ភ្នំពេញ៖ នៅថ្ងៃទី២២ ខែកញ្ញា ឆ្នាំ២០២៦ លោក អុិន យឿន រួមជាមួយលោក ស៊ឹម សំអាន តំណាងឱ្យលោកបណ្ឌិត ឃីម រដ្ឋា ប្រធានអង្គភាពព័ត៌មាន រដ្ឋារស្មីស្ទឹងត្រង់ បានអញ្ជើញទៅសួរសុខទុក្ខ និងលើកទឹកចិត្តដល់ម្តាយរបស់លោក ហេង សុផាត ដែលកំពុងសម្រាកព្យាបាលនៅ មន្ទីរពេទ្យមិត្តភាពខ្មែរ-សូវៀត។
ក្នុងឱកាសនោះ ក្រុមការងារបាននាំយកថវិកាចំនួន ៥៤០,០០០ រៀល ប្រគល់ជូនអ្នកជំងឺ ដើម្បីជួយសម្រួលដល់ការចំណាយក្នុងអំឡុងពេលសម្រាកព្យាបាល។
ថវិកាដែលបាននាំយកទៅជូននាពេលនេះ គឺបានមកពីការចូលរួមចំណែករបស់ ក្រុមការងារអង្គភាពព័ត៌មាន រដ្ឋារស្មីស្ទឹងត្រង់ ដោយមានស្មារតីសាមគ្គីភាព និងយកចិត្តទុកដាក់ចំពោះសុខទុក្ខរបស់ក្រុមគ្រួសារ និងសហការី។
សកម្មភាពនេះបានបង្ហាញពីទឹកចិត្តមនុស្សធម៌ ការចែករំលែក និងការជួយគ្នាក្នុងគ្រាលំបាក ដើម្បីផ្តល់កម្លាំងចិត្តដល់អ្នកជំងឺ និងក្រុមគ្រួសារ ឱ្យឆាប់បានធូរស្បើយ និងមានសុខភាពល្អឡើងវិញ។
