នៅព្រឹកថ្ងៃសុក្រ ទី០៥ខែមិថុនាឆ្នាំ២០២៦លោកបណ្ឌិត ឃីម រដ្ឋា អនុប្រធាន អង្គការចីរភាពបរិស្ថានកម្ពុជា និង សហការី បានចូលរួមយុទ្ធនាការ កម្ពុជាស្អាត ខែ្មរធ្វើបាន ដែលដឹកនាំលោក សន ស៊ិន ចៅសង្កាត់គោករកា ក្រុមប្រឹក្សាសង្កាត់-ប្រជាការពារសង្កាត់-លោកមេភូមិទាំង ៣ និងអនុភូមិ-ភ្នាក់ងារបរិស្ថានសង្កាត់- ព្រមទាំង អង្គភាពសារព័ត៌មាន រដ្ឋារស្មីស្ទឹងត្រង់។
ក្នុងយុទ្ធនាការ កម្ពុជាស្អាត ខែ្មរធ្វើបាន ដែលជាយុទ្ធនាការ ប្រមូលសំណល់សំរាម តាមដងផ្លូវ ដែលសំដៅលើភាពស្អាតលើដី ដើម្បី ជម្រុញឱ្យមាន ភាពស្អាត អនាម័យ នៅតាមដងផ្លូវសាធារណៈ ក្នុងមូលដ្ឋានសង្កាត់គោករកា ខណ្ឌព្រែកព្នៅ រាជធានីភ្នំពេញ។
សូមបញ្ជាក់ផងដែរថា យុទ្ធនាការ កម្ពុជាស្អាត ខែ្មរធ្វើបាន ក្នុងសង្កាត់គោករកានាពេលនេះ គឺបានអនុវត្តនូវភូមិចំនួន ៣ចំនួន រួមមាន ភូមិកប់ស្រូវធំ ភូមិកប់ស្រូវតូច និងភូមិព្រៃធំ សង្កាត់គោករការ ខណ្ឌព្រែក។
ជាមួយគ្នានេះដែរ លោក សន ស៊ិន ចៅសង្កាត់ បានបន្តចុះពិនិត្យគម្រោងកាយប្រឡាយរំដោះទឹកភ្លៀងនារដូវវស្សា ប្រវែង 425 ម៉ែត្រ ស្ថិតនៅភូមិកប់ស្រូវធំ ភូមិកប់ស្រូវតូច នៅក្នុងមូលដ្ឋានសង្កាត់គោករកាផងដែរ ៕
