ទាន់ហេតុការណ៍
​កម្ពុជា​-​សិង្ហ​បុរី បន្ដ​ពង្រឹង​ទំនាក់ទំនង និង​កិច្ចសហប្រតិបត្តិការ​ទ្វេភាគី​ឱ្យ​កាន់តែ​រឹងមាំ និង ស៊ីជម្រៅ​ - ចែក​អំណោយ​ស្បៀងអាហារ​ជូន​គ្រួសារ​សមាជិក​គណបក្ស​ដែលមាន​ជីវភាព​ខ្វះខាត នៅ​ខណ្ឌ​ឫស្សីកែវ ក្រោម​ស្មារតី​យកចិត្តទុកដាក់ និង​ចែករំលែក​ក្តីស្រឡាញ់​ - កម្ពុជា​-​សិង្ហ​បុរី បន្ដ​ពង្រឹង​ទំនាក់ទំនង និង​កិច្ចសហប្រតិបត្តិការ​ទ្វេភាគី​ឱ្យ​កាន់តែ​រឹងមាំ និង ស៊ីជម្រៅ​ - កម្ពុជា​-​អូស្ត្រាលី ប្ដេជ្ញា​ពង្រឹង​កិច្ច​សហប្រតិបត្តិការ​ដែល​មាន​ស្រាប់ និង​ស្វែងរក​កាលានុវត្តភាព​ថ្មីៗ​បន្ថែមទៀត​ - អាវុធហត្ថ​រាជធានី​ភ្នំពេញ បញ្ចប់​បេសកកម្ម​ចូលរួម​ការពារ​សន្តិសុខ សុវត្ថិភាព រក្សា​សណ្តាប់ធ្នាប់​ជូន ថ្នាក់ដឹកនាំ​ជាតិ​-​អន្តរជាតិ អញ្ជើញ​ចូលរួម​ក្នុង​កិច្ចប្រជុំ​កំពូល​ហ្វ្រង់​កូហ្វូ​នីលើ​ក​ទី​២០ ដែល​កម្ពុជា​ធ្វើជា​ម្ចាស់ផ្ទះ ដោយ​ជោគជ័យ​! - បញ្ហា​កាក​ស្រា​បៀរ​កែច្នៃ​ជា​ចំណី​សត្វ​នៅ​ស្រុក​គងពិសី​អូសបន្លាយ​ដល់ ៣​ឆ្នាំ​៖ ប្រជាពលរដ្ឋ​ទទូច​សុំ​ឱ្យ​មន្ទីរ​ជំនាញ​ចុះ​ពិនិត្យ​បច្ចេកទេស ចង្វាក់​ផលិតកម្ម និង​ច្បាប់​អនុញ្ញាត​ឱ្យ​បាន​ច្បាស់លាស់​ - ខេត្ត​កំពង់ស្ពឺ​៖ ប្រជាពលរដ្ឋ​ភូមិ​បឹង​ងោង ស្នើសុំ​អាជ្ញាធរ និង​មន្ទីរ​បរិស្ថាន ចាត់វិធានការ​បន្ទាន់​លើ​ក្រុមហ៊ុន «​វេង​សេង​ហ្គ្រី​ន​» បង្ហូរ​ទឹកស្អុយ និង​ទុកដាក់​សំរាម​គ្មាន​ស្ដង់ដា ផ្ទុយ​ពី​គោលនយោបាយ​ភាព​ស្អាត និង​បៃតង​ - ឧត្តមសេនីយ៍ឯក រ័ត្ន ស្រ៊ាង ដឹកនាំ​កម្លាំង ចូលរួម​ការពារ សន្តិសុខ និង​រក្សា​សណ្តាប់ធ្នាប់ ក្នុង​ពិធី​“​បើក​ព្រឹត្តិការណ៍ ភូមិ​ហ្វ្រង់​កូហ្វូ​នី​” ក្រោម​អធិបតីភាព​ដ៏​ខ្ពង់ខ្ពស់​សម្តេច​មហា​បវ​រ​ធិបតី ហ៊ុន ម៉ា​ណែ​ត និង លោកជំទាវ​បណ្ឌិត ពេ​ជ ចន្ទ​មុន្នី ហ៊ុន​ម៉ា​ណែ​ត​ - ពិធីបុណ្យ​កឋិនទាន​មហា​សាមគ្គី របស់​ក្រុមការងារ​ចលនា​កសាង​សមាជិក​គណបក្ស​នៅ​មូលដ្ឋាន​រាជធានី​-​ខេត្ត - ទីតាំង​សិប្បកម្ម​កែច្នៃ​សំបក​រថយន្ត មួយ​កន្លែងរ​ក្នុងស្រុក​អង្គស្នួល រង​ការរិះគន់ និង​មាន​ក្តីព្រួយបារម្ភ ពលរដ្ឋ​ជុំវិញ​មូលដ្ឋាន​ក៏​ដូចជា​ពលរដ្ឋ​លោក​ធ្វើដំណើរ​ឆ្លងកាត់​ផ្លូវ​នោះ​!!
0

ឯកឧត្តម នេត្រ ភ​ក្ត្រា អញ្ជើញ​បើក​វេទិកា​ពិភាក្សា​មហា​អនុ​តំបន់​មេគង្គ ស្តី​ពី​យុទ្ធនាការ​ប្រឆាំង​ព័ត៌មាន​ក្លែងក្លាយ​ក្រោម​ប្រធានបទ​«​ការកសាង​ទំនុកចិត្ត​ក្នុង​តំបន់ ភាព​ធន់​នឹង​ប្រព័ន្ធ​ឌីជីថល និង​ការចែករំលែក​ព័ត៌មាន​ដោយ​ការទទួលខុសត្រូវ​»

ឯកឧត្តម នេត្រ ភ​ក្ត្រា អញ្ជើញ​បើក​វេទិកា​ពិភាក្សា​មហា​អនុ​តំបន់​មេគង្គ ស្តី​ពី​យុទ្ធនាការ​ប្រឆាំង​ព័ត៌មាន​ក្លែងក្លាយ​ក្រោម​ប្រធានបទ​«​ការកសាង​ទំនុកចិត្ត​ក្នុង​តំបន់ ភាព​ធន់​នឹង​ប្រព័ន្ធ​ឌីជីថល និង​ការចែករំលែក​ព័ត៌មាន​ដោយ​ការទទួលខុសត្រូវ​»

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង097 72 88 071 | 076 44 44 373

http://www.rasmeistoengtrang.com

ភ្នំពេញ​៖ នៅ​ព្រឹក​ថ្ងៃ​អង្គារ ទី​២ ខែមិថុនា ឆ្នាំ​២០២៦ ក្រសួង​ព័ត៌មាន​បាន​រៀបចំ​វេទិកា​កិច្ចពិភាក្សា​មហា​អនុ​តំបន់​មេគង្គ ស្តី​ពី​យុទ្ធនាការ​ប្រឆាំង​ព័ត៌មាន​ក្លែងក្លាយ​ក្រោម​ប្រធានបទ «​ការកសាង​ទំនុកចិត្ត​ក្នុង​តំបន់ ភាព​ធន់​នឹង​ប្រព័ន្ធ​ឌីជីថល និង​ការចែករំលែក​ព័ត៌មាន​ប្រកបដោយ​ការទទួលខុសត្រូវ​» (Building Regional Trust, Digital Resilience, and Responsible information Sharing) ដែល​វេទិការ​ពិភាក្សា​នេះ​រៀបចំ​ធ្វើ​នៅ​សណ្ឋាគារ Sun & Moon Riverside តាម​បណ្តោយ​មហាវិថី​ព្រះ​នរោត្តម (៤១) ភូមិ​១០ សង្កាត់​ទន្លេបាសាក់ ខណ្ឌចំការមន រាជធានី​ភ្នំពេញ​។​

​វេទិកា​ដ៏​មាន​សារៈសំខាន់​នេះ​ក្រោម​អធិបតីភាព ឯកឧត្តម នេត្រ ភ​ក្ត្រា រដ្ឋមន្ត្រីក្រសួង​ព័ត៌មាន និង​មាន​ការអញ្ជើញ​ចូលរួម​ពី​តំណាង​ស្ថានទូត​ចិន និង​ស្ថានទូត​នៃ​បណ្ដា​ប្រទេស​អាស៊ាន​ប្រចាំ​ព្រះរាជាណាចក្រ​កម្ពុជា មន្ត្រី​អ្នកនាំពាក្យ​រាជរដ្ឋាភិបាល មន្ត្រី​អ្នកនាំពាក្យ​គ្រប់​ក្រសួង​-​ស្ថាប័ន មន្ត្រី​អ្នកនាំពាក្យរ​ដ្ធ​បាលរា​ជ​ធានី​-​ខេត្ត ប្រតិបត្តិ​ករ​ក្នុង​វិស័យ​ព័ត៌មាន អ្នកសារព័ត៌មាន សមាគម​អ្នកសារព័ត៌មាន អ្នក​ផលិត​មាតិកា ភ្ញៀវ​ជាតិ និង​អន្តរជាតិ​មកពី​បណ្តា​ប្រទេស​ជា​សមាជិក​មហា​អនុ​តំបន់​មេគង្គ​រួមមាន (​កម្ពុជា​, ចិន​, ឡាវ​, វៀតណាម និង​មី​យ៉ាន់​ម៉ា​) សរុប​ប្រមាណ ២៥០​នាក់​។​

​វេទិកា​នេះ​ទទួលបាន​ការគាំទ្រ​ពី​មូលនិធិ​ពិសេស​ក្រោម​កិច្ចសហប្រតិបត្តិការ​មេគង្គ​-​ឡាន​ឆាង​ពី​សាធារណរដ្ធ​ប្រជា​មេនិត​ចិន តាមរយៈ​ស្ថានទូត​ចិន​ប្រចាំ​ព្រះរាជាណាចក្រ​កម្ពុជា និង​ការសម្របសម្រួល​ពី​ក្រសួងការបរទេស និង​សហប្រតិបត្តិការ​អន្តរជាតិ នៃ​ព្រះរាជាណាចក្រ​កម្ពុជា ក្នុង​គោលបំណង​ពិភាក្សា​ផ្លាស់ប្តូរ​បទពិសោធ​គ្នា​ទៅវិញទៅមក រវាង​វាគ្មិន​មកពី​ប្រទេស​ជា​សមាជិក​មហា​អនុ​តំបន់​មេគង្គ ពាក់ព័ន្ធ​នឹង​ប្រភេទ​នៃ​ព័ត៌មាន​ក្លែងក្លាយ​ដែល​បាន និង​កំពុង​រីក​រាលដាល​នៅក្នុង​ប្រទេស​ជា​សមាជិក បញ្ហា​ប្រឈម​ក្នុង​ការទប់ស្កាត់​ព័ត៌មាន​ក្លែងក្លាយ យន្តការ​លើកកម្ពស់​អក្ខរកម្ម​ព័ត៌មាន និង​ប្រព័ន្ធ​ផ្សព្វផ្សាយ និង​អក្ខរកម្ម​ឌីជីថល​ក្នុងចំណោម​ប្រជាជន នៃ​ប្រទេស​មហា​អនុ​តំបន់​មេគង្គ តួនាទី​របស់​អ្នកសារព័ត៌មាន អង្គភាព​សារព័ត៌មាន និង​អ្នកប្រើប្រាស់​បណ្តាញ​ទំនាក់ទំនង​សង្គម​ក្នុង​ការទប់ស្កាត់ ប្រឆាំង​ព័ត៌មាន​ក្លែងក្លាយ ពិសេស​វិធានការ​យុទ្ធសាស្ត្រ​ក្នុង​ការលើកកម្ពស់​កិច្ចសហប្រតិបត្តិការ​ក្នុង​តំបន់ ដើម្បី​ប្រយុទ្ធប្រឆាំង​ព័ត៌មាន​ក្លែងក្លាយ​ក្នុង​មហា​អនុ​តំបន់​មេគង្គ​។​

​តាមរយៈ​វេទិកា​នេះ នឹង​រួមចំណែក​ដល់​ការលើកកម្ពស់​កិច្ចសហការ​រវាង​ប្រទេស​និង​ប្រទេស ថែម​ទាំង​ផ្សាភ្ជាប់​រវាង​ប្រជាជន​និង​ប្រជាជន​នៅក្នុង​តំបន់ និង​សកលលោក តាមរយៈ​ការកសាង​ទំនុកចិត្ត​គ្នា​ទៅវិញទៅមក ការពង្រឹង​ភាព​ធន់រ​បស់​ប្រជា​ពលរដ្ធ​ទៅនិង​ការរីកចម្រើន​យ៉ាង​ឆាប់​រហ័ស​នៃ​បច្ចេកវិទ្យា​ឌីជីថល និង​ការចែករំលែក​ព័ត៌មាន​ប្រកបដោយ​ការទទួលខុសត្រូវ​ខ្ពស់ មិនតែប៉ុណ្ណោះ​ថែមទាំង​ជួយ​ពង្រឹង​តួនាទី​ដ៏​សកម្ម​របស់​កម្ពុជា ក្នុង​ការចូលរួម​ជាមួយ​ប្រទេស​ជា​សមាជិក​មហា​អនុ​តំបន់​មេគង្គ និង​ប្រទេស​ផ្សេងៗ​ទៀត ដើម្បី​ប្រយុទ្ធប្រឆាំង​ព័ត៌មាន​ក្លែងបន្លំ ព័ត៌មាន​បំភ្លៃ និង​ព័ត៌មាន​ភាន់ច្រឡំ ពិសេស​ព័ត៌មាន​ក្លែងក្លាយ​ដែល​បង្កើតឡើង​ដោយ​បញ្ញា​សិប្បនិម្មិត បាននិងកំពុង​ចរាចរ​លើ​បណ្តាញ​ទំនាក់ទំនង​សង្គម​នាបច្ចុប្បន្ន ខណៈ​បច្ចេកវិទ្យា​មាន​ការរីកចម្រើន​យ៉ាង​ឆាប់រហ័ស ការទទួល​និង​ផ្សព្វផ្សាយ​ព័ត៌មាន​កាន់តែ​ងាយស្រួល រហ័ស ប៉ុន្តែ​បង្ក​ហានិភ័យ​ខ្ពស់ ដែល​ទាមទារ​ឱ្យមាន​ការចូលរួម​បង្ការ និង​ប្រយុទ្ធប្រឆាំង​ព័ត៌មាន​ក្លែងក្លាយ តាមរយៈ​ការផ្សព្វផ្សាយ​ព័ត៌មាន​ពិត​៕

​

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 097 72 88 071 / 076 44 44 373 ឬ តាម Whatsapp | Telegram : 097 72 88 071 / 076 44 44 373 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 097 72 88 071 / 076 44 44 373 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល