(ខេត្តកែប)៖ កាលពីថ្ងៃទី០៧ ខែកញ្ញា ឆ្នាំ ២០២០ មន្ទីរកសិកម្ម រុក្ខាប្រមាញ់ និង នេសាទ ខេត្តកែប បានរៀបចំកិច្ចប្រជុំ សំណេះសំណាល លេីការងារដឹកនាំមន្ត្រីរាជការ ក៏ដូចជាការអនុវត្តន៍លេីជំនាញរបស់មន្ទីរ ដោយពិធីនេះប្រព្រឹត្តទៅ ក្រោមអធិបតីភាព លោក នុត ច័ន្ទសុខា រដ្ឋលេខាធិការប្រចាំការ តំណាង ដ៏ខ្ពង់ខ្ពស់ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ រួមនិងលោក លោកស្រី ជាប្រតិភូ ក្រសួង និងមន្ត្រីនៃមន្ទីរកសិកម្ម រុក្ខប្រមាញ់ និងនេសាទខេត្តកែបផងដែរ។
កិច្ចប្រជុំនេះធ្វើឡើង ដើម្បីពិនិត្យ វាយតម្លៃ ទៅលើ ការគ្រប់គ្រងការដឹកនាំ ក្នុងការប្រតិបត្តិការងារ នៅលេីវិស័យជំនាញរបស់ខ្លួន និងស្តាប់ មតិយោបល់ បញ្ហា ប្រឈម សំណួរ និង សំណូមពរ របស់ ថ្នាក់ដឹកនាំ មន្ទីរ និងមន្ត្រីរាជការផងដែរ។
លោក ថឹង បូរិន ប្រធាន មន្ទីរកសិកម្ម រុក្ខប្រមាញ់ និងនេសាទ បានលើកឡើងពីបញ្ហាប្រឈមមួយចំនួន ដូចជា ៖- ការ កាប់រានទន្ទ្រាន ដីព្រៃ ឈើ ដីព្រៃលិចទឹក និងបង្កដោយភ្លើងឆេះព្រៃដើម្បី វាតយកដីធ្វើជាកម្មសិទ្ឋិ បទល្មើសព្រៃឈើ បំបែកជារូបភាពផ្សេងៗដេីម្បីបំភាន់ភ្នែកសមត្ថកិច្ច និង បទល្មើសនេសាទលួចប្រើនូវ ឧបករណ៍ ហាមឃាត់ និងមានការទន្ទ្រានដី សម្បទាន ពីសំណាក់ ជនខិលខូច និងបញ្ហាការបង្កបង្កេីនផលរបស់ប្រជាពលរដ្ឋ។
ក្នងឱកាសនោះ លោក នុត ច័ន្ទសុខា រដ្ឋលេខាធិការ ប្រចាំការ បានកោតសរសើរនូវ ការខិតខំប្រឹងប្រែង របស់ថ្នាក់ដឹកនាំ មន្ត្រីរាជការ នៃ មន្ទីរ កសិកម្មខេត្តកែប ដែលបានអនុវត្តការងារ ទៅតាមតួនាទី ភារកិច្ច ទទួលបានលទ្ឋផលល្អប្រសើរ។ ជាមួយនេះ លោកក៏បានជំរុញឲ្យបន្ត ពង្រឹង របៀបរបបការងារ រក្សាសាមគ្គីភាព ឯកភាពផ្ទៃក្នុងឱ្យបានស្អិតរមួត និងបន្តតាមដាន គ្រប់គ្រង ការងារ ទៅតាមជំនាញដល់មន្ត្រីក្រោមឱវាទ ឲ្យបានកាន់តែប្រសើរថែមទៀត ដើម្បីធានាបាននូវប្រសិទ្ធភាពការងារខ្ពស់ និងមានការទទួលខុសត្រូវតាមតួនាទី ភារកិច្ច។
លោក នុត ច័ន្ទសុខា បានស្នើសុំដល់ថ្នាក់ដឹកនាំ និងមន្ត្រីរាជការ នៃមន្ទីរកសិកម្ម រុក្ខាប្រមាញ និងនេសាទខេត្តកែប បំពេញនៅតួនាទី និង សហការ ជាមួយគណ :បញ្ជាការឯកភាពរដ្ឋបាលខេត្ត និង ក្រុមការងារ ថ្នាក់ជាតិដោះស្រាយនៅបញ្ហា ប្រឈមផ្សេងៗពិសេសនោះគឺបញ្ហាកាត់ឆ្វៀលដីដែល ប្រជាពលរដ្ឋ កំពុងអាស្រ័យផល តាម អនុសាសន៍ សម្តេច តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
ក្នុងឱកាសនោះ លោកបាន ស្នើដល់ថ្នាក់ដឹកនាំ និងមន្ត្រីទាំងអស់ឲ្យបន្តការអនុវត្ត នូវសារាចរ សេចក្តីណែនាំ លិខិតបទដ្ឋានផ្សេងៗរបស់ ក្រសួង ពាក់ព័ន្ឋទៅនឹងការងារអភិវឌ្ឍ វិស័យ កសិកម្ម និងបន្តពង្រឹង ទប់ស្កាត់បទល្មើស នេសាទ បទល្មើស ព្រៃឈើ និងចរាចរណែនាំ ស្តីពីការដឹកជញ្ជូនសត្វខុសច្បាប់ យកមកអនុវត្តឲ្យ បានម៉ឺងម៉ាត់បំផុត៕ សេង ណារិទ្ធ
