ខេត្តកំពង់ធំ ៖ នាថ្ងៃទី ១០ ខែមេសា ឆ្នាំ ២០២៦ អង្គភាព គេហទំព័រ រដ្ឋា រស្មីស្ទឹងត្រង់ លោក ស្លេះ ហ៊ីមលី និពន្ធនាយក អង្គភាពរដ្ឋារស្មីស្ទឹងត្រង់ តំណាងអោយ លោក បណ្ឌិត ឃីម រដ្ឋា បានដឹកនាំក្រុមការងារ បងប្អូនប្រជាពលរដ្ឋ នាំជំនួយ និងថវិកាមួយចំនួន ចូលរួមរំលែកទុក្ខដល់វីរៈកងទ័ព ដែលពលីជីវិតក្នុងបុព្វហេតុការពារទឹកដី នៅភូមិក្យូវ ឃុំគោល ស្រុកប្រាសាទសំបូរ ខេត្តកំពង់ធំ ។
តាមការណែនាំរបស់ លោកបណ្ឌិត ឃីម រដ្ឋា ចាងហ្វាង រស្មី ស្ទឹងត្រង់ លោកបានបញ្ជាក់ថា អំណោយតិចក្តី ច្រើនក្តីមិនសំខាន់នោះទេ តែអ្វីដែលសំខាន់ គឺការចែករំលែកគ្នាដែលកើតចេញពីបេះដូង ហើយទឹកចិត្តគួរឱ្យគោរពស្រលាញ់ ។
លោកបណ្ឌិត ឃីម រដ្ឋា ចាងហ្វាង រស្មី ស្ទឹងត្រង់ ក៏បានលើកឡើងផងដែរថា ការ ចូលរួមសាងអំពើល្អទាំងអស់គ្នា ការប្រព្រឹត្តអំពើល្អ ទោះបីជួនកាលយើងមិនទាន់បានផលល្អភ្លាមៗ ប៉ុន្តែនៅថ្ងៃណាមួយយើងគង់ ទទួលបានភាពជោគជ័យ ។ ម្យ៉ាងវិញទៀត បើយើងអស់សង្ឃឹមនឹងការធ្វើល្អ យើងនឹងធ្លាក់ចូលក្នុងជំពូកមនុស្សអាក្រក់ ហើយនឹងត្រូវអ្នកដ៏ទៃ និងសង្គមស្អប់ខ្ពើមផងដែរ ។
សូមបញ្ជាក់ថា អំណោយជាគ្រឿងឧបភោគបរិភោគ រួមមាន អង្ករពីបេ មី ៤ កេស ទឹកសុទ្ធពីកេស ទឹកសុជីវពីរយួរ ទឹកត្រីពីរយួរ សាប៊ូដុសខ្លួនចំនួនបីដុំ ៕
