បាត់ដំបង៖ ថ្ងៃអាទិត្យ ៥រោច ខែទុតិយាសាឍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី០៦ ខែសីហា ឆ្នាំ២០២៣ សមាគមរាជសីហ៍សាខាខេត្តបាត់ដំបង ដឹកនាំដោយលោក ខាន អះម៉ាត់ អនុប្រធានអចិន្ត្រៃយ៍សមាគមរាជសីហ៍សាខាខេត្តបាត់ដំបង លោកម៉ូត សុគីរីន អនុប្រធានសមាគមរាជសីហ៍សាខាខេត្តបាត់ដំបង និងសហការី តំណាងលោក ជា សាវុធ ប្រធានសមាគមរាជសីហ៍សាខាខេត្តបាត់ដំបង បានចុះសួរសុខទុក្ខ និងនាំយកអំណោយមនុស្សធម៌ពីសប្បុរសជនប្រទេសម៉ាឡេសុី ជូនលោកយាយជរា ០២នាក់បងប្អូន ដែលកំព្រាគ្មានទីពឹងពាក់ និងមានជីវភាពខ្វះខាត ស្ថិតនៅភូមិសម្តេច ឃុំតាប៉ុន ស្រុកសង្កែ ខេត្តបាត់ដំបង។
អំណោយរួមមាន៖
– អង្ករទម្ងន់ ២៥គីឡូ
– មីចំនួន ០១កេស
– ត្រីខចំនួន ០១យួរ
– ទឹកស៊ីអ៊ីវចំនួន ០១យួរ
– ទឹកត្រីចំនួន ០១យួរ
– ស្ករស ០១គីឡូ
– ប៊ីចេងចំនួន ០១ថង់
– ទឹកក្រូចចំនួន ០១កេស និង
– ទឹកដោះគោឆៅចំនួន ០១យួរ ៕
