នៅថ្ងៃទី 15 ខែមិថុនា ឆ្នាំ 2026 លោកស្រី ជួប ភឿន មេភូមិត្រពាំងសំព័រ តំណាងឱ្យប្រជាពលរដ្ឋទាំងអស់ក្នុងភូមិត្រពាំងសំព័រ សូមសម្តែងនូវការថ្លែងអំណរគុណយ៉ាងជ្រាលជ្រៅចំពោះ លោក សន ស៊ិន ចៅសង្កាត់គោករកា ដែលបានចំណាយថវិកាផ្ទាល់ខ្លួនចូលរួមចំណែកក្នុងការអភិវឌ្ឍមូលដ្ឋាន។
ក្នុងនោះ លោកចៅសង្កាត់បានឧបត្ថម្ភថវិកាចំនួន 2 200 ដុល្លារអាមេរិក សម្រាប់ការកសាងស្នាក់ការភូមិ និងបានចំណាយថវិកាបន្ថែមចំនួន 450 ដុល្លារអាមេរិក សម្រាប់ការដាក់លូរំដោះទឹក ដើម្បីសម្រួលដល់ការរស់នៅ ការធ្វើដំណើរ និងការបង្ការបញ្ហាជំនន់ទឹកភ្លៀងជូនប្រជាពលរដ្ឋក្នុងមូលដ្ឋាន។
ក្នុងឱកាសនេះ លោកស្រី ជួប ភឿន តំណាងឱ្យប្រជាពលរដ្ឋក្នុងភូមិត្រពាំងសំព័រ បានគោរពថ្លែងអំណរគុណ និងកោតសរសើរចំពោះទឹកចិត្តសប្បុរសធម៌ និងការយកចិត្តទុកដាក់របស់លោក សន ស៊ិន ចៅសង្កាត់គោករកា ដែលតែងតែគិតគូរពីសុខទុក្ខ និងផលប្រយោជន៍របស់ប្រជាពលរដ្ឋ។
ជាមួយគ្នានេះដែរ លោកក៏បានគោរពជូនពរ លោក សន ស៊ិន និងក្រុមគ្រួសាសូមជួបប្រទះតែសេចក្តីសុខ សេចក្តីចម្រើន មានសុខភាពល្អ កម្លាំងមាំមួន ប្រាជ្ញាឈ្លាសវៃ និងទទួលបានជោគជ័យគ្រប់ភារកិច្ច ព្រមទាំងបន្តទទួលបាននូវការគាំទ្រ និងក្តីស្រឡាញ់ពីប្រជាពលរដ្ឋជានិច្ចនិរន្តរ៍ ៕
