(កំពង់ឆ្នាំង) ៖ នាព្រឹកថ្ងៃ១៥កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ខែឧសភា ឆ្នាំ២០២៦ លោក បណ្ឌិត ឃីម រដ្ឋា ប្រធានអង្គភាព គេហទំព័រ រដ្ឋារស្មីស្ទឹងត្រង់ និង លោក អ៊ិន យឿន ទីប្រឹក្សា លោក បណ្ឌិត ហោ គន្ធា អង្គការចីរភាពបរិស្ថានកម្ពុជា លោក ជំទាវ សុខ អ៊ីម ព្រមទាំងបុត្រនិងចៅៗ លោក ជំទាវ ឆាយសុខ ខន ព្រមទាំងបុត្រ បានដង្ហែអង្គផ្កាសាមគ្គី មកប្រគេនព្រះសង្ឃ ស្ថិតនៅ វត្តព្រះឥន្ទ្រទេព ភូមិវត្ត ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង ។
ព្រះចៅអធិការវត្តព្រះឥន្ទ្រទេព ព្រះនាម ហ៊ុន ម៉ៅ ហេង ក៏បានសូមបួងសួងដល់គុណបុណ្យព្រះរតនៈត្រ័យ និងវត្ថុស័ក្តិសិទ្ធិទាំងអស់ក្នុងលោក ទេវតាឆ្នាំថ្មី ព្រះនាម រាក្សាសាទេវី សូមប្រោសប្រទាននូវសព្ទសាធុការពរជ័យ សិរីមង្គល វិបុលសុខគ្រប់ប្រការ ជូនចំពោះ លោកបណ្ឌិត ឃីម រដ្ឋា ប្រធានអង្គភាព គេហទំព័រ រដ្ឋា រស្មីស្ទឹងត្រង់ និង អង្គការចីរភាពបរិស្ថានកម្ពុជា និងក្រុមការងារទាំងអស់ មានសុខភាពល្អបរិបូរណ៍ កម្លាំងកាយមាំមួន ជោគជ័យគ្រប់ភារៈកិច្ចទាំងពួង និងសមប្រកបនូវពុទ្ធពរទាំងឡាយបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
