កំពង់ធំៈ ប៉ូលិសស្នងការនគរបាលខេត្តកំពង់ធំ២នាក់បងប្អូន ក្រៅពីមុខរបរជា សមត្ថកិច្ចប៉ូលិស គឺមានមុខរបររកស៊ីដឹកឈើខុសច្បាប់ចេញពីខេត្តព្រះវិហារ ឆ្ពោះទៅចូលដេប៉ូភ្នំពេញ ក្នុងនោះលោកប៉ូលិសទាំង២ បានយកសិទ្ធិអំណាច មកគំរាមប្រជាពលរដ្ឋ គំរាមមេភូមិ ដែលជាសាក្សី ក្នុងសំណុំរឿងម្តាយឈ្មោះ ស៊ី ម៉ាលី បានក្លែងឯកសាររំលោភយកដីរដ្ឋ៤៥០ហិចតា ហើយចោទថាប្រជាពលរដ្ឋជាអ្នកលក់ឲ្យ។
ប៉ូលិស២នាក់បងប្អូន ត្រូវបានគេស្គាល់ឈ្មោះ ហេង សារុំ និងហេងស៊ីនី ត្រូវបានឃាត់ខ្លួនពីបទគំរាមសាក្សី ក្រោយពីបានមកបំភ្លឺនៅតុលាការ ខេត្តកំពង់ធំ នៅព្រឹកថ្ងៃទី២២ ខែមករា ឆ្នាំ ២០២០ក្នុងសំណុំរឿងម្តាយ ឈ្មោះ ស៊ី ម៉ាលី បានក្លែងឯកសាររំលោភយកដីរដ្ឋ៤៥០ហិចតា ដោយមិនឲ្យប្រជាពលរដ្ឋណាម្នាក់ចេញ មុខធ្វើសាក្សីជាដាច់ខាត ទើបធ្វើឲ្យមានការខ្លបខ្លាចអំណាចរបស់លោកប៉ូលិស២នាក់បងប្អូននេះ។
លោក ឧត្តមសេនីយ៍ទោ អ៊ុក កុសល់ ស្នងការនគរបាលខេត្តកំពង់ធំ បានមានប្រសាស៍ តាមទូរស័ព្ទថា ចំពោះប៉ូលិស២នាក់ដែលបានធ្វើខុស គឺមិនពាក់ព័ន្ឋនិងអង្គភាពនោះទេ គឺទុកឲ្យច្បាប់ជាអ្នកចាត់ការចុះ លោកឧត្តមសេនីយ៍ បានបញ្ជាក់ថា លោកមិនកាន់ជើងចំពោះបុគ្គលណាដែលប្រព្រឹត្តខុសនោះឡើយ គឺត្រូវអនុវត្តតាមច្បាប់។
សូមបញ្ជាក់ផងដែរថា ក្នុងករណីសំណុំរឿង លោកស្រី ស៊ីម ម៉ាលី ដែលបានយកដីរដ្ឋ ឈូសឆាយ ហើយជួលដី និងទឹកឲ្យប្រជាពលរដ្ឋ ក្នុងមួយហិតា ២០០ដុល្លា និងបានព្រមព្រៀងគ្នាផ្តល់ទឹកឲ្យបានគ្រប់គ្រាន់ ខណៈពេលដែលប្រជាពលរដ្ឋ បានជួលដីនិងទឹក លោកស្រី ស៊ីម ម៉ាលី បានបង្គាប់ឲ្យប្រជាពលរដ្ឋ កូពី អត្តសញ្ញាណប័ណ្ណគូល័រ មកឲ្យអ្នកស្រី ក្រោយមកក៏បែកធ្លាយរឿងអ្នកស្រីយក អត្តសញ្ញាណប័ណ្ណទាំងនោះ មកក្លែងឯកសារ ដោយចោទថា ដីទាំង៤៥០ហិចតា គឺបានទិញពីប្រជាពលរដ្ឋទៅវិញ មិនតែប៉ុណ្ណោះ អ្នកក៏មិនបានផ្តល់ទឹកជូនប្រជាពលរដ្ឋ ទាំង១៥គ្រួសារនោះឡើយ ថែមទាំងប្រមូលលុយថ្លៃជួលបាន៥០ភាគរយ ស្មើរនិង៥០០០០ដុល្លា។
តំណាងប្រជាពលរដ្ឋ៤នាក់ ឲ្យប្រជាពលរដ្ឋ១៥គ្រួសារ បានកើតការក្តៅក្រហាយ កើតទុក្ខមិនសុខចិត្ត មកដាក់ពាក្យបណ្តឹង មកតុលាការ ខេត្តកំពង់ធំដើម្បីទាមទារសំណង ៤០ ម៉ឺនដុល្លា ពីអ្នកស្រី ស៊ីម ម៉ាលី តែត្រូវបានគេចខ្លួនបាត់មិនចូលមកដោះស្រាយតាមនិតិវិធីច្បាប់ ខណៈនេះសមត្ថកិច្ចកំពុងតែព្យាយាមទំនាក់ទំនង ឲ្យអ្នកចូលមកបំភ្លឺនៅតុលាការ ។
ដោយឡែក លោក ប៉ូលិស២នាក់បងប្អូន ហេតុការចង់ជួយបិទបាំងការពិតរបស់ សំណុំរឿងរបស់អ្នកស្រី ស៊ីម ម៉ាលី ជាម្តាយ បានប្រើប្រាស់វិធានការគំរាមសាក្សី មិនឲ្យធ្វើសាក្សី តែច្បាប់គឺច្បាប់ ត្រូវបានអ្នកអនុវត្ត ច្បាប់ធ្វើការឃាត់ខ្លួនបណ្តោះអាសន្ន ដើម្បីសួរនាំដំណើរដើមទង និងចងក្រងតាមនិតិវិធីច្បាប់ សព្វថ្ងៃនេះម្នាក់ស្នងការ រងខេត្តកំពង់ធំ ហើយម្នាក់ទៀតស្នងការរងខេត្តកំពង់ស្ពឺ ព័ត៌មានដែលទើបនិងទទួលបានមកនេះគ្រាន់សូមអោយថ្នាក់ដឹកនាំមានការស្រាវជ្រាវ ដើម្បីកាត់សាច់ស្អុយចេញតែប៉ុណ្ណោះ៕ពត៏មានបឋម
