ស្រុកកៀនស្វាយ: ដោយមានការយកចិត្តទុកដាក់ពីលោករសេនីយ៍ឯក ព្រុំ សំណាង អធិការនគរបាលស្រុកកៀនស្វាយ បញ្ជារអោយកម្លាំងនគរបាលអធិការដ្ឋាន កម្លាំងប៉ុស្ដិ៍ និងកម្លាំងប្រជាការពារ ចេញល្បាតក្នុងភូមិសាស្ត្រ ។
ករណីជួញដូរដោយខុសច្បាប់នូវសារធាតុញៀន ថ្ងៃទី២២ ខែ កុម្ភះ ឆ្នាំ២០២២វេលាម៉ោង ១០:៣០នាទីស្ថិតនៅចំណុចផ្ទះជនសង្ស័យស្ថិតនៅភូមិ ឈើទាល២ ឃុំឈើទាល ស្រុកកៀនស្វាយ ខេត្តកណ្តាល។
ជនសង្ស័យឈ្មោះ អ៊ុង លីណា ហៅ ខ្លិញ ភេទប្រុស អាយុ ២៨ឆ្នាំ ជនជាតិខ្មែរ មុខរបរ មិនពិតប្រាកដ រស់នៅភូមិឈើទាល២ ឃុំឈើទាល ស្រុកកៀនស្វាយ ខេត្តកណ្ដាល។
.កម្លាំងប៉ុស្តិ៍នគរបាលរដ្ឋបាលឈើទាលបានសហការណ៍ ជាមួយ កម្លាំងផ្នែកនគរបាលប្រឆាំងបទល្មើសគ្រឿងញៀនស្រុកកៀនស្វាយ បានចុះល្បាត តាមភូមិសាស្ត្រឃុំឈើទាល ពេលមកដល់ក្បែរចំណុចកើតហេតុ ក៏មានប្រជាពលរដ្ឋល្អបានផ្តល់ពត៍មានថា មានការជួញដូរគ្រឿងញៀននៅចំណុចផ្ទះ អ៊ុង លីណា(ខ្លិញ) ភេទប្រុស ស្ថិតនៅភូមិឈើទាល២ ឃុំឈើទាល ស្រុកកៀនស្វាយ ខេត្តកណ្ដាល ក្រោយទទួលបានពត៍មានភ្លាមកម្លាំងសមត្ថកិច្ចបានចុះដល់ទីតាំងផ្ទះ អ៊ុង លីណា រួចបាន ធ្វើការឃាត់ខ្លួន ឈ្មោះអ៊ុង លីណា នឹងបានរកឃើញថ្នាំញៀន(ម៉ាទឹកកក)ចំនួន៧កញ្ចប់ (មធ្យម ០១កញ្ចប់ តូច០៦កញ្ចប់)ដែលជនសង្ស័យបោះនៅក្បែរខ្លួន។
ក្រោយមកកម្លាំងសមត្ថកិច្ចបាន ធ្វើការឃាត់ខ្លួនជនសង្ស័យ រួមជាមួយវត្ថុតាងខាងលើ មកសាកសួរបន្តនៅប៉ុស្តិ៍ឈើទាល។
នៅចំពោះមុខសមត្ថកិច្ចជនសង្ស័យបានសារភាពថា:ថ្នាំញៀនខាងលើពិតជារបស់ខ្លួនពិតប្រាកដមែន ដោយខ្លួនបានទិញពីឈ្មោះ ធុយ(មិនស្គាល់ត្រកូល) ភេទប្រុស នៅសង្កាត់ព្រែកថ្មី ខណ្ឌ័ច្បារអំពៅ យកមកលក់បន្ត ដោយខ្លួនធ្លាប់ធ្វើសកម្មភាពលក់ថ្នាំញៀនជាង មួយឆ្នាំមកហើយ។
ក្រោយពីសាកសួររួច កម្លាំងសមត្ថកិច្ចបានបញ្ជូនជន
សង្ស័យរួមទាំងវត្ថុតាង ទៅកាន់អធិការដ្ឋាននគរបាលស្រុកកៀនស្វាយ ដើម្បីបន្តនីតិវិធី។
