នៅថ្ងៃទី១៧ ខែមិថុនា ឆ្នាំ២០២៦ ខណ្ឌព្រែកព្នៅបានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខណ្ឌព្រែកព្នៅ អាណត្តិទី៤ ឆ្នាំ២០២៦ ក្រោមអធិបតីភាព
លោក ធឹម សំអាន អភិបាល នៃគណអភិបាលខណ្ឌព្រែកព្នៅ និង លោក ម៉ៅ បូរ៉ា ប្រធានក្រុមប្រឹក្សាខណ្ឌព្រែកព្នៅ លោក សន ស៊ិន ចៅសង្កាត់គោករកា រួមជាមួយមេភូមិ ប្រធានសហគមន៍ និងតំណាងប្រជាពលរដ្ឋក្នុងសង្កាត់គោករកា ។
វេទិកានេះត្រូវបានរៀបចំឡើងក្នុងគោលបំណងផ្សព្វផ្សាយអំពីសមិទ្ធផលការងារ ការអនុវត្តផែនការអភិវឌ្ឍន៍ និងការផ្តល់សេវាសាធារណៈរបស់រដ្ឋបាលខណ្ឌ ព្រមទាំងបង្កើតឱកាសឱ្យប្រជាពលរដ្ឋបានលើកឡើងនូវសំណូមពរ បញ្ហាប្រឈម និងមតិយោបល់នានា ដើម្បីឱ្យអាជ្ញាធរពាក់ព័ន្ធពិនិត្យ និងដោះស្រាយស្របតាមតម្រូវការជាក់ស្តែងរបស់ប្រជាពលរដ្ឋ។
ការចូលរួមរបស់ថ្នាក់ដឹកនាំសង្កាត់ មេភូមិ ប្រធានសហគមន៍ និងតំណាងប្រជាពលរដ្ឋ បានបង្ហាញពីកិច្ចសហការល្អរវាងអាជ្ញាធរមូលដ្ឋាន និងប្រជាពលរដ្ឋ ក្នុងការរួមចំណែកអភិវឌ្ឍមូលដ្ឋាន និងលើកកម្ពស់គុណភាពជីវភាពរស់នៅរបស់ប្រជាពលរដ្ឋឱ្យកាន់តែប្រសើរឡើង ៕
