ខេត្តកំពង់ស្ពឺ ៖ នាព្រឹកថ្ងៃទី១១ខែ មិថុនាឆ្នាំ២០២៦ លោកបណ្ឌិត ឃីម រដ្ឋា ប្រធាអង្គភាពព័ត៌មាន «រស្មីស្ទឹងត្រង់» រួមជាមួយលោក អ៊ិន យឿន និងភរិយា ព្រមទាំងលោកជំទាវ ឆាយ សុខន លោកជំទាវ សុខអីម លោកអនុបណ្ឌិត លី គឹមស៊ុន ទីប្រឹក្សាអង្គការចីរភាពបរិស្ថាន បានដឹកនាំក្រុមការងារ សហការជាមួយ លោកអ៊ូច សុខអានប្រធានសាខាអង្គការចីរភាពប្រចាំខេត្តកំពង់ស្ពឺ លោកយ៉ឹមរិន អនុប្រធាន លោកហាក់នី សមាជិក រួមជាមួយអាជ្ញាធរ លោកសាត់សយ អនុភូមិត្រពាំងធ្នង់ លោកមាស ធីម មេភូមិព្រៃដំណាក់ លោកម៉ិញ សាវឿនក្រុមប្រឹក្សាឃុំព្រៃវិហារ ស្រុកគង់ពិសី លោកឌឹម សុខុមមេភូមិអង្គក្តី ឃុំទួលអំពិលនិង លោក អ៊ុយ ថូ ក្រុមប្រឹក្សាឃុំទួលអំពិល ស្រុកបរសេដ្ឋ ខេត្តកំពង់ស្ពឺ បានចុះសួរសុខទុក្ខ និងនាំយកអំណោយជាស្បៀងអាហារ ព្រមទាំងសម្ភារៈប្រើប្រាស់មួយចំនួន ជូនដល់ប្រជាពលរដ្ឋដែលមានជីវភាពខ្វះខាត ជួបការលំបាក និងជនពិការភាពពីកំណើត ៤គ្រួសានៅព្រៃស្មាច់ នឹង១គ្រួសានៅភូមិត្រពាំធ្នង់ ឃុំព្រៃវិហារ ស្រុកគងពិសី និង៣គ្រួសាទៀត នៅភូមិអង្គក្តី ឃុំទួលអំពិល ស្រុកបរសេធ្ឋ ខេត្តកំពង់ស្ពឺ។
គ្រួសារនីមួយៗទទួលបានអង្ករមួយបាវ50 គីឡូ ទឹកត្រី១យួរ ទឹកស៊ីអ៊ីវ១ទឹកសុទ្ធប្រាំយួរយួរមី១កេស ចានបាយ ៨សាច់ក្រកកន្លះគីឡូ សារុង១ នឹងថវិកា 62,000៛។
ដោយឡែក ព្រះភិក្ខុសង្ឃ ឆាយ សុភារៈ និងព្រះភិក្ខុសង្ឃ សុខ សាវិន តំណាងព្រះចៅអធិការវត្តអង្គក្ដី ក៏បានចូលរួមឧបត្ថម្ភចានបាយ១០០ ។
– ព្រះភិក្ខុ ឥន្ទ្រីយសំវិរៈ ខុន ធារិទ្ធ កំពុងនៅវត្តអង្គស្តុកឃុំទួលអំពិល ស្រុកបសេដ្ឋ ខែត្តកំពង់ស្ពឺ បានចូលរួមឧបត្ថម្ភ អង្ករ១បាវ ទឹកសុទ្ធ១០យួ ទឹកត្រី៤យួ ទឹកស៊ីអ៊ីវ៤យួ សម្ភារៈ និងបច្ច័យមួយចំនួនផងដែរ។
ទន្ទឹមនឹង នោះ ក៏មានសប្បុរសជនបានចូលរួម ខំជាស្បៀងនិងគ្រឿងឧបភោគបរិភោគបន្ថែមទៀតដល់អង្គភាពព័ត៌មាន «រដ្ឋារស្មីស្ទឹងត្រង់»។
ចំណែកលោកជំទាវ ឆាយ សុខន នឹងលោកជំទាវសុខអ៊ីម បានឧបត្ថម្ភ អារុង ១00 ជូនដល់មហាជនដែលចូលរួម ម្នាកៗទទួលបានសារុងមួយនិងថវិកា 2000 រៀល។
បន្ទាប់ពីចែក ជំនួយមនុស្សធម៌រួច លោកបណ្ឌិតឃីមរដ្ឋា ប្រធានអង្គភាពគេហទំព័រដ្ថារស្មីស្ទឹងត្រង់ បានដឹកនាំសហការីចុះមើលកូនឈើដែលដាំ រួមសហការជាមួយឯកឧត្តមបណ្ឌិតរដ្ឋលេខាធិការ តំណាង រដ្ឋមន្ត្រីក្រសួងបរិស្ថាន កន្លងមកនៅក្នុងទីធ្លានៅវត្តអង្គក្តី ឃុំព្រៃវិហារស្រុកគងពិសីខេត្តកំពង់ស្ពឺ។
សកម្មភាពខាងលើ បានបង្ហាញពីស្មារតីចែករំលែក ក្តីមេត្តា និងការយកចិត្តទុកដាក់ចំពោះប្រជាពលរដ្ឋក្រីក្រ និងជនងាយរងគ្រោះក្នុងសង្គម ដើម្បីរួមចំណែកលើកកម្ពស់សុខុមាលភាព និងជីវភាពរស់នៅរបស់ពួកគាត់ឱ្យកាន់តែប្រសើរឡើង ៕
