ខេត្តក្រចេះ ៖ នាព្រឹកថ្ងៃចន្ទ ទី៥ ខែមករា ឆ្នាំ២០២៦ ឯកឧត្តម សុខ ចាន់ភក្តី រដ្ឋលេខាធិការក្រសួងព័ត៌មាន និងជាប្រធានសមាគមសម្ព័ន្ធយុវជនដើម្បីសន្តិភាព បានដឹកនាំ សហការីក្រុមការងារ និងលោក ហ៊ួត ប៉ុញ្ញា ប្រធានសមាគមសម្ព័ន្ធយុវជនដើម្បីសន្តិភាព សាខាខេត្តក្រចេះ បាននាំយកមូលនិធិរបស់សមាគមសម្ព័ន្ធយុវជនដើម្បីសន្តិភាព (សស.យស.) ដែលមានដូចជា : ទឹកសុទ្ធប្រូវីដា ចំនួន ២០កេស មីជាតិ ២០កេស ទឹកផ្លែឈើ ២០កេស អង្ករ ២០ បេតូច សារ៉ុង ២០ នំបុ័ង២កេស និងថវិការសរុប ៥០ ម៉ឺនរៀល ទៅប្រគល់ជូនរដ្ឋបាលខេត្តក្រចេះ ក្រោមអធិបតីភាពរបស់ ឯកឧត្តម វ៉ា ថន អភិបាលនៃគណអភិបាលខេត្តក្រចេះ នៅក្នុងបរិវេណសាលាខេត្តក្រចេះ ទីរួមខេត្តក្រចេះ ៕
