ខេត្តកំពង់ស្ពឺ÷ ជនសង្ស័យ១៣នាក់ ត្រូវបាន កម្លាំងនគរបាលស្រុកសំរោងទង.សហការស្រាវជ្រាវបង្ក្រាបនឹងឃាត់ខ្លួនបានជាបន្តបន្ទាប់ ក្រោយពីរទទួលបានពាក្យបណ្ដឹងពីជនរងគ្រោះ.នេះបើយោងតាមលោកវីរៈសេនីយ៍ឯក ឃុត សុផល អធិការនគរបាលស្រុកសំរោងទងបានឲ្យអ្នកសារព័ត៌មានយើងដឹងនៅព្រឹកថ្ងៃទី២៥ ខែធ្នូ ឆ្នាំ២០២៥នេះ ។
លោកវីរៈសេនីយ៍ឯក ឃុត សុផល បានឲ្យដឹងទៀតថានៅថ្ងៃទី២១ ខែធ្នូ ឆ្នាំ២០២៥ វេលាម៉ោង ១៥,២០ នាទី មានឈ្មោះ ហៀង ចាន់ណា ភេទប្រុស អាយុ ១៩ ឆ្នាំ នៅភូមិត្រពាំងពោធិ៍ ឃុំពាំងល្វា ស្រុកសាមគ្គីមុន្នីជ័យ (ស្ពឺ) បានមកដាក់ពាក្យបណ្តឹងទៅលើជនសង្ស័យ មិនស្គាល់អត្តសញ្ញាណ មានគ្នាប្រមាណ១៦នាក់÷ ដោយជនរងគ្រោះបានរៀបរាប់ថានៅវេលាម៉ោង១,២០នាទី រំលងអធ្រាត នាថ្ងៃខែខាងលើ ខ្លួនបានជិះម៉ូតូ១គ្រឿង ម៉ាកហុងដា សេ១២៥ ពណ៌ខ្មៅ សេរីឆ្នាំ២០២៤ គ្មានផ្លាកលេខ ឌុបឈ្មោះ វ៉ាន់ គីមហុង ភេទប្រុស អាយុ ១៨ឆ្នាំ និងឈ្មោះ អឿន សំអូន ភេទប្រុស អាយុ១៨ឆ្នាំ នៅភូមិជាមួយគ្នា ចេញពីបន្ទប់ជួលភូមិកំណប់ ឃុំរលាំងគ្រេីល ស/ទ (ស្ពឺ) ត្រឡប់ទៅផ្ទះតាមផ្លូវជាតិលេខ៤ ទិសដៅពីកើតទៅលិច មកដល់ចន្លោះគីឡូម៉ែត្រ លេខ៣៥-៣៦ ស្ថិតនៅភូមិកែវឧត្តម ឃុំត្រពាំងគង ស/ទ (ស្ពឺ) មានជនសង្ស័យ និងបក្ខពួកមានគ្នាប្រមាណ ១៦នាក់ ជិះម៉ូតូប្រហែល ១០គ្រឿង តាមមកពីក្រោយ មកដល់ចំណុចខាងលើ បានយកកាំបិតផ្គាក់ គំរាមមកលើខ្លួន ក៍បានផ្តួលម៉ូតូរត់ បន្ទាប់មកក្រុមជនសង្ស័យ បានកាប់ម៉ូតូរបស់ខ្លួនបណ្តាលអោយបែកចង្កៀងមុខក្រោយ បែកអាវម៉ូតូ បែកកុងទ័រ និងដាច់កាត់តាប៊ូក្រោយ ក្រោយធ្វេីសកម្មភាពរួចក្រុមជនសង្ស័យខាងលេីបានជិះម៉ូតូគេចទៅទិសខាងកេីត។
លោកវីរៈសេនីយ៍ឯក ឃុត សុផល អធិការនគរបាលស្រុកសំរោងទង បានឱ្យដឹងបន្តទៀតថា ដោយអនុវត្តតាមបទបញ្ជាដ៏ខ្ពង់ខ្ពស់របស់លោកឧ/ទោ ឃឹម សុកខៃ ស្នងការ នឹងចង្អុលដឹកនាំលោកឧ/ត្រី សម សាក់ ស្នងការរងទទួលផែន ដោយចុះដឹកនាំផ្ទាល់ពីលោកឧ/ត្រី រស់ រដ្ឋា ស្នងការរងទទួលដឹកនាំការិយាល័យព្រ/ទស្រាល .នៅថ្ងៃទី២៣ ខែធ្នូ ឆ្នាំ២០២៥ វេលា ម៉ោង១៤:៣០ នាទី កម្លាំងផ្នែកព្រហ្មទណ្ឌស្រុក សហការជាមួយកម្លាំងការិយាល័យព្រហ្មទណ្ឌកំរិតស្រាល និងប៉ុស្តិ៍ត្រពាំងគង បានស្រាវជ្រាវឃាត់មុខសញ្ញាសង្ស័យបាន
១-ឈ្មោះ ជុក រតនា ហៅមួយ ភេទប្រុស អាយុ១៧ឆ្នាំ នៅភូមិឈើទាលលើ ឃុំរលាំងគ្រើល ស្រុកសំរោងទង ខេត្តកំពង់ស្ពឺ។
២-ឈ្មោះ មាន វ៉ាលិ ភេទប្រុស អាយុ១៤ឆ្នាំ នៅភូមិទំនប់សាប ឃុំលំហាច ស្រុកអង្គស្នួល ខេត្តកណ្ដាល
៣-ឈ្មោះ ផន សូវិត ភេទប្រុស អាយុ១៧ឆ្នាំ នៅភូមិអណ្ដូងទឹក ឃុំលំហាច ស្រុកអង្គស្នួល ខេត្តកណ្ដាល
៤-ឈ្មោះ ពិសិដ្ឋ សម្បត្តិ ហៅតុ ភេទប្រុស អាយុ១៦ឆ្នាំនៅភូមិទំនប់សាប ឃុំលំហាច ស្រុកអង្គស្នួល ខេត្តកណ្ដាល
៥-ឈ្មោះ ទឹម ផាត់ណៃ ភេទប្រុស អាយុ១៨ឆ្នាំ នៅភូមិបាក់ចិញ្ជៀន ឃុំត្រពាំងគង ស្រុកសំរោងទង ខេត្តកំពង់ស្ពឺ ។
៦-ឈ្មោះ វុទ្ធី វឌ្ឍនា ហៅរុយ ភេទប្រុស អាយុ១៦ឆ្នាំ នៅភូមិសុខាភិរម្យ ឃុំលំហាច ស្រុកអង្គស្នួល ខេត្តកណ្ដាល
លោក ឃុត សុផល បានបន្ថែមទៀតថា នៅទី២៤ ខែធ្នូ ឆ្នាំ២០២៥ កម្លាំងនគរបាលបានបន្តឃាត់ខ្លួន
៧-ឈ្មោះ វី ណូ ភេទប្រុស អាយុ ១៥ឆ្នាំ នៅភូមិរំលេច ឃុំទួលព្រិច ស្រុកអង្គស្នួល ខេត្តកណ្ដាល
៨-ឈ្មោះ សឿង សារ៉ាត់ ភេទប្រុស អាយុ ១៦ឆ្នាំ នៅភូមិរំដួល ឃុំត្រពាំងគង ស្រុកសំរោងទង ខេត្តកំពង់ស្ពឺ ។
៩-ឈ្មោះ សាន សុឈឿន អាយុ ១៧ឆ្នាំ នៅភូមិក្រាំងចាត ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ( កាន់កាំបិតផ្គាក់ )
១០-ឈ្មោះ លី សុខហេង ភេទប្រុស អាយុ ១៦ឆ្នាំ នៅភូមិរំដួល ឃុំត្រពាំងគង ស្រុកសំរោងទង ខេត្តកំពង់ស្ពឺ ( កាន់ដាវ )
១១-ឈ្មោះ មុត ភ័ក្រត្រា ភេទប្រុស អាយុ ១៧ឆ្នាំ នៅភូមិរំដួល ឃុំត្រពាំងគង ស្រុកសំរោងទង ខេត្តកំពង់ស្ពឺ ។
១២-ឈ្មោះ វ៉ាន់ គីមហុង ភេទប្រុស អាយុ ១៩ឆ្នាំ នៅភូមិត្រពាំងពោធិ៍ ឃុំពាំងល្វា ស្រុកសាមគ្គីមុន្នីជ័យ ខេត្តកំពង់ស្ពឺ ។
១៣-ឈ្មោះ ហៀង ចាន់ណា ភេទប្រុស អាយុ ១៩ឆ្នាំ នៅភូមិត្រពាំងពោធិ៍ ឃុំពាំងល្វា ស្រុកសាមគ្គីមុន្នីជ័យ ខេត្តកំពង់ស្ពឺ ( កាន់កាំបិតផ្គាក់ )
ក្រោយពីកម្លាំងជំនាញបានធ្វើការសាកសួរ ជនសង្ស័យខាងលើ បានឆ្លើយសារភាពថាពួកខ្លួនពិតជាបានកាប់ម៉ូតូរបស់ជនរងគ្រោះពិតប្រាកដមែន ។
ដោយលើកទី១.នៅចំណុចតាមផ្លូវជាតិលេខ៤ មុខហាង នំបុ័ង ចំនួន១លើក និងលើកទី២.នៅតាមផ្លូវ១៣០ ភូមិស្ពានតោ ឃុំរលាំងគ្រើល ស្រុកសំរោងទង ខេត្តកំពង់ស្ពឺ ចំនួន១លើក ។
សរុបមុខសញ្ញាជនសង្ស័យចំនួន១៣នាក់ប្រុស.ចំនួន២ក្រុម.ក្នុងនោះកម្លាំងជំនាញបានដកហូតបានម៉ូតូ ៤គ្រឿង កាំបិតផ្គាក់ ២ដើម និង ដាវ ១ដើម
បច្ចុប្បន្នករណីនេះ ជំនាញបានកសាងសំណុំរឿងប្រគល់ជូនការិយាល័យព្រ/ទស្រាលបន្តនីតិវិធី៕
