ទាន់ហេតុការណ៍
​កម្ពុជា​-​សិង្ហ​បុរី បន្ដ​ពង្រឹង​ទំនាក់ទំនង និង​កិច្ចសហប្រតិបត្តិការ​ទ្វេភាគី​ឱ្យ​កាន់តែ​រឹងមាំ និង ស៊ីជម្រៅ​ - ចែក​អំណោយ​ស្បៀងអាហារ​ជូន​គ្រួសារ​សមាជិក​គណបក្ស​ដែលមាន​ជីវភាព​ខ្វះខាត នៅ​ខណ្ឌ​ឫស្សីកែវ ក្រោម​ស្មារតី​យកចិត្តទុកដាក់ និង​ចែករំលែក​ក្តីស្រឡាញ់​ - កម្ពុជា​-​សិង្ហ​បុរី បន្ដ​ពង្រឹង​ទំនាក់ទំនង និង​កិច្ចសហប្រតិបត្តិការ​ទ្វេភាគី​ឱ្យ​កាន់តែ​រឹងមាំ និង ស៊ីជម្រៅ​ - កម្ពុជា​-​អូស្ត្រាលី ប្ដេជ្ញា​ពង្រឹង​កិច្ច​សហប្រតិបត្តិការ​ដែល​មាន​ស្រាប់ និង​ស្វែងរក​កាលានុវត្តភាព​ថ្មីៗ​បន្ថែមទៀត​ - អាវុធហត្ថ​រាជធានី​ភ្នំពេញ បញ្ចប់​បេសកកម្ម​ចូលរួម​ការពារ​សន្តិសុខ សុវត្ថិភាព រក្សា​សណ្តាប់ធ្នាប់​ជូន ថ្នាក់ដឹកនាំ​ជាតិ​-​អន្តរជាតិ អញ្ជើញ​ចូលរួម​ក្នុង​កិច្ចប្រជុំ​កំពូល​ហ្វ្រង់​កូហ្វូ​នីលើ​ក​ទី​២០ ដែល​កម្ពុជា​ធ្វើជា​ម្ចាស់ផ្ទះ ដោយ​ជោគជ័យ​! - បញ្ហា​កាក​ស្រា​បៀរ​កែច្នៃ​ជា​ចំណី​សត្វ​នៅ​ស្រុក​គងពិសី​អូសបន្លាយ​ដល់ ៣​ឆ្នាំ​៖ ប្រជាពលរដ្ឋ​ទទូច​សុំ​ឱ្យ​មន្ទីរ​ជំនាញ​ចុះ​ពិនិត្យ​បច្ចេកទេស ចង្វាក់​ផលិតកម្ម និង​ច្បាប់​អនុញ្ញាត​ឱ្យ​បាន​ច្បាស់លាស់​ - ខេត្ត​កំពង់ស្ពឺ​៖ ប្រជាពលរដ្ឋ​ភូមិ​បឹង​ងោង ស្នើសុំ​អាជ្ញាធរ និង​មន្ទីរ​បរិស្ថាន ចាត់វិធានការ​បន្ទាន់​លើ​ក្រុមហ៊ុន «​វេង​សេង​ហ្គ្រី​ន​» បង្ហូរ​ទឹកស្អុយ និង​ទុកដាក់​សំរាម​គ្មាន​ស្ដង់ដា ផ្ទុយ​ពី​គោលនយោបាយ​ភាព​ស្អាត និង​បៃតង​ - ឧត្តមសេនីយ៍ឯក រ័ត្ន ស្រ៊ាង ដឹកនាំ​កម្លាំង ចូលរួម​ការពារ សន្តិសុខ និង​រក្សា​សណ្តាប់ធ្នាប់ ក្នុង​ពិធី​“​បើក​ព្រឹត្តិការណ៍ ភូមិ​ហ្វ្រង់​កូហ្វូ​នី​” ក្រោម​អធិបតីភាព​ដ៏​ខ្ពង់ខ្ពស់​សម្តេច​មហា​បវ​រ​ធិបតី ហ៊ុន ម៉ា​ណែ​ត និង លោកជំទាវ​បណ្ឌិត ពេ​ជ ចន្ទ​មុន្នី ហ៊ុន​ម៉ា​ណែ​ត​ - ពិធីបុណ្យ​កឋិនទាន​មហា​សាមគ្គី របស់​ក្រុមការងារ​ចលនា​កសាង​សមាជិក​គណបក្ស​នៅ​មូលដ្ឋាន​រាជធានី​-​ខេត្ត - ទីតាំង​សិប្បកម្ម​កែច្នៃ​សំបក​រថយន្ត មួយ​កន្លែងរ​ក្នុងស្រុក​អង្គស្នួល រង​ការរិះគន់ និង​មាន​ក្តីព្រួយបារម្ភ ពលរដ្ឋ​ជុំវិញ​មូលដ្ឋាន​ក៏​ដូចជា​ពលរដ្ឋ​លោក​ធ្វើដំណើរ​ឆ្លងកាត់​ផ្លូវ​នោះ​!!
0

សម្តេច​មហា​បវរ​ធិបតី ហ៊ុន ម៉ា​ណែ​ត ៖ សន្តិភាព គឺជា​មូលដ្ឋាន​នៃ​អ្វីៗ​ទាំងអស់ បើ​គ្មាន​សន្តិភាព យើង​ក៏​មិន​អាច​និយាយ​អំពី​ការអប់រំ​, ការអភិវឌ្ឍ​, ការចូលរួម​របស់​ស្ត្រី ឬ អនាគត​របស់​យុវជន​បាន​ឡើយ​

សម្តេច​មហា​បវរ​ធិបតី ហ៊ុន ម៉ា​ណែ​ត ៖ សន្តិភាព គឺជា​មូលដ្ឋាន​នៃ​អ្វីៗ​ទាំងអស់ បើ​គ្មាន​សន្តិភាព យើង​ក៏​មិន​អាច​និយាយ​អំពី​ការអប់រំ​, ការអភិវឌ្ឍ​, ការចូលរួម​របស់​ស្ត្រី ឬ អនាគត​របស់​យុវជន​បាន​ឡើយ​

«គេហទំព័រ រស្មីស្ទឹងត្រង់ | Rasmeistoengtrang News» ទូរស័ព្ទទំនាក់ទំនង097 72 88 071 | 076 44 44 373

http://www.rasmeistoengtrang.com

ខេត្តសៀមរាប ៖ សម្តេច​មហា​បវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​ថ្លែងថា ៖ «​សន្តិភាព គឺជា​មូលដ្ឋាន​នៃ​អ្វីៗ​ទាំងអស់ បើ​គ្មាន​សន្តិភាព យើង​ក៏​មិន​អាច​និយាយ​អំពី​ការអប់រំ​, ការអភិវឌ្ឍ​, ការចូលរួម​របស់​ស្ត្រី ឬ អនាគត​របស់​យុវជន​បាន​ឡើយ ។

​នេះ​ជា​ការលើកឡើង ក្នុង​ពិធី​បើក​សន្និសីទ​ពិភពលោក WAGGGS លើក​ទី​៣៩ និង​កិច្ចប្រជុំ​ប្រចាំ​ឆ្នាំ​លើក​ទី​៤២ នៃ​សហគមន៍ The Olave Baden-Powell Society នៅ​ខេត្ត​សៀមរាប នា​ព្រឹក​ថ្ងៃទី​១៦ ខែមិថុនា ឆ្នាំ​២០២៦ ។​

​ដោយសារ​សន្តិភាព​នេះ​ហើយ​ទើប​កម្ពុជា​អាច​កសាង​ហេដ្ឋារចនាសម្ព័ន្ធ​, បង្កើន​ឱកាស​សិក្សា​, បង្កើត​ឱកាស​ការងារ​, លើកកម្ពស់​សុខុមាលភាព​សង្គម និង បើកទ្វារ​ទទួល​មិត្ត​អន្តរជាតិ មក​ចែករំលែក​ចំណេះដឹង​, បទពិសោធន៍ និង មិត្តភាព ជាមួយ​ប្រជាជន​កម្ពុជា ។ តាមរយៈ​ការអញ្ជើញ​មក​ទស្សនា​ផ្ទាល់​, មិត្ត​របស់​យើង​ពិតជា​អាច​ជ្រួតជ្រាប​ពី​សុខសន្តិភាព​, ស្ថិរភាព​, សុវត្ថិភាព និង​ការអភិវឌ្ឍ​ជឿនលឿន​របស់​កម្ពុជា ដែល​អាច​ផ្តល់​ភាពកក់ក្តៅ និង​មាន​សមត្ថភាព​ធ្វើជា​ម្ចាស់ផ្ទះ​រៀបចំ​ព្រឹត្តិការណ៍​អន្តរជាតិ​ដ៏​អធិកអធម​បែបនេះ ។​

​សម្ដេច​ធិបតី នាយករដ្ឋមន្ត្រី បាន​មានប្រសាសន៍​បន្ថែម​ថា ប្រធានបទ​នៃ​សន្និសីទ​នេះ គឺ “We See, We Care, We Act” ដែល​យើង​អាច​យល់​ជា​ភាសា​ខ្មែរ​ថា “​យើង​ឃើញ​, យើង​យកចិត្តទុកដាក់​, យើង​រួម​គ្នា​ធ្វើ​សកម្មភាព​” គឺជា​ប្រធានបទ​មួយ​ដែល​ខ្លី ប៉ុន្តែ​មាន​អត្ថន័យ​ដ៏​ជ្រាលជ្រៅ​។ ចំណុច​នេះ​គឺជា​ស្មារតី ដែល​រាជរដ្ឋាភិបាល​កម្ពុជា តែង​ចង់ឃើញ​នៅ​គ្រប់​កម្រិត​នៃ​សង្គម ពោល​គឺ​សង្គម​មួយ​ដែល​មើលឃើញ​ពី​តម្លៃ​មនុស្ស​, យកចិត្តទុកដាក់​ចំពោះ​អ្នក​ដែល​ត្រូវការ​ជំនួយ ហើយ​រួបរួមគ្នា​ធ្វើ​សកម្មភាព​ដើម្បី​សេចក្តី​រីកចម្រើន​រួមគ្នា ។

​រាជរដ្ឋាភិបាល​កម្ពុជា បាន​បន្ត​កំណត់​ការលើកកម្ពស់​សមភាព​យេនឌ័រ និង​ការបង្កើន​ភាព​អង់អាច​របស់​ស្ត្រី និង ក្មេង​ស្រី​នៅ​គ្រប់​វិស័យ​អាទិភាព​នៅក្នុង​របៀបវារៈ​គោលនយោបាយ និង​យុទ្ធសាស្ត្រ​បញ្ច​កោណ​-​ដំណាក់កាល​ទី​១ តាមរយៈ​ការពង្រឹង​ភាព​ជា​ពលរដ្ឋ​ក្នុង​សង្គម​ដែល​មាន​អារ្យធម៌​ខ្ពស់​ប្រកប​ដោយ​សីលធម៌​, សមធម៌ និង​បរិ​យាប​ន្ន ដែល​ក្នុងនោះ «​ស្ត្រី​គឺជា​ស្នូល​»​។

​មុន​នឹង​បញ្ចប់​, សម្ដេច​ធិបតី នាយករដ្ឋមន្ត្រី បាន​គូសបញ្ជាក់ថា រាជរដ្ឋាភិបាល​កម្ពុជា បាន​បន្ត​បង្កើន​ការវិនិយោគ​លើ​សមភាព​យេនឌ័រ និង​បង្កើន​ភាព​អង់អាច​ដល់​ស្ត្រី និង​ក្មេង​ស្រី នៅក្នុង​វិស័យ​សេដ្ឋកិច្ច​, អប់រំ​, សុខភាព និង ការដឹកនាំ​សាធារណៈ ដើម្បី​ទាញយក​អត្ថប្រយោជន៍​ពី​ភាគលាភ​យេនឌ័រ​, ការបង្ក​
​លក្ខណៈ​អំណោយផល​ដល់​ស្ត្រី​ក្នុង​ការប្រើប្រាស់​សិទ្ធិ​ធ្វើ​ការសម្រេចចិត្ត​លើ​ផែនការ​គ្រួសារ​, ការកាត់បន្ថយ​ភាព​ងាយ​រងគ្រោះ​ដោយ​អំពើហិង្សា​ទាក់ទង​នឹង​យេនឌ័រ និង ការលើកកម្ពស់​ទំនាក់​ទំនង​អន្តរ​ជំនាន់ ។

​បន្ថែម​ពី​នេះ រាជរដ្ឋាភិបាល​កម្ពុជា បាន​និង​កំពុង​បន្ត​ផ្តល់​អាទិភាព​ខ្ពស់​ដល់​ការអភិវឌ្ឍ​មូលធន​មនុស្ស​, ការអប់រំ​, ការលើកកម្ពស់​សុខភាព​, សុខុមាលភាព​សង្គម​, ការបង្កើត​ឱកាស និង​ការលើកកម្ពស់​តួនាទី​ស្ត្រី និង​យុវជន ក្នុង​ការអភិវឌ្ឍ​ជាតិ ។ យើង​ជឿជាក់ថា ក្មេងស្រី​ម្នាក់​ដែល​ទទួលបាន​ការអប់រំ​ល្អ​, មាន​សុវត្ថិភាព​, មាន​ទំនុកចិត្ត​លើ​ខ្លួនឯង និង មាន​ឱកាស​ចូលរួម​ក្នុងសង្គម មិន​ត្រឹមតែ​អាច​ផ្លាស់ប្តូរ​ជីវិត​របស់​ខ្លួន​ប៉ុណ្ណោះ​ទេ ប៉ុន្តែ​គាត់​អាច​ជួយ​ផ្លាស់ប្តូរ​គ្រួសារ​របស់គាត់​, សហគមន៍​របស់​គាត់ និង​ប្រទេសជាតិ​របស់​គាត់ ផងដែរ ។

​ទន្ទឹមនេះ​, រាជរដ្ឋាភិបាល​កម្ពុជា បាន​ទទួល​ស្គាល់​យ៉ាង​មុតមាំ​ថា ស្ត្រី​មិន​ត្រឹមតែ​ជា​អ្នក​ទទួល​ផល​ពី​សុខ​សន្តិភាព​ប៉ុណ្ណោះ​ទេ ប៉ុន្តែ​ជា​ភ្នាក់ងារ​ដ៏​ចាំបាច់ និង​បាន​ដើរតួនាទី​យ៉ាង​សំខាន់​ក្នុងការ​រួមចំណែក​កសាង និង​ថែរក្សា​សុខសន្តិភាព រាប់​ចាប់តាំងពី​គ្រួសារ​, សហគមន៍ និង​សង្គមជាតិ ព្រម​ទាំង​នៅលើ​ឆាក​អន្តរជាតិ ។​

​ជាទី​បញ្ចប់​, សម្ដេច​ធិបតី នាយករដ្ឋមន្ត្រី បាន​រំលេច​អំពី​តួនាទី​សំខាន់​ណាស់​របស់​កាយឫទ្ធិ​នារី ក្នុង​ការបណ្ដុះ​ភាពជា​អ្នកដឹកនាំ​អាច​ចាប់ផ្តើម​ពី​សកម្មភាព​តូចៗ មានដូចជា ការជួយ​មិត្តភក្តិ​, ការគោរពវិន័យ​, ការបម្រើ​សហគមន៍​, ការការពារ​បរិស្ថាន​, ការថែរក្សា​អ្នក​ងាយ​រងគ្រោះ និង​ការរួមចំណែក​ដើម្បី​សុខដុមរមនា​ក្នុង​សហគមន៍ ។ សកម្មភាព​តូចៗ​ទាំងនេះ ប្រសិនបើ​ធ្វើ​ដោយ​ចិត្ត​ស្មោះត្រង់ និង​ធ្វើ​បន្តបន្ទាប់ អាច​ក្លាយជា​កម្លាំង​ដ៏​ធំ​មួយ​សម្រាប់​សង្គម​ទាំងមូល​។ ពី​ក្មេងស្រី​ដែល​ចូលរួម​បម្រើ​សង្គម រហូត​ដល់​ស្ត្រី​ដែល​ឈានមុខ​ក្នុង​ភាព​ជា​អ្នកដឹកនាំ​, ការលើកកម្ពស់​ស្ត្រី ជា​ការលើកកម្ពស់​ជាតិ និង​ជា​ការពង្រឹង​អនាគត​រួម​របស់​ពិភពលោក ៕

​

Filed in: ព័ត៌មានជាតិ

Leave a Reply

Submit Comment
«រស្មីស្ទឺងត្រង់ | Rasmei Stoeng Trang» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 097 72 88 071 / 076 44 44 373 ឬ តាម Whatsapp | Telegram : 097 72 88 071 / 076 44 44 373 ! សូមអរគុណ !

©២០១៨ រក្សាសិទ្ធិដោយសារព័ត៌មាន «រស្មីស្ទឺងត្រង់ | Rasmei Stoeng Trang» | ទូរស័ព្ទ៖ 097 72 88 071 / 076 44 44 373 |

អាសយដ្ឋាន ៖ ផ្ទះលេខ ៦៤០ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល