឹកស៊ីអ៊ីវ ២ យួរ សម្ភារៈប្រើប្រាស់មួយចំនួន និងថវិកាចំនួន៥ម៉ឺនរៀល ។
លើសពីនោះទៀត ក្រុមការងារក៏បានចែកជូនជា សារុង និងក្រម៉ា ដល់លោកតា លោកយាយ ចំនួន ១០០ នាក់ និងក្មេងៗ ចំនួន ៥០ នាក់ ដោយម្នាក់ៗទទួលបានថវិកា ២០០០ រៀល ។
សកម្មភាពមនុស្សធម៌នេះ ទទួលបានការចូលរួមឧបត្ថម្ភពីសប្បុរសជន ដែលបានបរិច្ចាកជាធនធានផ្ទាល់ខ្លួន រួមមាន ៖
– លោកស្រី មែន ច័ន្ធធី នៅបុរីវិមានភ្នំពេញ ថវិកាចំនួន 200 ដុល្លារ
– លោកស្រីគន្ធា ម្ចាស់ហាងកាហ្វេនៅទួលទំពូង ថវិកា 100 ដុល្លារ
– លោក ហែម ណុប ម្ចាស់ការហ្គាសឡាន 30 ម៉ឺនរៀល
– លោក ហេងសុខរ៉េន នៅក្រចេះ ថវិកា 20 ម៉ឺនរៀល
– លោកស្រី ស៊ី ដា ម្ចាស់ដេប៉ូសំណង់នៅផ្លូវ 51 ថវិកា 10 ម៉ឺនរៀល
– លោកជំទាវតូច នៅបាត់ដំបងថវិកា 25 ដុល្លារ
– លោក លី ហួរ លក់ស្បែកជើងថវិកា 65 ម៉ឺនរៀល
– លោក ម៉ាប់ លក់អង្ករនៅភូមិឬស្សីថវិកា 4 ម៉ឺនរៀល
– លោក អ៊ូច សុខអាន ប្រធានសាខាអង្គការចីរភាពបរិស្ថានកម្ពុជាប្រចាំខេត្តកំពង់ស្ពឺឧបត្ថម្ភសារុង ចំនួន 50 ។
– លោក យឹម រិនអនុប្រធានសាខាអង្គការចីរភាពប្រចាំខេត្តកំពង់ស្ពឺមី១០កេស ។
– លោក ហាក់ នី សមាជិកអង្គការចីរភាពកម្ពុជាឧបត្ថម្ភសារុង២០ ។
– លោកជាសារ៉ាត់ប្រធានសមាគមឧបត្ថម្ភស្បែកជើង 150 គូអង្ករមួយបេថវិកា 5 ម៉ឺនរៀល ។
– លោក អ៊ិន យឿន ទីប្រឹក្សារបស់ឯកឧត្តមបណ្ឌិត ហោ គន្ធា ប្រធានអង្គការចីរភាពបរិស្ថានកម្ពុជាឧបត្ថម្ភអង្ករ 500 គីឡូ ។
– លោក សឹម សំអាន ទីប្រឹក្សារបស់លោកបណ្ឌិត ឃីម រដ្ឋា ចាងហ្វាងអង្គភាពរដ្ឋាស្ទឹងត្រង់ ឧបត្ថម្ភអង្ករចំនួន 500 គីឡូ ។
– លោកជំទាវ ឆាយ សុខន ឧបត្ថម្ភសារុងចំនួន 130 សារុង ស្មើ ថវិកា 555,000 រៀល ។
– លោកហេងតារា គោដុត ឧបត្ថម្ភប្រាក់ដុល្លារ 50 ដុល្លារ ។
– លោក ជា សារ៉ាត់ ប្រធានសមាគម កសិកម្មដើម្បីសេដ្ឋកិច្ច គ្រួសារ កម្ពុជា សន្តិភាព អង្ករមួយបេស្បែកជើង 150 គូថវិកា 5 ម៉ឺនរៀល ។
– លោក ហេងសុផាត ឧបត្ថម្ភ18 ម៉ឺនរៀល ។
– លោក សែម សួរ ឧបត្ថម្ភ អង្ករ 60 មីបីកេស 15 ម៉ឺនរៀល ។
– លោក នីន ស៊ីនួន ឧបត្ថម្ភ 10 ម៉ឺនរៀល ។
– លោកស្រី លឹម វណ្ណា ឧបត្ថម្ភ 10 ម៉ឺនរៀល ។
– លោក អាន វណ្ណា ប្រធានអង្គរការសាខាខេត្តកំពង់ចាមឧបត្ថម្ភមី 6 កេស ។
– លោក ទេព រ៉ាឌី ឧបត្ថម្ភថវិកា 50 ដុល្លារ។
– ក្រុមការងារអង្គភាពគេហទំព័រ រដ្ធារស្មីស្ទឹងត្រង់ ឧបត្ថម្ភលូ ចំនួន 2 កង់ស្មើនឹងថវិកា 24 ម៉ឺនរៀល ។
សកម្មភាពមនុស្សធម៌នេះ ក៏ទទួលបានការចូលរួមឧបត្ថម្ភពីព្រះតេជគុណ បញ្ញោសុភារៈ គ្រូសូត្រឆ្វេង វត្តអង្គក្ដី ស្រុកគងពិសី ខេត្តកំពង់ស្ពឺ ដែលព្រះអង្គបានឧបត្ថម្ភចាន 200 ស្លាបព្រា 200 វែក 200 ផងដែរ ។
សកម្មភាពមនុស្សធម៌ដ៏មានតម្លៃខាងលើនេះ បានបង្ហាញពីស្មារតីចែករំលែក ដោយក្តីមេត្តា និងការយកចិត្តទុកដាក់ ដល់ប្រជាពលរដ្ឋដែលជួបការលំបាក ដើម្បីរួមចំណែកលើកកម្ពស់សុខុមាលភាព និងជីវភាពរស់នៅ របស់ពួកគាត់ឱ្យកាន់តែប្រសើរឡើង ៕
