ទីតាំងល្បែងស៊ីសងខុសច្បាប់ ប្រភេទហ្គេមបាញ់ត្រីបើកលេងទៀតហើយ បន្ទាប់ពីមានការស្រាវជ្រាវ និងចុះបង្ក្រាបជាច្រើនដងកន្លងមករកឃើញតែសំបកបន្ទប់ហាក់បីដូចជាមានការដឹងនិងរៀបចំទុកជាមុនក្នុងការប្រមូលសំភារះចេញ។ក៏ប៉ុន្តែតាមការរាយការណ៍របស់រដ្ឋមួយចំនួនបានអោយដឹងថាទីតាំងក្នុងផ្សារផ្លាហ្សានៅជាន់ទី៤ ក្នុងសង្កាត់បឹងត្របែក ខណ្ឌចំការមន គឺនៅតែបន្តលេងជាធម្មតាដោយគ្មានការរំខានដល់មន្ត្រីអាជ្ញាធរនិងសមត្ថកិច្ចពាក់ព័ន្ធតាមមូលដ្ឋាន ក្នុងសង្កាត់បឹងត្របែក ខណ្ឌចំការមន រាជធានីភ្នំពេញឡើយ។
ចំពោះការបើកលេងយ៉ាងអនាធិបតេយ្យបានបង្កអោយមានហារនិភ័យក្នុងក្រុមគ្រួសារ និងសង្គមជាតិ ជាពិសេសម្ចាស់ទីតាំងដែលមានមុខរបររកស៊ីផ្នែកល្បែងគួរតែគិតដល់ពលរដ្ឋទូទៅផង ហើយមិនបានចូលរួមទប់ស្កាត់វិធានការកូវីត១៩ មិនបានចូលរួមអនុវត្តនូវគោលការណ៍ទាំង៧ចំនុចរបស់រាជរដ្ឋាភិបាល និងពិសេសបំផុតមិនស្តាប់បទបញ្ជាប្រមុខថ្នាក់ដឹកនាំរាជរដ្ឋាភិបាលបន្តិចសោះឡើយ ឬក៏អាងនរណាខ្លះជាអ្នកកាង នេះជាសំនួរពលរដ្ឋទូទៅចោទសួរ?
ពលរដ្ឋបន្ថែមថា អាជ្ញាធរនិងសមត្ថកិច្ច នៅក្នុងមូលដ្ឋាន ដូចជារក្សាភាពស្ងៀមស្ងាត់ ឬចាត់វិធានការបានទេ? តែសុំកុំផ្គើនទៅនឹងបទបញ្ជារបស់សម្តេច ហ៊ុន សែន នាយករដ្ឋមន្ត្រីនៃកម្ពុជា ស្តីពីការទប់ស្កាត់និងបង្ក្រាបបទល្មើសល្បែងស៊ីសងគ្រប់ប្រភេទ ទូទាំងប្រទេសអោយអស់។
ហើយបើការលេងនៅតែបន្តពលរដ្ឋស្នើសុំលោក យិន សាន្ត អធិការខណ្ឌចំការមន និងលោកគៀន ល័ក្ស អភិបាលខណ្ឌចំការមន សូមជួយ ចាត់វិធានការបង្ក្រាបទីតាំងល្បែងស៊ីសងហ្គេមបាញ់ត្រីខាងលើនេះផងចុះព្រោះពលរដ្ឋរំពឹងលើសមត្ថកិចមូលដ្ឋានដូចជាម៉ែឪ។ពលរដ្ឋជឿជាក់នឹងរាជរដ្ឋាភិបាលកម្ពុជាអោយមានសុខសន្តិភាពតែបើនៅតែគ្មានប្រសិទ្ធិភាពក្នុងការអនុវត្តទេនោះច្បាស់ណាស់រាជរដ្ឋាភិបាលប្រហែលនឹងដកឬផ្ទេរតួនាទីចេញហើយមើលទៅគឺជៀសវាងគំរូមិនល្អដល់មន្ត្រីសាធារណះទូទៅ។
តបទៅនឹងចម្ងល់ក៏ដូចជាការលើកឡើងខាងលើ សមត្ថកិច្ចក្នុងខណ្ឌចំការមនដែលដឹកនាំដោយលោកអភិបាល និងលោកអធិការខាងលើមេត្តាអនុវត្ត និងបកស្រាយសម្រាប់ស្ថាប័នសារព័ត៌មានយើងធ្វើការចុះផ្សាយអំពីលទ្ធផលរបស់ថ្នាក់ដឹកនាំមូលដ្ឋានសម្រាប់ជាសារដល់ពលរដ្ឋ និងរាជរដ្ឋាភិបាលតាមរបបអ្នកសារព័ត៌មាន ៕
