ភ្នំពេញ៖ លោក គៀង ល័ក្សណ៍ អភិបាលនៃគណៈអភិបាលខណ្ឌចំការមន ក្រោយពីទទួលបានព័ត៌មានថា មានទីតាំងបនល្បែងស៊ីសងមាន់ជល់ អាប៉ោង និងយូគី ដ៏ធំលំដាប់ខ្នាតយក្ស បានបង្កប់នៅក្នុងអាគា (ការជួលដ៏ធំ) នៅជាន់ទី៣ ស្ថិតនៅ តាមបណ្ដោយផ្លូវរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ចាប់បើកដំណើរលែងនៅថ្ងៃ ១៨ ខែវិច្ឆិកា ឆ្នាំ២០២២ នៅព្រឹកថ្ងៃទី១៩ ខែវិច្ឆិកា ឆ្នាំ២០២២នេះ លោកបានដឹកនាំកម្លាំងបញ្ជាការឯកភាពខណ្ឌចុះទៅដល់ទីតាំងភ្លាម។
លោកអភិបាល បានអញ្ជើញអ្នកសារព័ត៌មានមួយចំនួនចូលរួមផងដែរ ក្នុងនោះមានអង្គភាពសារព័ត៌មាន(ស៊ីអិនធី ហតញូយ៍) (អំណាចទាំង៤) (រស្មីស្ទឹងត្រង់) (CSP TV) (SSb TV). ដើម្បីបញ្ជាក់តាមការសំណូមពររបស់មហាជនក៏ដូចជាស្ថាប័នអ្នកសារព័ត៌មានមួយចំនួនបានចុះផ្សាយថា មានការបើកល្បែងស៊ីសងមាន់ជល់ អាប៉ោង និងយូគី នៅក្នុងសកម្មភាពនិងមានការអង្កេតដោយយកចិត្តទុកដាក់បំផុតពីជាន់ក្រោមរហូតដល់ជាន់ទី៤ ខាងលើគឺបានត្រួតពិនិត្យឃើញថា អាគារដែលសាងសង់គឺមិនមានមនុស្សណាម្នាក់ឬសម្ភារដែលជាឧបករណ៍សម្រាប់លេខល្បែងណាមួយឡើយ ក្នុងនោះមានអង្គភាពសារព័ត៌មានបានចូលរូមជាមួយឃើញនិងភ្នែកផ្ទាល់ផងដែរ ជាលទ្ធផលកម្លាំងសមត្ថកិច្ចជំនាញ បានចុះទៅដល់ទីតាំងខាងលើឃើញថា មិនមានល្បែងស៊ីសងមាន់ជល់ អាប៉ោង និងយូគី ដូចបណ្ដាញសារព័ត៌មានចុះផ្សាយនោះទេ។
លោកអភិបាលបានមានប្រសាសន៍ទៀតថា លោកសូមអរគុណដល់បងប្អូនអ្នកសារព័ត៌មាន បានរាយការណ៍ជូនលោក លោកនឹងបន្តចុះបង្ក្រាបរាល់ល្បែងស៊ីសងខុសច្បាប់ ដែលកើតមាននៅក្នុងខណ្ឌរបស់លោកគ្រប់គ្រងឱ្យស្របតាមគោលនយោបាយភូមិឃុំមានសុវត្ថិភាពរបស់រាជរដ្ឋាភិបាល ដោយមិនមានការលើកលែងនោះទេ។
មហាជនសាទរទៅនឹងចំណាត់ការរបស់លោក គៀង ល័ក្សណ៍ អភិបាលនៃគណៈអភិបាលខណ្ឌចំការមន ដែលបានដឹកនាំកម្លាំងបញ្ជាការឯកភាពខណ្ឌចុះមកចំណុចទីតាំងដែលបណ្ដាញសារព័ត៌មានចុះផ្សាយថា មានល្បែងស៊ីសងមាន់ជល់ អាប៉ោង យូគីនេះ ទោះមិនបានផ្លែផ្កាអ្វីក៏ជាសារមួយបញ្ញាក់អារម្មណ៍ទៅដល់ក្រុមអ្នកញៀនល្បែងដែលមានបំណងចង់បើកល្បែងស៊ីសងក្នុងខណ្ឌដែលលោកគ្រប់គ្រង ចំណុចត្រង់នេះ សបញ្ជាក់ឱ្យឃើញថា លោកអភិបាល គិតគូរពីភូមិឃុំមានសុវត្ថិភាពរបស់រាជរដ្ឋាភិបាលដែលដាក់ចេញដោយក្រសួងមហាផ្ទៃ៕
