ភ្នំពេញ÷ប្រជាពលរដ្ឋងាយរងគ្រោះ ចំនួន ៤៦ គ្រួសារក្នុងសង្កាត់ទាំង១១ង្កាត់ក្នុងខណ្ឌដូនពេញ ទទួលអំណោយមនុស្សធម៌ពីសាខាកាកបាទក្រហមកម្ពុជា ខណ្ឌដូនពេញ នៅរសៀល ថ្ងៃ ចន្ទ័ ១២កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៥ ខែមករា ឆ្នាំ២០២១ ដើម្បីលើកកម្ពស់តម្លៃមនុស្សធម៌របស់មនុស្សជាតិ និងជួយកាត់បន្ថយហានិភ័យនៃគ្រោះមហន្តរាយ លោក សុខ ពេញវុធ អភិបាលខណ្ឌដូនពេញនិងជា ប្រធានអនុគណៈកម្មាធិការសាខាកាកបាទក្រហមកម្ពុជា ខណ្ឌ ដូនពេញ បន្ទាប់ពីទទួលបានការរាយការណ៍ ក្រុមការងារកាកបាទក្រហមកម្ពុជាសង្កាត់ ភ្លាម លោក សុខ ពេញវុធ អភិបាលខណ្ឌ ដូនពេញ និងជាប្រធាន – អនុសាខា កាកបាទក្រហមកម្ពុជា ខណ្ឌដូនពេញ ព្រមទាំងសហការីចុះទៅសួរសុខទុក្ខ និងនាំយកអំណោយមនុស្សធម៌របស់សាខាទៅផ្តល់ជូនដល់គ្រួសារប្រជាពលរដ្ឋមានជីវភាពខ្វះខាតដែលជាជនងាយរងគ្រោះ ចំនួន ៤៦ គ្រួសារ សរុបទាំងស្ត្រី ទើបតែនិងសម្រាលកូនរួច។
នៅក្នុងឱកាសនោះដែរ ក្រុមការងារបានពាំនាំនូវការនឹករលឹក និងផ្តាំសួរសុខទុក្ខពីសំណាក់ សម្តេចកិតិ្កបណ្ឌិត ប៊ុន រ៉ានី ហ៊ុន សែន ប្រធានសាខាកាកបាទក្រហមកម្ពុជា និង ឯកឧត្តម ឃួង ស្រេង អភិបាល .រាជធានីភ្នំពេញ និងជា ប្រធានគណ:កម្មការ កាកបាទក្រហមកម្ពុជា រាជធានីភ្នំពេញ រួមនិង ប្រធានកិត្តិយសសាខា លោក សុខ ពេញវុធ ដែលតែងតែគិតគូរពីសុខទុក្ខរបស់បងប្អូនប្រជាពលរដ្ឋគ្រប់ជាន់ថ្នាក់ គ្រប់មជ្ឈដ្ឋាន មិនប្រកាន់វណ្ណ: យសសក្តិ ពណ៍សម្បុរអ្វីឡើយ ថែមទាំងបានផ្តាំផ្ញើសូមឱ្យបងប្អូនថែររក្សាសុខភាពទាំង៣ប្រការដោយហូបស្អាត រស់នៅស្អាត បរិស្ថានស្អាត ឬត្រូវមានអនាម័យ និងលាងសម្អាតដៃជាមួយសាប៊ូឱ្យបានជាប់ជាប្រចាំចូលរួមការពារទប់ស្កាត់មេរោគកូវីដ១៩ ជាជំងឺឆ្លងដ៏កាចសាហាវបំផុតលេីពិភពលោក ។
ឆ្លៀតឱកាសនេះផងដែល លោក សុខ ពេញវុធ សូមបញ្ជាក់ផ្តាំផ្ញើដល់បងប្អូនប្រជាពលរដ្ឋត្រូវចេះគ្រប់គ្រងខ្លួនឯង គ្រប់គ្រងគ្រួសារ កូន ចៅ អោយខិត្តខំសិក្សាររៀនសូត្រ ខិតខំបង្កបង្កើតមុខរបរដោយខ្លួនឯង ជាសអោយផុត ពីគ្រឿងញៀន ល្បែង.និងអ្វីៗផ្សេងៗ ដែរខុសច្បាប់និងអ្វីដែលនាំអោយអន្តរាយន៍ដល់ខ្លួន នឹងជាពិសេសរួមគ្នាគោរពច្បាប់ចរាចរណ៍ឱ្យបានគ្រប់ៗគ្នាទៅតាមសេចក្ដីណែនាំរបស់រាជរដ្ឋាភិបាល។
សម្ភារៈដែលបានផ្តល់ជូនដល់គ្រួសារនីមួយៗរួមមាន ៖ អង្ករ២៥គីឡូក្រាម ចានដែក តូច ធំ ថ្នាំដុះធ្មេញ និងថវិកាមួយចំនួនផងដែរ៕
